محمد ممدوح باشا ياريت تشرح طريقة تركيب لوحة العدادات اللي فيها Rbm لأني ملحقتهاش معاكم من الأول
الموضوع ده بجد فارق معايا جدا لأني فعلا كنت على وشك إني أغير عربيتي بعد ما يأست من الكهربائية
ألف شكر مقدما يا كبير
أخوك أحمد
عرض للطباعة
محمد ممدوح باشا ياريت تشرح طريقة تركيب لوحة العدادات اللي فيها Rbm لأني ملحقتهاش معاكم من الأول
الموضوع ده بجد فارق معايا جدا لأني فعلا كنت على وشك إني أغير عربيتي بعد ما يأست من الكهربائية
ألف شكر مقدما يا كبير
أخوك أحمد
http://www.nilemotors.net/Nile/showthread.php?t=5143شوف الموضوع بتاع الRbm في هذا اللينك وكذلك هذا اللينك http://www.nilemotors.net/Nile/showthread.php?t=18103اقتباس:
محمد ممدوح باشا ياريت تشرح طريقة تركيب لوحة العدادات اللي فيها Rbm لأني ملحقتهاش معاكم من الأول
الموضوع ده بجد فارق معايا جدا لأني فعلا كنت على وشك إني أغير عربيتي بعد ما يأست من الكهربائية
ألف شكر مقدما يا كبير
أخوك أحمد
ألف شكر يا وليد باشا
إن شاء الله أجيب لوحة العدادات ويا ريت تساعدوني وقت التركيب لأن الصراحة أنا مش فاهم أوي والموضوع ده مبيتعملش إلا مرة واحدة في عمر العربية
إدعولي إني أنجح في التوصيلات من أول مرة
الف مبروك ياباشا وربنا يباركلك فيها
ممكن حد يوصف لنا ازاى افك العدادات لأنى عمرى مشوفتها وهيه بتتفك بالاضافة انها مش موجودة فى السرفيس مانيوال اللى موجود على الموقع
حتلاقي في التابلوه مكان زرار المرايا الكهرباء ال مش موجود في عربيتنا ال هاف اوبشن مسمارين فكهم ومكان الكاسيت والفراغ ال اسفله حليه علي شكل حرف u تحيط بالكاسيت والفراغ بمفك أقرص عليها براحة لتكسر لغاية ماتطلع هي راكبة بكلبسات واوعي الكلبسات توقع منك بعد ما تفكها حتلاقي مسمارين للكاسيت وفوقهم مسمارين فكهم بعد اقرص براحة بالمفك من ناحية هواية التكييف ال علي يمنهم حايطلع معك الجزء الاسود المحيط بالعدادات مع فتحات التكييف وزرار الانتظار ومكان الساعة حتلاقي لوحة العدادات ظهرت مربوطة ب 4مسامير فكهم الموضوع سهل بس عايز حرص
خلى بالك و انت بتفك، ماتشدش اللوحة اللى فيها مفاتيح التكييف بره، علشان الويرات ما تفكش من البوابات، فك مساميره و زحزحه بما يكفى لفك باقى المسامير و حرص على قد ما تقدر.
انا اشتريت تابلوه العدادات اللي فيه Rpm و فكيت العدادات اللي راكبة في العربية ومعرفتش اعمل اي حاجة بعد كدة:
اولا هل فيه حاجة تانية لازم أشتريها؟ و ايه المقصود ب "الدايود"؟؟؟ و سلك البوبينة؟؟؟ ياريت حد يشرح بالتفصيل لأن اللينكات مش مبينة حاجة ... أو انا اللي مش فاهم ... يا ريت حد يلحقني لحسن مصارين العربية برة
أنا كمان إشتريت ال 2 دايود اللي رقمهم (1N4004)
أنا دلوقتي فاكك التابلوه القديم ... فيه 3 مجاميع أسلاك ... كل مجموعة واصلة ب سوكيت ... أنا فاهم إن الشغل كله على السوكيت اللي على اليمين (تحديدا السلك الأخضر أول سلك على الشمال والسلك البني والسلك الأبيض)... إللي أنا فاهمه إن اللأسلاك دي متوصلة بين ال ECU وال سوكيت (اللي بيركب في ظهر تابلوه العدادات)... لو أنا فاكيت السلك الأخضر من السوكيت و وصلته بال 2 دايود و كشفت على السلك البني والسلك الأبيض من قبل دخولهم في السوكيت وبدون فصلهم من السوكيت و وصلت دايود بالسلك البني و دايود بالسلك الأبيض ... كده هيبقى السلك الأخضر متوصل بين ال ECU وعلى التوازي مع كل من السلك البني والأبيض ... والسلك البني والأبيض وباقي الأسلاك هما اللي واصلين للسوكيت ...و لو اللي أنا بقوله ده صحيح يبقى الكروكي اللي في اللينك مش مضبوط لأن الكروكي مرسوم فيه السلك الأخضر هوة اللي واصل للعداد (يعني السلك الأخضر وباقي الأسلاك ما عدا الأبيض و البني هما اللي متوصلين بالسوكيت اللي بيركب في ظهر تابلو العدادات)
http://www.daewootech.com/forum/viewtopic.php?t=7469
أرجو الإفادة
شوف الموبينة حتلاقي سلكين بني وابيض وصل البني بدايود والابيض بدايود ثم و صل طرفي الدايودين ببعض مع السلك الاخضر ال جي من لوحة العدادات وكله حايبقي تمام أن شاء الله بس خلي بالك أن الدايود له أتجاه والاتجاه من الموبينه للسلك الاخضر والدايود بتبقي عليه علامة أو شرطة سمراء هي دي اللخرج بتاعه((((((((((مع الشكر للاستاذ/محمد ممدوح خبير ومعلم الدايو))))))