بنك باركليز نصب عليا

**ash_m_mod** · 03-07-2014 03:04 AM

انا صيدلي اعمل في شركة ادويه , و في شهر 10/2012 حضر لمقر الشركه مندوب من بنك باركليز و اقنعني بعمل بطاقة إئتمان و انها في حالة عدم استخدامها لمدة 6 اشهر تصبح منتهيه و بالفعل عملتها و لم استخدمها و في شهر يناير 2014 فوجئت بالبنك يتصل بي و يخبرني بان يجب على دفع 485 جنيه لان الكارت جدد تلقائيا في 10/2013 و من ثم يجب دفع مصاريف الكارت و غرامات تأخير و بعد مفاوضات كثيره توصلت لتسويه و هي دفع 185 جنيه مصاريف الكارت فقط و لكن رفضوا اغلاق الكارت حتى يوم 30/9/2014 , و الان معي كشف حساب يثبت ان ليس على مبالغ و لكن فوجئت بنزولي بلاك ليست في البنك المركزي , فماذا افعل ؟

**Hussein_Ramdan** · 03-07-2014 03:32 AM

ماشاء الله كل ما اقبل حد يحكى على مشكلتو معا بنك بركليز
نصب على نص شباب مصر بقصة فيزا الشباب انا بردو كنت وقعت فيها ايام الشقاوة
بس نصيحة منى خليك بلاك ليست الكرديت شيطان
انا الحمد لله معايا فيز كتير من اكتر من بنك لكن بضمان ودايع
لكن جة مندوب من سيتى بنك وكل دماغى فى المصنع عندى وقلولوى من غير مصاريف ومن غير حاجة ونا اصلا مش عميل عندهم المهم وقعت فى الفخ
لقتهم بعتلى فيزا جولد الليمت بتاعها 30 الف
المهم كلمت الموظف قولتلو احنا متفقاش على جولد قالى والله مش بتعتى الاسكور بتاعك هو الى بيحدد اللميت
قولت الحمدلله معايا فيزا جولد ومستخدمتهاش اصلا فات سنة ولقتهم بعتين جواب عايزين 200 جينة مصاريف تجديد
روحت البنك دفعتهم وقفلتها
يعنى بمعنى كلامى ابعد عن الكرديت

**qkash.com** · 03-07-2014 05:20 AM

بنك باركليز عبارة عن مجموعة موظفين من النصابين والحرامية
بنك مبني كله علي ابتزاز المصريين.
في بداية ما فتح في مصر سهل شروط الحصول علي القروض والكريديت كارد لمعظم شباب مصر وكثيرين وقعوا في الفخ ولم مليارات من المصريين بالربا والفوايد المبالغ فيها وفتح فروع كثيرة وانتشر بسرعة جداً "من الربح المهول من القروض"
ربنا ينتقم من كل من يعمل في هذا البنك فهم مجموعة من اللصوص يستنزفون اموال المصريين

كان لي تجربة معهم ومازلت اعاني منها رغم مرور مايقرب من 7 سنوات "بلاك ليست برده"

**Ahmed_Rahem** · 03-07-2014 08:46 AM

اعتقد تقدم شكوى فى البنك المركزى بالمستندات الى معاك انك معلكش اى كبالغ وان البنك اساء اليك وممكن ترجع حقك

**A_H_M_A_D** · 03-07-2014 11:36 AM

كلموني في التليفون و كانت غلطتي اني سمحتلهم يتكلموا و يعرضوا علي كلامهم

بعد رغي كتير لمدة ربع ساعه قلتله شكرا انا مش عايز اطلع فيزا دلوقتي معايا واحده تانيه , لقيت الراجل بقى عامل زي اللزقه الامريكاني اللي مابتطلعش , احاول اقنعه اني مش عايز مفيش فايده ابدا عالم معندهاش ريحة الدم فعلا وفي الاخر اضطرني اني اقفل السكه في وشه مع اني مابحبش اعمل كده بس الاصناف دي فعلا حاجه صعبه قوي

