مبروك عليك العربية و ربنا يحفظهالك
,
,
لكن فين الصور ؟
رقم العضوية : 113851
تاريخ التسجيل : 22Sep2011
المشاركات : 37
النوع : ذكر
الاقامة : CAIRO
السيارة: NO
السيارة[2]: SKODA
دراجة بخارية: no
الحالة :
الحمد لله استلمت الايمي بعد فتره طويــــــــــــــــــله جدا من التفكير في شراء سياره جديده فتره فوق ال 6 شهور وانا بفكر اشتري عربيه ومحتار ما بين الفيرنا والافيو واللوجان والتيجو
والحمد لله ربنا هداني للايمجراند
شفت صورها علي النت وقريت عنها وعلي تعليقات الناس عليها هنا واستخرت ربنا
وتوكلت عليه ونزلت اشتريتها علي طول
والحمد لله من وجهي نظري انه قرار صائب
فنصيحه لاي حد قبل ما اتكلم عن العربيه وهو بياخد قرار ياخده علي 3 خطوات
1- يستشير جيدا
2- يستخير ربنا
3- يتوكل علي الله ولا يتردد
فقط خد بالاسباب واحسن الظن بالله انه حييسرك الموضوع لو خير ولو مش خير الموضوع حيقف
زي ما حصل معايا قبل ما اشتري الايمي رحت لواحد حبيبي في معرض سيارات عشان اجيب منه فيرنا مستعمله كسر الزيرو لكن الموضوع ما كملش قلت الحمد لله ده ربنا بعدني عن الموضوع ده عشان مافيهوش خير وشايلي الخير في حته تانيه ومازعلتش
والحمد لله ربنا كرمني بالايمي واللي يركب الاتنين يعرف ان الايمي اعلي بكتــــــــــــــــــير من الفيرنا عدا في كفاءه الموتور والتكييف مع العلم ان انا كان معايا قبل كده سكودا فيليشيا وسوزوكي ماروتي
نيجي بقي للايمي
خدت بعضي ورحت علي سمير ريان قاللي سعرها الرسمي 81 من غير فاميه و 82 بفاميه
بس انا حسألك علي التخفيض قولتله وريني العربيه رحت شفتها علي الطبيعه شكلها من بره شيك جدا عربيه فخمه بجد تدي للي ما يعرفش سعرها انها غاليه اوي فوق ال 120 الف واكتر
دخلت العربيه قلبت فيها لقيتها واسعه جدا من جوه وشنطتها ماشاء الله بحر والكراسي جلد والاضاءه في العربيه داخليا كويسه جدا وتوزيعها مثالي والفتيس حركته سهله لكن التابلوه للاسف مش عاطفي بالمره لكن عيني خدت عليه دلوقتي والخامات افضل او تساوي الفيرنا والتقفيل الي حد كبير مرضي جدا قولتله طيب وريني الوانها قاللي ماعنديش دلوقتي غير الفضي قولتله لا انا عايز الاسود قاللي عندي في المخزن الاحمر والازرق والكحلي والابيض واللبني قولتله طيب احجزلي العربيه وانا حروح المخزن ابص علي الالوان واكلمك اقولك اللون اللي عاجبني قاللي طيب نحجز الكحلي مؤقتا لحد ما تكلمني دفعت 1000 جنيه مقدم حجز ورحت المخزن اتفرج علي الالوان
رحت المخزن لقيت العربيات كلها متربه من بره والالوان مش باينه فالراجل بقي يمسحلي حته من العربيه عشان اشوف لونها المهم عجبني اوي اللون الازرق رحت مكلم الراجل اللي في المعرض وقولتله احجزلي الازرق عبال ما اروح اجيب الفلوس من البنك واجيلك
رحت مكلم غبور وسالته علي سعر الجيلي قالولي 81 من غير فاميه و 82 بفاميه
قولتلهم انتوا كنتوا عاملين عرض ب 80 بس قالولي غليت من اول الشهر
