الموضوع: مغامرة تحت سطح الماء فى البحر الاحمر...........تقرير كامل بالتفاصيل والصور

المشاركة الأصلية كتبت بواسطة hany a fattah

معاكم ان شاء الله

تشرف فى اى وقت

المشاركة الأصلية كتبت بواسطة m.a.t

هو ايه متوسط اسعار ادوات السنوركلينج و ايه احسن حاجه فيها

بالنسبة للزعانف تبدأ من 120 الى 500ج اللى هيا زعانف الغطس الحر

بس لازم تبقى عندك خبرة وانت بتشترى لانك لو اشتريت زعانف مش مناسبة ليك هتعملك شد عضل فى المية وانت وحظك بقة

بالنسبة للنضارة والسنوركل اسعارهم بتبدأ من 75ج ودى اختبارها سهل عند البياع عن طريق الشفط والنفخ المفاجى فيها عشان تعرف الشيك بلف شغال تمام ولا لأ
لانة لو مش شغال تمام ممكن تبلع مية وانت فى البحر

هيتفضل عندك الكاميرا اللى هتصورك تحت المية ودى اما تشتريها ضد المية وتعرف بتستحمل لحد عمق كام

واما لو عندك كاميرا يبقى هتدور ليها على جراب للتصوير تحت المية على مواقع البيع الاجنبية

يتبقى انك تكون عارف شواطى فيها شعاب مرجانية والاهم انك تكون عارف كويس ان فية ممرات بين الشعاب تدخل وتخرج منها فى اوقات المد والجزر خصوصا اللى بتكون قريبة من الشواطى

لان لو حصل جزر وانت جوة هيكون قدامك انك تفضل عايم مسافة لحد ما تلاقى مكان تخرج منة

او تجازف وتخرج من فوق الشعاب وفى الحالة دى احتمال انك تتعور بيكون احتمال وارد قوى