**fepsceasar** · 03-07-2014 12:00 PM

اعمل شكوى فى i-score

**وليد مسلم** · 03-07-2014 12:11 PM

المشاركة الأصلية كتبت بواسطة ahmed_rahem

اعتقد تقدم شكوى فى البنك المركزى بالمستندات الى معاك انك معلكش اى كبالغ وان البنك اساء اليك وممكن ترجع حقك

فعلا يا اخى
هوه ده الرأى الصحيح
روح قدم فيهم شكوى فى البنك المركزى وهايجيلك حقك

**friendship7897** · 03-07-2014 02:54 PM

تقريباً نفس اللي حصل معايا في البنك العربي
واضح أنه سيستم ثابت في البنوك
مندوب البنك عرض عليا كارت فيزا مجاني بضمان حسابي 2011
عدت سنة وبعدها لاقيت مندوب تاني قال لي الكارت بتاعك لازم يتجدد
ومليت شواية أوراق
لاقيت كارت جولد جالي
وبعدها ماسدجات على الموبايل
لقد تم خصم 50.10 ج مصروفات إدارية
مرة والتانية
قولت أروح ألغي - روحت البنك شهر 12 سنة 2013 ، وقدمت طلب بإلغاء الكارت
وأنا بلغية المندوب قالي : بدل ما تلغيه حوليه كارت أزرق بدون مصاريف إدارية
قولت له ( مجاملة للكلام الكتير اللي قاله ) ماشي حوله
وقال لي قطعي الكارت اللي معاكي علشان خلاص إتلغا
وهنتصل بيكي علشان تستلمي الكارت الجديد والباسوورد
لاقيت في شهر 6 سنة 2014
رسالة بتطلب دفع مبلغ 201.50ج ، وقد تم خصم مبلغ 50.10ج
أتصلت بالبنك قالو لي لازم تروحي البنك نفسه ( شوفوا العطلة )
روحت البنك قابلت نفس المندوب
قالي لي إنا أسفة التحويل أترفض
قولت له تحويل أيه ( اللي أنت أقنعتني به بدل الإلغاء ) بعد عمل مشكلة وطلبت أقابل مديره
وقولت أدفع ليه مصروفات إدارية لكارت أنا قطعته ورميته بناءاً على كلام مندوبك
قال لي : إحنا أسفين ، إدفعي الأول المبلغ الجديد للسنة الجديدة وبعدين إليغي
أضطريت ودفعت ( لكارت غير متواجد أصلاً !!!) ولاغيت والله أعلم أتلغى ولا لسه
بس ليا سؤال : أنت عرفت إزاي أنك أصبحت بلاك ليست ؟

**AHMED12345678** · 03-07-2014 04:19 PM

مندوب بنك بركليز جالى الشغل علشان اعمل الفيزا بتاعتهم
ورفضت اقابله اصلا ونبهت على العمال بمنع دخولهم مكان العمل عندنا
وموضوع الفيزا ده انا رافض ليه لانى بحب ابعد عن اى حاجة فيها شبهه ربوية
الواحد يحوش احسن ويصبر ويجيب الى هو عاوزه بدل القرف بتاع الفيزا

-

الموضوع: بنك باركليز نصب عليا

LinkBack

أدوات الموضوع

عرض

-

-

-

-

-

-

المواضيع المتشابهه

مشكلتي مع بنك باركليز اسوء بنك في مصر

باركليز-أسوء بنك في مصر-تجربه شخصية

استشارة عاجلة بخصوص رفع حظر البيع عن العربية من بنك باركليز

ازاى اوصل الى حديقة الطفل بجوار بنك باركليز مدينة نصر

بنك باركليز

الكلمات الدلالية لهذا الموضوع

المفضلات

المفضلات

ضوابط المشاركة