فلما رحت المعرض قلت للمسئول فين بقي الخصم اللي حتعملهولي قالي ححسبهالك علي 80750
حاولت انزلها ل 80500 ما ارضاش قلتله ماشي شويه والعربيه جت من المخزن قعدوا يغسلوها وينضفوها لحد ما بقت مرايه جه المسئول وقاللي امضي علي الاستلام قولتله مش لما اجرب العربيه الاول قاللي ما تقلقش طول ما العربيه في المعرض بتاعتنا لكن لو خدتها وخرجت ما نعرفكش قولتله سيبني شويه بس اجربها قعدت اجرب فيها شويه والراجل واقف علي دماغي يلا يا استاذ تعالي امضي زن زن زن مش عارف اجرب منه قولتله استني شويه لحد ما اجرب الكاسيت وكنت جايب معايا فلاشه واسطوانه ام بي 3 عليها قران جربت الكاسيت والاسطوانه شغاله زي الفل
اما الفلاشه وصله اليو اس بي مش موجوده والولاعه مش موجوده والكوريك والعده مش موجوده
اتصل بالمهندس في جيلي قاله فيه عجز فيهم كمان 10 ييجي ياخدهم كتبهملي في عقد الاستلام وقاللي كلمني كمان 10 ايام وتعالي خدهم ومضيت من زنه عليا وانا لسه ما جربتش اللي انا عايزه بس خلاص قلت اتكل علي الله ولو فيها حاجه التوكيل يضبطها في صيانه الالف الحمد لله بعد ما خدتها بعد كده وجربتها لقيتها شغاله زي الفل ما فيهاش حاجه
رحت رخصتها تاني يوم 3 سنين ب 1610 شامل الاكراميات والحلاوه واللذي منه
كل صغير وكبير ماشي في المرور بيدعيلك ربنا يخليهالك يا باشا ويكفيك شرها
وانا بصراحه ما بحبش اكسف حد
تقييمي للعربيه حتي الان
1- الشكل كما ذكرت تحفه يخلي الناس في الشوارع توقفك تسألك عليها
2- كفاءه الموتور لسه سحبه ضعيف بس العربيه لسه في التليين
3- التقفيل جبد وراضي عنه بنسبه كبيره
4- الكاسيت صوته حلو والراديو اف ام وايه ام والصوت نقي جدا واستقبال اشارات الراديو ممتاز دون ظهور لاريال للراديو
والسي دي ام بي 3 وصوت السماعات والتويترات جيد جدا ونقي لكن ما فيش البيز والدبه اللي حتحسها وانت مركب gm
5- التكييف ماجربتوش غير مرتين بس عشان العربيه لسه في التليين لكن ادائه جيد بس مش تلاجه زي الفيرنا
5- الفرش والكراسي ممتازه وبالنسبه لي مريح علي عكس الناس اللي بتقول انه ناشف ومرهق انا ما حستش بكده
6- التابلوه مش حلو شكله قديم شويه بس عيني خدت عليه
7- العفشه ناعمه بس طبعا مش زي الياباني والالماني ومش زي العفشه الرياضيه او السيراتو افضل طبعا
8 - الباور للدركسيون ناعم جدا
9- كمبيوتر رحلات جيد وتوضيح كامل لكل حاجه في السياره علي التابلوه
10- الثبات رائع ثابته فعلا وتديق ثقه في السواقه
11- الفرامل نعمه وبتلقط بسرعه واستجابتها رائعه مع انسيابيه في التنفيذ
12- العزل هايل ما تسمعش اي صوت وانت سايق تعيش في جوتاني خالص خصوصا لو شغلت الكاسيت والتكييف
13 - واسعه من جوه جدا وشنطتها بحر
ده تقريبا رايي فيها بعد 3 ايام واللي عايز حاجه يبقي يسألني
وانا شايف ان فيها كل حاجه كان نفسي فيها من حيث الشكل والامكانيات العاليه والسعر الجيد
عيبها الوحيد انها مانيوال
