بيكانتو 2015 هاي لاين ولا سويفت 2015 هاتش باك

**D . a .\ AYMAN** · 22-07-2014 08:57 PM

المشاركة الأصلية كتبت بواسطة eng f3lix

تمام يا دكتور .. بس هتفضل ناعمة بردو مش ناشفة زي ماحضرتك قولت

بس الفتيس cvt ولا عادي؟

نقطة كمان عايز حضرتك تاخد بالك منها

السوزوكي سويفت واطية جداً تخيل انها كانت بتحك مني لو معايا نفرين .. الكلام ده في قطر مش هنا .. هل هنا حلو المشكلة ولا العربية هتفضل واطية؟

نازلة فتيس أتو عادي ...

أكيد العربية اللى ركبتها في قطر دي كانت سبورت مش العادية لأن العادية الجديدة 17 سم من الأرض والسبورت 13 سم من الأرض

أو يمكن القديمة كانت واطية شوية ... لأن القديمة كانت 1500 سي سي ونسخة رياضية وده محرك كبير عليها برضه

على فكرة البيكانتو 17 سم برضه على ما أذكر

**Sherifafifygal** · 23-07-2014 06:21 PM

شكرا للرد عنى و انا مع كلام D . a .\ AYMAN

على فكرة دة اول عربية لية و ياريت الناس تراعى ضعفى عن المعلومات المكانيكا و انا بحاول اقول تجربتى مع العربية بدون تحيز
انا معجب بيها جدا جدا و على فكرى انا لما وقفت جنب عربية كيا ريو لاقيت عربيتى اقيم بكتيررررررررررررررررررررر و الحجم ممكن يكون اكبر شوية و كمان عربيتى سقفها عالى

**eng.m7md.ali** · 23-07-2014 07:31 PM

المشاركة الأصلية كتبت بواسطة d . A .\ ayman

نازلة فتيس أتو عادي ...

أكيد العربية اللى ركبتها في قطر دي كانت سبورت مش العادية لأن العادية الجديدة 17 سم من الأرض والسبورت 13 سم من الأرض

أو يمكن القديمة كانت واطية شوية ... لأن القديمة كانت 1500 سي سي ونسخة رياضية وده محرك كبير عليها برضه

على فكرة البيكانتو 17 سم برضه على ما أذكر

تمام كدة

اللي معايا كانت 1600 مش 1500 وعفشة كانت ناعمة لان اصلاً الطرق هناك حلوة

وكمان العربية خفيفة عالطريق وفرامل حلوة وموتور غبي لان العربية خفيفة الوزن .. اعتقد انها لاتمت للنسخة الرياضية بأي صلة

**star_2121** · 24-07-2014 08:32 PM

ياجماعه استقروا على رأى انا عاوز اجيب السويفت 2015 هل قطع الغيار اسعارها معقولة ام مبالغ فيها

**star_2121** · 24-07-2014 08:35 PM

حد يعرف معارض اتفرج فيها على السويفت

**star_2121** · 24-07-2014 08:44 PM

انا دخلت على اللينك ده ولقيت ان فى اكسسوارات كتير ممكن تضيفها للعربية....هل ممكن انى اطلب الحاجات دى طبعا انا عارف ان ده هيرفع سعر العربية بس عاوز اعرف ممكن اطلبها من الوكيل

SWIFT | Global Suzuki

**D . a .\ AYMAN** · 24-07-2014 08:56 PM

المشاركة الأصلية كتبت بواسطة star_2121

ياجماعه استقروا على رأى انا عاوز اجيب السويفت 2015 هل قطع الغيار اسعارها معقولة ام مبالغ فيها

أنا عرفت بعض أسعار زي الإكصدام = 600 ... الفانوس الأمامي = 350 ... الخلفي = 250

المشاركة الأصلية كتبت بواسطة star_2121

حد يعرف معارض اتفرج فيها على السويفت

هي معروضة في التوكيل لو عايز تروح تشوفها ... هي اللى في الصور اللى أنا مصورها في الموضوع بتاعي في قسم سوزوكي

أرقام التوكيل وعناوينه

المركز الرئيسي أبو رواش : الكيلو 28 طريق مصر اسكندرية المدخل اللى قبل داندي مول على طول ت/ 35390085 أو 55
فرع مدينة نصر : 11 شارع عبد الرازق السنهوري - متفرع من عباس العقاد ت/ 22731373 أو 67
فرع الجيزة : 26 شارع المساحة الدقي ت / 37617401 أو 2 أو 3

وكمان أعتقد إنها معروضة عند الشناوي وأباظة دول اللى عرفتهم حاليا

المشاركة الأصلية كتبت بواسطة star_2121

انا دخلت على اللينك ده ولقيت ان فى اكسسوارات كتير ممكن تضيفها للعربية....هل ممكن انى اطلب الحاجات دى طبعا انا عارف ان ده هيرفع سعر العربية بس عاوز اعرف ممكن اطلبها من الوكيل

swift | global suzuki

للأسف العربية اللى نازلة مصر مافيهاش نص الحاجات اللى في اللينك ده .. ولا أعتقد إنها ممكن تتطلب

**Yusefabouelnga** · 24-07-2014 11:16 PM

المشاركة الأصلية كتبت بواسطة sherifafifygal

شكرا للرد عنى و انا مع كلام d . A .\ ayman

على فكرة دة اول عربية لية و ياريت الناس تراعى ضعفى عن المعلومات المكانيكا و انا بحاول اقول تجربتى مع العربية بدون تحيز
انا معجب بيها جدا جدا و على فكرى انا لما وقفت جنب عربية كيا ريو لاقيت عربيتى اقيم بكتيررررررررررررررررررررر و الحجم ممكن يكون اكبر شوية و كمان عربيتى سقفها عالى

اييه يعم الي انتا بتقوله ده؟صباح العسل :d

**Sherifafifygal** · 26-07-2014 02:53 AM

Yusefabouelnga على ما اعتقد يا استاذ يوسف ان انا من حقى ان اقول اللى اقولة و لو فى اعتراض من حضراتك لكلامى ياريت يكون فى حدود و اسلوب احسن من كدة شوية ( يعنى بلاش كلمة عم )
و موضوع اللى انا بقولة دة و صباح الخير ( صباح الفل ) بس كنت توضح اية اللى مش عاجبك فى اللى انا بقولة لعل و عسى انت فهمت غلط او تقنعنى انى بتكلم غلط

و لو انت مش معجب بالسويفت فى دة حرية رايك بس ياريت يكون نقدك للعربية يكون بناء بانك تستند لاقوال و عيوب حقيقة علشان اللى معاية العربية يستفاد و ياخد بالة و اللى بيفكر يشتريها بردة يكون على نور قبل ما يقدم عليها

و عموما العربية سعرها ارتفع و بقت 106 الف فى المعارض او الحجز و استلام بعد 3 شهور

و اسف على الاطالة

**som3aa** · 26-07-2014 12:15 PM

انا اساسا مش شايف وجه مقارنة اطلاقا
السويفت كانت ب 105 الف ايام ما كانت البيكانتو ب60 الف قبل الاسعار ما تغلى!!!! مش فاهم بيكانتو ايه اللى بتتقارن بالسويفت , لأ و كمان فاضية لا airbags و لا abs و لا حاجة ب 100 و شوية , حصل ايه للناس مش فاهم , البيكانتو سعرها جنونى .
عموما لسه انا متوقع قريب ينزل كذا عربية اللى بينافسوا الديزاير و الاتراج زى الهوندا ال amaze و الهيونداى ال Xcent فى نفس السعر