أنا شفت فعلا كل المقارنات اللى معمولة بين السويفت وبيت العربيات التانية على اليوتيوب
وفعلا كل المقارنات معمولة بينها وبين الريو والأكسنت الهاتش باك والفورد فييستا والهوندا الجاز ... لأن الكلام ده ده كله برة مواتيره بتخرج نفس القدرة وكمان نفس الفئة السعرية مافيش فروق سعرية بينهم ... يمكن الفييستا والجاز أغلى شوية لكن الريو والأكسنت نفس سعر السويفت برة
بس أنا مارضيتش أنقل الكلام ده هنا في المنتدى عشان أصحاب الكيا ريو والهيونداي أكسنت يزعلوا ... لأن طبعا فرق السعر في مصر غير مبرر نهائيا
من الآخر الكيا والهيونداي في مصر بتبيع اسمها فقط بأغلى من 30 ألف جنيه فرق في سعر العربية عن اللى حواليها واللى زيها تماما برة مصر (وزيهم تويوتا وميتسوبيشي طبعا) ... يعني مين يصدق إن البيكانتو اللى أقل من السويفت في كل حاجة تتباع أغلى منها بـ 10 آلاف جينه مرة واحدة ... وده طبعا مش فرق دولار ولا نيلة .. ما هي السويفت جاية مستوردة برضه ومن شرق آسيا برضه .. لكنه فرق سرقة مش أكتر
مرة كان عندي قضية فيها أحد توكيلات السيارات في مصر وإكتشفت إن أقل مستورد عربيات في مصر ... اللى هو مش بيكسب أو بيسرق ... بيطلعله من كل عربية بالميت من 15 - 20 ألف جنيه ربح صافي في جيبه
المفضلات