الموضوع: بنك باركليز نصب عليا

المشاركة الأصلية كتبت بواسطة friendship7897

تقريباً نفس اللي حصل معايا في البنك العربي
واضح أنه سيستم ثابت في البنوك
مندوب البنك عرض عليا كارت فيزا مجاني بضمان حسابي 2011
عدت سنة وبعدها لاقيت مندوب تاني قال لي الكارت بتاعك لازم يتجدد
ومليت شواية أوراق
لاقيت كارت جولد جالي
وبعدها ماسدجات على الموبايل
لقد تم خصم 50.10 ج مصروفات إدارية
مرة والتانية
قولت أروح ألغي - روحت البنك شهر 12 سنة 2013 ، وقدمت طلب بإلغاء الكارت
وأنا بلغية المندوب قالي : بدل ما تلغيه حوليه كارت أزرق بدون مصاريف إدارية
قولت له ( مجاملة للكلام الكتير اللي قاله ) ماشي حوله
وقال لي قطعي الكارت اللي معاكي علشان خلاص إتلغا
وهنتصل بيكي علشان تستلمي الكارت الجديد والباسوورد
لاقيت في شهر 6 سنة 2014
رسالة بتطلب دفع مبلغ 201.50ج ، وقد تم خصم مبلغ 50.10ج
أتصلت بالبنك قالو لي لازم تروحي البنك نفسه ( شوفوا العطلة )
روحت البنك قابلت نفس المندوب
قالي لي إنا أسفة التحويل أترفض
قولت له تحويل أيه ( اللي أنت أقنعتني به بدل الإلغاء ) بعد عمل مشكلة وطلبت أقابل مديره
وقولت أدفع ليه مصروفات إدارية لكارت أنا قطعته ورميته بناءاً على كلام مندوبك
قال لي : إحنا أسفين ، إدفعي الأول المبلغ الجديد للسنة الجديدة وبعدين إليغي
أضطريت ودفعت ( لكارت غير متواجد أصلاً !!!) ولاغيت والله أعلم أتلغى ولا لسه
بس ليا سؤال : أنت عرفت إزاي أنك أصبحت بلاك ليست ؟

عرفت اني بلاك ليست عن طريق بنك تاني كنت هاشتري منهم حاجه بالتقسيط

المشاركة الأصلية كتبت بواسطة 4fun14

مش عارف ليه الناس زعلانه اوي كدة من باركليز..
انا عامل الكريدت تبعهم وبستعمله كتير جدا.. البطاقه اتعملتلي مجانا ومستقبلا لما ييجي معاد التجديد لو اشتريت ب 800 جنيه متدفعش مصاريف تجديد
وعاده بشتري بيه من السوبر ماركت.. عشان بيرجعلى 5% من الفاتوره!
يعني مثلا لو اشتريت حاجات ب الف جنيه ف شهر بيرجعلي منهم 50 جنيه.. ف رايي ده اوبشن ممتاز
مقابلتنيش معاهم مشكله لسه.. بس حاسي انكم مشيطنينهم اكتر م اللزوم

حضرتك انا المشكله معايا من اكتر من سنه و مش عارف احلها , مش قصه شيطنه , هما لو حلولي الموضوع هاشتكي ليه ؟؟؟

المشاركة الأصلية كتبت بواسطة ash_m_mod

حضرتك انا المشكله معايا من اكتر من سنه و مش عارف احلها , مش قصه شيطنه , هما لو حلولي الموضوع هاشتكي ليه ؟؟؟

مقصدكش انت يا باشا.. انت ليك مشكله مشروعه وانا شخصيا متضامن معاك جدا.. وعلي فكره اللي حصل معاك سمعته حصل من ناس كتير ف بنوك مختلفه
انا لو منك ياعم هرميلهم ال 200 جنيه بتوتهم ف وشهم واريح راسي
كونك بلاك لستد ف البنك المركزي ده شئ سلبي جدا منصحكش تعاند فيه والمبلغ تافه يعني
انا كنت اقصد الردود اللي جاتلك بس كانت غريبه كلها ماصدقت تسمع اسم باركليز عشان تشتم مع اني مش شايف انهم بهذا السوء

المشاركة الأصلية كتبت بواسطة 4fun14

مقصدكش انت يا باشا.. انت ليك مشكله مشروعه وانا شخصيا متضامن معاك جدا.. وعلي فكره اللي حصل معاك سمعته حصل من ناس كتير ف بنوك مختلفه
انا لو منك ياعم هرميلهم ال 200 جنيه بتوتهم ف وشهم واريح راسي
كونك بلاك لستد ف البنك المركزي ده شئ سلبي جدا منصحكش تعاند فيه والمبلغ تافه يعني
انا كنت اقصد الردود اللي جاتلك بس كانت غريبه كلها ماصدقت تسمع اسم باركليز عشان تشتم مع اني مش شايف انهم بهذا السوء

حضرتك انا دفعت الفلوس بالفعل و مع ذلك نزلزني بلاك ليست و مش عايزين يقفلوا الكارت علشان ادفع السنه اللي جايه .. شفت حضرتك المعامله

ياه.. طيب كويس انك قلتلي.. ده اخر شهر ليا معاهم باه.. بجد

بنك فعلا سيئ، والكلام ده سمعته من ناس كتير.
وعلى ما اذكر ، كان في عضو في المنتدي كاتب موضوع عن مشكلة تعرض ليها في قرض من باركليز

ازاي اعمل شكوى في I secor
كلمتهم قالولي روح البنك المركزي

كتير بسمع ان البنك ده سئ