أسعار المنتجات البترولية الجديدة

**aly_hosny** · 05-07-2014 02:11 AM

المشاركة الأصلية كتبت بواسطة عبدالله برعى

انا مع القرار لان كل من هب ودب يجبلو عربية
وثانيا
انا شغال فى شركة بترول مفيش اصلا عندنا اكتفاء ذاتى وكلة من مستورد البنزين 20 % استيراد والسولار 80 % استيراد يعنى الحكومة تستورد وبعدين تدعم واحد عندو 3 ميكروباص بيصفولو فى اليوم 600 جنية
الواحد يقول اللى لية واللى علية
انا مع القرار دا علشان الللى عايز يشترى عربية يفكر ميت مرة لان الشوراع زاطت والبنكوك خلت اللى معاه 5 الاف تاعبينو يسحب عربية انا مش ضد الناس اللى بتشترى عربيات المنظومة كلها فاشلة من المطبات الصناعية الى موضوع الدعم للمنتجات البترولية عامة
ستجد من يختلف فى الراى
وعلى راى الجزيرة الراى والراى الاخر

يعني عشان حضرتك معاك فلوس تشتري عربية
انما الغلابة لازم يطلع م$^$ ال جابوهم في اتوبيسات النقل عام

حشرات و حيوانات ميستاهولش اصلا انا عارف

**عبدالله برعى** · 05-07-2014 02:28 AM

المشاركة الأصلية كتبت بواسطة aly_hosny

يعني عشان حضرتك معاك فلوس تشتري عربية
انما الغلابة لازم يطلع م$^$ ال جابوهم في اتوبيسات النقل عام

حشرات و حيوانات ميستاهولش اصلا انا عارف

لو مشينا بالمبدا دا مش حنخلص
اللى معاهم فلوس بيصيفو فى فرنسا
اللى معاهم فلوس بيقضو شهر العسل فى ماليزيا
اللى معاهم فلوس بيركبو فيرارى
اللى ماعهم فلوس معاهم فلل وشاليهات
وهكذا.............
ومين قالك انى بدافع عن القرار لانى معايا عربية

احنا معندناش غاز نشغل بيه الابار لان الابار ليست natural flow ؟؟؟ ازاى نستورد بالعملة الصعبة مش كدا وبس لاء ندعم المنتجات البترولية؟؟؟؟؟؟؟؟؟؟؟ظمش منطقى
اللى عرفتو الشعب دا مينفعش معاه الا كدا هوا دا الصح مع احترامى الشخصى لكل عضو فى المنتدى العزيز

**sting_2010** · 05-07-2014 02:35 AM

اول مسمار فى نعش النظام الجديد .! وهدية على طبق من ذهب للاخوان وانصارهم .!

**demonarundo** · 05-07-2014 02:42 AM

المشاركة الأصلية كتبت بواسطة spidars

انا موافق علي سعر البنزين 92 يكون 4جنيه او 5 علي حسب سعره العالمي لاكن شيل الجمرك من علي السيارات والي عايزو يركب يدفع لكن جمرك ورفع سعر البنزين لا

أدينى البنزين بالسعر العالمى , وبعلى العربية بالسعر العالمى , ووفرلى شوارع بمواصفات عالمية , وأدينى مرتبات بالأسعار العالمية وانا حبقى مبسوط

**Mostafa.Mahran** · 05-07-2014 02:48 AM

مش مهم اسعار السلع تزيد و المواصلات تزيد و البنزين يزيد و كل حاجة تزيد المهم مصر تبقى قد الدنيا

**ahmedelrayan** · 05-07-2014 03:11 AM

نفسى اعرف ايه المنطق فى السلع اسعارها تزيد وحنا مرتبتنا زى ما هى اوك انا موافق مع الاعضاء اللى بيقولوا اقتصاد البلد هيقع والبلد عليها ديون والكلام ده طيب يعنى البلد تسدد ديونها فى مقابل كل واحد من الشعب يبقى مديون حضرتك بدل ما كنت بتدفع لاولادك 1500مثلا فى السنة عشان الباص يوديهم مدرستهم هتدفع 2000 حد يقدر يقولى الزيادة دى احنا هنجبها منين دى مثال من امثلة كتيرة هتحصل ومفيش حاجة هتسد العجز ده

**ehab** · 05-07-2014 03:22 AM

المشاركة الأصلية كتبت بواسطة ahmedelrayan

نفسى اعرف ايه المنطق فى السلع اسعارها تزيد وحنا مرتبتنا زى ما هى اوك انا موافق مع الاعضاء اللى بيقولوا اقتصاد البلد هيقع والبلد عليها ديون والكلام ده طيب يعنى البلد تسدد ديونها فى مقابل كل واحد من الشعب يبقى مديون حضرتك بدل ما كنت بتدفع لاولادك 1500مثلا فى السنة عشان الباص يوديهم مدرستهم هتدفع 2000 حد يقدر يقولى الزيادة دى احنا هنجبها منين دى مثال من امثلة كتيرة هتحصل ومفيش حاجة هتسد العجز ده

بالصبط الفكرة مش زيادة البنزين اكتر من كونها ارتفاع الاعباء المالية و الاحتياجات الاساسية لاي بيت

**amr100** · 05-07-2014 03:28 AM

هناك فرق بين قرار اقتصادي صح لازم واحد ياخده و مراعاة البعد والمستوى الاجتماعي للناس

**الريس حميدو** · 05-07-2014 03:33 AM

ارجو تحمل تدخلي
لكن ملاحظة صغيرة ان الفقير سيدفع اكثر ن الغني في موضوع رفع اسعار المحروقات

رجل الاعمال الذي معاه مليارات و بيحط بنزين 95 و كان بيدفع 585 قرش للتر بقي بيدفع 625 بنسبة زيادة 7 % و المواطن الغلبان اللي بيحط بنزين 80 كان بيدفع 90 قرش بقي بيدفع 160 بنسبة زيادة 80 %

**tutankhamoun** · 05-07-2014 07:05 AM

كنت جاي أرد و أقول شوية كلام

لقيت الناس قلبت الموضوع سياسي (كالعادة )
و الكل نسي أن كل الحكومات كانت تفكر في ازالة الدعم من أيام نظيف و قنديل و قبلهم كمان

بس بصراحة نفسي أتقفلت ...... الناس كلها باصة تحت رجليها ..... و الحكومة برضه لم تعلن خطة واضحة المعالم للناس عن عملية رفع الدعم و توفير البدائل في المواصلات .
سلاموا عليكوا

الموضوع: أسعار المنتجات البترولية الجديدة

LinkBack

أدوات الموضوع

عرض

-

-

-

-

-

المواضيع المتشابهه

حد يفهمنى او يضحك عليا دة بيعمل اية فى المنظومة الالكترونية لتوزيع المنتجات البترولية

شوفت بعينى جهاز الكروت الذكية لدعم المنتجات البترولية فى البنزينة

الحكومة تنفى نيتها لتحريك أسعار البنزين أو المشتقات البترولية ..طيب نصدق مين؟؟

تم نزول اعلانات الجديدة لسنة 2010 على المنتجات عربيات شامبو ايس كريم

الكلمات الدلالية لهذا الموضوع

المفضلات

المفضلات

ضوابط المشاركة