الموضوع: بيكانتو 2015 هاي لاين ولا سويفت 2015 هاتش باك

المشاركة الأصلية كتبت بواسطة El Prince

متابع معاك يا باشا - بس انا ماعرقش السويفت دى حتى شكلها ايه و لا مواصفاتها و لا صناعه وتأفيل فين

لو عندك اي معلومات او رابط ليها يبقى كتر خير

ده لينك ليها على موقع سوزوكي العالمي
SWIFT | Global Suzuki

المشاركة الأصلية كتبت بواسطة scientist9508

بسم الله الرحمن الرحيم

الأخ الفاضل الدكتور أيمن

أنا عندى ماروتى منذ 5 سنوات و كنت مواظب بشكل دقيق على الصيانه مع الوكيل مودرن موتورز حتى إنتهى الأمر بتحرير محضر ضد الشكره فى جهاز حماية المستهلك بل وإن الأمر وصل إلى أننى كنت على وشك إستدعاء الشرطه إلى داخل مركز الصيانه الرئيسى بأبو رواش. و تستطيع سؤال كل من تعامل مع مودرن موتورز لتعرف إلى ما وصل إليه مع هذا الوكيل.

آسف على المقدمه الطويله و لكنها ضروره لتعرف ما قد تقدم عليه.

بالنسبه لى أنا فأنا أرى و بشكل شخصى الآتى :
1 - مودرن موتورز هى المسؤله عن غياب سوزوكى عن السوق المصرى (بإستثناء الماروتى) . . . هل تعرف لماذا؟ . . . لأن الماروتى هى الموديل من سوزوكى التى لا تحتاج فيها لمراكز صيانة مودرن موتورز نهائيآ ولولا مودرن موتورز لكانت كل موديلات السوزوكى فى كل حاره و شارع فى مصر و لوجدت الشركات المنافسه صعوبه بالغه فى التسويق

2 - أرى من وجهة نظرى أن السويفت الجديده الهاتش باك أفضل من البيكانتو فى كل شىء بمعنى الكلمه و حرفيآ. حتى و إن تساوت السيارتين فى بعض النقاط تظل الإعتماديه و العمر الطويل و الآداء القوى للمحرك لصالح السويفت

3 - و لكن ربما تتفوق البيكانتو على السويفت فى الإرتفاع عن الأرض

تستطيع أن تشترى قطع الغيار من منفذ بيع قطع الغيار لشركة مودرن موتورز بشارع المساحه بالدقى و تركيبها بأى مركز صيانه للسوزوكى. و منها على سبيل المثال مثلآ مركز المهندس محمد أمين بباب اللوق أو أى ميكانيكى محترف.

أما عن توافر قطع الغيار. فستكون متوفره بشكل متقطع فى منفذ بيع قطع الغيار و بشكل دائم داخل مراكز الصيانه (فى حالة الإضطرار لذلك).

أم إن أحببت أن تريح بالك من كل هذا و تفضل أن تسلم سيارتك للوكيل ثم تستلمها بعد 4 أو 5 ساعات بغض النظر عن التكلفه أو كفاءة الصيانه فعليآ فالبيكاتو أفضل لك.

أعتذر عن الإطاله

هداك الله لأرشد أمرك و أقومه

السلام عليكم ورحمة الله و بركاته

أنا عارف مودرن موتورز لأني معايا ألتو ومن قرفهم في الآخر بطلت أتعامل معاهم وبقيت أشتري حاجتي من برة وأصاينها أنا بنفسي .. وهو ده سبب قلقي ... إني ما ألاقيش حاجة السويفت بسهولة ... لكن من ناحية أي عربية أفضل ،، السويفت أفضل بلا منازع من البيكانتو ... بس نعمل إيه في السوق المصري

ألف شكر ياباشا على الإفادة الوافية

المشاركة الأصلية كتبت بواسطة zangry

خليك في السويفت يادكتور .. البيكانتو حرام فيها الفلوس دي كلها وكمان مفيهاش اي عوامل امان

أعتقد إني ميال للسويفت برضه بإذن الله .. عشان شايف إن حرام المبلغ ده في البيكانتو برغم فقرها لعوامل الأمان وتنفيضها من الأوبشنز بتاعتها وفي الآخر أغلى من الياباني بـ 10000حتى لو متقفلة في الهند ... الهند جودة تقفيلها جيدة جدا بالتجربة في الألتو وكذا عربية