واللي عايز اي حاجه يبقي يسألني وحكتبلكم تقرير تاني بعد صيانه الالف ان شاء الله
رقم العضوية : 121411
تاريخ التسجيل : 06Mar2012
المشاركات : 3,625
النوع : ذكر
الاقامة : assiut
السيارة: --
السيارة[2]: --
دراجة بخارية: --
الحالة :
مبروك عليك العربية و ربنا يحفظهالك
,
,
لكن فين الصور ؟
الحمد لله عدد ما احصى كتابه و الحمد لله على ما احصى كتابه
الحمد لله ملء ما فى السموات و ملء ما فى الارض و ملء ما بينهما
[img2]http://nileup.com/up/uploads/nilemotors_13651184541.jpg[/img2]
You decide on your speed. Physics decides whether you live or die(بأمر الله طبعا)
رقم العضوية : 37309
تاريخ التسجيل : 05Apr2009
المشاركات : 4,099
النوع : ذكر
الاقامة : New Cairo
السيارة: Geely Emgrand7
السيارة[2]: Daewoo Nubira06 II SX
دراجة بخارية: no
الحالة :
الف مبروووووك عالعربية و ربنا يباركلك فيها انت كده اشتريت الى هى من غير فاميه ب80750؟ هى فعلا غليت انا اشتريت الشهر الى فات فاميه ب80500 من سمير ريان برضه و كنت عارف انها هتغلى من اول الشهر .. السحب هيتحسن معاك و انت مقرب من صيانة الالف .. الكاسيت كويس و سماعات الابواب حلوة لكن الى ورا تعبانه جدا .. التكييف بتاعها جيد و ممكن تشغله عادى بس مش كتير .. الكراسى ممكن تحس بانها متعبه لو سوقت فترة طويله لكن بعد كده بتاخد عليها و مش بتتعبك
[img3]http://im77.gulfup.com/mVDw3c.png[/img3]
رقم العضوية : 140159
تاريخ التسجيل : 10Apr2013
المشاركات : 48
النوع : ذكر
الاقامة : فيينا- النمسا
السيارة: باسات
السيارة[2]: فورد
الحالة :
ألف مبروك ربنا يحرصها لك من أى مكروة وأتمنى لحضرتك حظ سعيد وقيادة ممتعة
رقم العضوية : 131111
تاريخ التسجيل : 09Nov2012
المشاركات : 5,961
النوع : ذكر
الاقامة : طنطا
السيارة: Fiat 132
السيارة[2]: Geely Emgrand EC 7
دراجة بخارية: I.S.A BMW.s.1000.rr
الحالة :
الف مبرووووووووووك العربية وربنا يعطيك خيرها ويكفيك شرها ومستنين منك تقرير بعد صيانة الالف واهم حاجة نعرف اخبار التكييف اية لانة العقبة الوحيدة الي مخلياني ماخر قرار شراء العربية
. . . . . . . . . . . . . . . . . . . . . . . .
. . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥
رقم العضوية : 28996
تاريخ التسجيل : 01Jan2009
المشاركات : 1,636
النوع : ذكر
الاقامة : مصر
السيارة: لانوس 1
السيارة[2]: 127 فيات
دراجة بخارية: suzuki
الحالة :
الف مبروك وفى انتظار تقارير منك
رقم العضوية : 20516
تاريخ التسجيل : 29Sep2008
المشاركات : 1,378
النوع : ذكر
الاقامة : مصر
السيارة: Terious GX Plus 2012
السيارة[2]: Kia Rio HB 2013
دراجة بخارية: no
الحالة :
الف مبرروك يا باشا ربنا يحفظهالك
عاوزين كام صوره للعربيه كده
[sor2]http://s24.postimg.org/48vqezkw5/1405119604784.jpg[/sor2]
Eng/Mohab Elnahas
Aviation Engineer
المفضلات