حجزت الايمي

**meemo** · 02-07-2014 06:27 PM

محتاج رايكم دلوقتي مندوب المبيعات اتصل بي قال ان اللون الاحمر اللي عايزه مش قبل يوم15 في الشهر واللي موجود واستلمه يوم الاحد لون الشامبين والفيراني وخصوصا اني مستعجل علي التسليم علشان انا نازل اجازة شهرين فاتت منهم اسبوع
ولا ده معناه ان الموضوع مش ماشي ومكملش واسحب فلوس الحجز؟؟؟؟؟؟؟

**medo_31** · 02-07-2014 09:31 PM

مبروك وربنا يعطيك خيرها ويكفيك شرها

**mostyet** · 05-07-2014 01:00 AM

اسحب فلوسك واشترى byd اوتوماتيك

**cobrahi** · 06-07-2014 03:30 AM

المشاركة الأصلية كتبت بواسطة mostyet

اسحب فلوسك واشترى byd اوتوماتيك

ليه حضرتك قولتله كدة .. ممكن اعرف وجهه نظرك ف النصيحه ؟ ممكن نستفيد من حضرتك لو انت من ملاك البى واى دى مثلا

**zastaffa** · 06-07-2014 04:41 PM

يا باشا مليووووووووووون مبروووووووووك وربنا يتمم الأستلام ب1000خير
العربية فعلاً جميييييييلة ودا عن تجربه مش مجرد كلام والسلام
بس أهم حاجة تعاينها كويس وقت الأستلام وتتأكد من وجود الأستبن والكوريك ومفتاح العجل ووصلة الفلاشة وماتنساش ترخم عليهم وتصمم تاخد الكتالوج ،، وخلي بالك عشان هايقولك أبقي خده من غبور في صيانة أل1000كيلو ،، بس أنت خليك أتنح منه وقوله ماليش دعوة ومش مستلم العربية ألا لما أخده.....وبالمرة ماتنساش تفتح الكبوت عالسخان كدا وتتاكد من البطارية الجافة وتشيك علي مستوي زيت الماتور والفرامل وقربة الميه وقربة المساحات ،، ناهينا طبعا عن قربة زيت الباور المزرنخ اللي متنيلين وحاطينه واللي أكيد أنت بنفسك بعد ماتجرب العربية هاتطلب تغييره في صيانة أل1000

حاجة كمان لازم تخلي بالك منها في ال1000كيلو الأولانية....ماتقرصش جامد علي الغيارات وحاول تنقل علي 2 أو 2.5 ار بي أم علي أقصي تقدير...طبعاً دا هايحرق دمك شوية لأن الجيلي مابتفوقش بجد ألا علي 3أر بي أم بس معلش نصبر شوية أول ألف كيلو دول بالذات....وبلاش تكيف عشان بيبقي حمل علي الماتور وهوا لسه بيلين....طبعاً فيه ناس هاتقولك ياعم صلي ع النبي وهي أصلاً جاية متلينة جاهزة....لأ ياسيدي العربية بتبقي متلينة عالواقف مش عالمشي....وحتي لو كانوا في التوكيل ملينينها وهما رافعينها ولو أني مابرجحش الأحتمال ده....فبرضوا دا ما يعتبرش تليين بالمعني الصحيح لأنه بيعتبر تليين عالهوا....يعني تليين وهمي ومش حقيقي ..لأنه ببساطة مافيش نزول علي الأرض أو مقاومة فعلية للطريق والعزم والمطالع وخلافه

أخر حاجة عاوز أقولهالك العربية فعلا جمييييييييلة ومحترمة وثابتة علي الطريق وفراملها هايلة وعفشتها أنا عن نفسي متأكد أنها هاتفرحك وترضيك....ودا عن تجربه مع أتنين من الأصدقاء المقربين والسفر معاهم بأستمرار للوادي وأسوان وشرم والغردقة وعمرها ماقصرت معانا أو قلت بينا حتي وأحنا مشغلين التكيف ومطلعين عينيها.....ودا اللي خلاني أنا كمان أطمع وأغير وطبعا أنتهي بيا الحال أني أنزل أحجزلي واحدة من سمير ريان وأخدتها يوم 19 اللي فات

نسيت أقولك.....ماتنساااااااااااا� �ش تظبط الكاوتش علي 28 عشان بيبقي دايماً ملخبط في الأستلام.....ومرة تانية 10000000000 مبرووووووووووك

**midooo_119** · 06-07-2014 08:26 PM

المشاركة الأصلية كتبت بواسطة mostyet

اسحب فلوسك واشترى byd اوتوماتيك

المشاركة الأصلية كتبت بواسطة cobrahi

ليه حضرتك قولتله كدة .. ممكن اعرف وجهه نظرك ف النصيحه ؟ ممكن نستفيد من حضرتك لو انت من ملاك البى واى دى مثلا

مثلا ... ده حتى مشاركاته كتير اوى اتنين على اده

**meemo** · 06-07-2014 11:43 PM

المشاركة الأصلية كتبت بواسطة midooo_119

مثلا ... ده حتى مشاركاته كتير اوى اتنين على اده

علي فكرة انا كنت هاجيب البي واي دي اتو في الاول بس اول ما الاسرة ركبت فيها من جوة زي ما يكون ركبهم عفريت غير الانطباع انها تاكس ورفضهم التام انهم يركبوا تاكس وطبعا لما شافوا وركبو الايمي اصروا عليها وربنا يبارك للكل في عربيته

**cobrahi** · 07-07-2014 04:57 AM

متااابع نصائح و تقارير ملاك الايمجراند باهتمام

**meemo** · 07-07-2014 03:54 PM

الحمد لله لسه مستلم العربية وراجع وهرخص بكرة ان شاء الله الواحد لما بيركب عربية جديدة كانه اول مرة يركب عربية دي بطلت مني 4 او 6 مرات وكان شكلي زبالة
فولت ل125 جنيه
ارخص واصور وارفع ان شاء الله بس مش بعرف طريقة رفع الصور