الموضوع: اقصى سرعه للجيتا

المشاركة الأصلية كتبت بواسطة m07mad

انا مش عارف ليه حاسس ان الموضوع دا مزعلك على الرغم انو فتح في موضيع تانيه كتير واستفدنا من خبرات اكتر ،،، و كل سنه و انت طيب :)

لا يا باشا بس انا حسيت ان في ناس هتبدء تاخودها بجد اوي و اساسا احنا هنا في المنتدي بنقول ارئنا فا مش عايز حد يزعل , و رمضان كريم :)

المشاركة الأصلية كتبت بواسطة temoon

شوف يا محمد الالنترا انهاردة والسيراتو ماعادتش عربيات اقتصادية خالص لان تمن الهاى لاين فيها قارب 200 الف جنية وقطع غيار مش رخيصة وعن تجربة فى توكيل كيا فى كيا ريو وفى هيونداى ix 35 فا قطع الغيار فيها نار

بالنسبة للجيتا ياباشا مفيهاش esp وغير كدا انا عمرى ما دخلت توكيل فولكس فى مصر والحمد لله بصلحها برة ومابتصرفش معايا فى الصيانة فى المرة اكتر من 1000 جنية لما اكون مغير شوية حااجات انما لو فى التغير العادى من زيت وفلاتر بتصرف 500 او اكتر شوية او اقل شوية على حسب الشغل الى فى الصيانة

شوف يا محمد بالنسبة باى باى المانى دى استحالة تقدر تقولها فى يوم من الايام لان الالمان من مصنعين العربيات رقم 1 فى العالم لان الخامات بتفرق وطريقة التصنيع التقفيل بتفرق بردو وانظمة وسائل الامان بردو بتفرق يعنى مثلا abs الالنترا مش هيكون زى بتاع الجيتا فا انت بما انك تحت ايدك العربيتين جرب الفرامل وانت هتلاحظ الفرق

وفى نقطة كمان انت ماتاخدش بالك منها ان مثلا لو جبت عربيتين واحدة كورى وواحدة المانى موديلات مثلا 5 او7 سنين فاتو والعربيتين متبهدلين واعمل عملية تجديد شاملة للاتنين وبعد ماتخلص الاتنين شوف الفرق بينهم وهما واقفين جنب بعض ومثلا بعد سنة شوف الاتنين هيكونو عاملين ازاى لان من مميزات الالمانى انك لما تشدة تانى بيرجع زيرو بمعنى الكلمة والى يتساوى معاه فى دا هو اليابانى انما كورى او فرنساوى او الكلام دا لا ودا عن تجربة

بالنسبة للمواتير انا عارف ان مواتير الكورى مواتير حامية او بمعنى تانى متعفرطة او بمعنى تالت مواتير عزمها فى الاول شديد وتكيف الكورى احلى من الالمانى وعربيات ناعمة بس بردو شوف فى الكورى الى مع اخو صاحبك اية وقارنها بالموديل المقابل ليها فى الالمانى هتلاقى فرق فى كل حاجة هى هتكون عربية حلوة وفيها مميزات وكل شيئ بس بردو فى حاجات صغيرة بتفرق تلاقى الالمان مهتمين بيها عن الكوريين فى العربيات المتوسطة الى بنركبها انما العربيات العالية او العربيات الفخمة فيها كلام تانى والكورى فيها كويس وعربياتهم فيها حلوة مش وحشة

خد مثلا عربية اخويا ix 35 ومن وجهة نظرى عربية تعبانة وماتستاهلش فلوسها لانها غالية فوق 200000 جنية والخامات الى جوة مستخدمة بلاستيك والعربية بتزيق من جوة والمصيبة الاكبر ان قطع غيارها غالية يلااا عشنا وشوفنا الكورى بئة لة قيمة واغلى من الالمانى

دا حتى هيونداى فتحت مكتب اقليمى او فرع او نقلت ادارتها المانيا يعنى حتى بيتمسحو فى الالمان عشان يكونو بجانب قلعة الصناعة فى العالم وهى المانيا

مع رغم تقدم الالمان فى صناعة السيارات فى العالم تاتى فولفو السويدية فى الامان احسن من المانيا ورقم 1 فى الامان
محمد لو فضلنا نتكلم فى الموضوع دا كتير مش هنخلص منة وفى الاخر ولا المانيا اخواتنا ولا كوريا ولاد عمنا

الجيتا فيها asr و ده هو هو ال esp

الـ asr هو هو الـ esp ؟؟

المشاركة الأصلية كتبت بواسطة khaled_rafea

الجيتا فيها asr و ده هو هو ال esp

الASR جه مش ESP خالص.

الASR يعني Anti-Slip Regulation.......ده بيمنع إن العجل بفوت ويلف علي نفسه. Traction Control يعني.

الESP ده لما العربية بتفقد الإتزان هو بيفرمل كل عجلة علي حدي عشان يظبطلك العربية.

المشاركة الأصلية كتبت بواسطة m07mad

الـ asr هو هو الـ esp ؟؟

لأ طبعاً.

الموضوع ابتدى سرعه وانتهى امن ومتانه

من الاخر لو بولو سليمه اثبت من اى عربيه كورى --ودة شىء معروف من زمان
انما الكلام هنا عن توب سبيد وتسارع مش مناورة وثبات