بيكانتو 2015 هاي لاين ولا سويفت 2015 هاتش باك

**El Prince** · 02-08-2014 02:31 PM

السادة الزملاء و د ايمن
كل سنه و حضراتكم و الاسرة بخير

طبعا انا بقدر و بحترم الكلام العاقل و العملى المبنى على اسس علمية و التجربة فى نفس الوقت

انا عارف ان د ايمن معاك بيرسونا و شكر حضرتك فيها و شرح كل مميزاتها و عيوبها و كثير من زملاء المنتدى كان السبب انى اتجه نحو شرائها بعد بيع سيارتى الاولى لأحتياجى لسيارة اوتو

المهم بعد غلاء البنزين الذى لن يتوقف وطرح السوزوكى و ترجيح حضرتك ليها و مشاهدتى لريفيوهات كتير ليها فى اوروبا - بدأت افكر فيها بجدية

انا تحركاتى تقريبا كلها لوحدى من الشغل للبيت و العكس و ساعات بوصل زملاء فى سكتى
و فى الاجازات بروح اعمل شوبينج و معايا زوجتى و ابنى وكانت احيانا شنطة عربيتى الفيرنا اللى بعتها مش بتكفى و فى السفر لأسكندرية كمان مرة او مرتين فى السنة

المشكلة انى مش هاقدر اجيب عربية ليا لوحدى و عربية للعائلة والشوبينج والسفر - تمن عربيتى اللى بعتها و اكمل عليها مبلغ يدوبك يكملو
تمن البيرسونا اللى تقريبا تمن السوزوكى السيدان ايضا

الحقيقة محتار و مش قادر اقرر - ارجو الافادة ماذا تفعل لو كنت مكانى ؟؟

وشكرا

**D . a .\ AYMAN** · 02-08-2014 09:19 PM

المشاركة الأصلية كتبت بواسطة el prince

السادة الزملاء و د ايمن
كل سنه و حضراتكم و الاسرة بخير

طبعا انا بقدر و بحترم الكلام العاقل و العملى المبنى على اسس علمية و التجربة فى نفس الوقت

انا عارف ان د ايمن معاك بيرسونا و شكر حضرتك فيها و شرح كل مميزاتها و عيوبها و كثير من زملاء المنتدى كان السبب انى اتجه نحو شرائها بعد بيع سيارتى الاولى لأحتياجى لسيارة اوتو

المهم بعد غلاء البنزين الذى لن يتوقف وطرح السوزوكى و ترجيح حضرتك ليها و مشاهدتى لريفيوهات كتير ليها فى اوروبا - بدأت افكر فيها بجدية

انا تحركاتى تقريبا كلها لوحدى من الشغل للبيت و العكس و ساعات بوصل زملاء فى سكتى
و فى الاجازات بروح اعمل شوبينج و معايا زوجتى و ابنى وكانت احيانا شنطة عربيتى الفيرنا اللى بعتها مش بتكفى و فى السفر لأسكندرية كمان مرة او مرتين فى السنة

المشكلة انى مش هاقدر اجيب عربية ليا لوحدى و عربية للعائلة والشوبينج والسفر - تمن عربيتى اللى بعتها و اكمل عليها مبلغ يدوبك يكملو
تمن البيرسونا اللى تقريبا تمن السوزوكى السيدان ايضا

الحقيقة محتار و مش قادر اقرر - ارجو الافادة ماذا تفعل لو كنت مكانى ؟؟

وشكرا

بص هاقولك على حاجة ...

أول حاجة تشوف شنطة السويفت السيدان وتقارنها بالفيرنا ... (عشان أنا معرفش شنطة الفيرنا حجمها قد إيه) وتشوف هل هي مناسبة ليك وهاتاخد شنطك لما تكون مسافر مثلا (والسفر هو الفيصل على فكرة) لو كدة توكل على الله

لو حسيت إنها مش مناسبة يبقى هاتفكر في خيار بديل

المشكلة إن حضرتك بتقول إن مشاويرك كلها وسط البلد وده يتطلب عربية صغيرة

أولا عشان الركنة ... غير كدة كنت قلتلك على السوزوكي الإرتيجا مثلا عربية حلوة 1400 سي سي .. بس حجمها كبير على وسط البلد (هي نفس طول السيدان العادية على فكرة بس بشنطة ستيشان مش أكتر) لو حجمها يمشي معاك في وسط البلد يبقى فكر فيها

ثانيا عشان توفير الوقود لأن هي دي الحتة بتفرق عربية موتورها صغير وعربية موتورها كبير ... لأن أكيد الموتور الـ 800 سي سي وهو شغال مثلا جنب الموتور 1600 سي سي في نفس الإشارة هايحرق موقود أقل منه النصف على الأقل (والحياة في وسط البلد ما شاء الله كلها وقوف في إشارات وزحمة لعينة ... الـ 1200 من الـ 1600 هايفرق الربع .. كمثال نظري وعلى فرض إن العربيتين واقفين جنب بعض أو ماشيين بهدوووء تاتا تاتا ... بحيث إن الواحد هايكون مش محتاج قوة الموتور الكبير في حاجة نهائيا

وكمان العربية في وسط البلد مجتاجة تكون أتوماتيك عشان الشلل .. والأوتوماتيك بتاع الـ 1200 هايستهلك وقود زي المانيوال بتاع الـ 1600 مثلا

كل دي عوامل حضرتك محتاج تفكر فيها

سيبك من حاجة الشوبنج مثلا وإنها ما كانتش بتكفي في الشنطة بتاعة الفيرنا ... لأن حاجة الشوبنج لو اتزنقت هاتحط بقيتها على الكنبة ورا مع الأولاد ودي بتكون حاجة استثنائية ولمدة مشوار قصير .. (من المول مثلا للببيت فقط) ... الفيصل هي حاجة السفر ... لأن السفر لازم الكل يكون مرتاح في قعدته

وكمان فكر في الميتسوبيشي الأتراج لأن شنطة الأتراج أعتقد إنها أكبر من شنطة السويفت السيدان ... وده مجرد إعتقاد مش متأكد لأني ما عملتش مقارنة بينهم عشان اهتمامي كان منصب على السويفت الهاتش باك

والناس اللى ركبوا الأتراج هنا في المنتدى بيقولوا استهلاكها في الوقود كويس وحجمها كويس

نيجي بقى للفرق بين البيرسونا وحاجة زي الألتو اللى كانت معايا ... البيرسونا على طرق السفر أفضل بكتير أولا شايلة حاجتك براحتها بدون ما تكون تعبان وموتورها مش مضايقك على ضعيف مثلا ولا حاجة واستهلاكها للوقود مع تثبيت السرعة والطريق المفتوح بيكون هائل بمعنى الكلمة وبيوصل لـ 300 ك/20 لتر

الألتو في السفر موتور ضعيف وبيستهلك وقود كتير جدا بالمقارنة بالبيرسونا وكمان صغيرة وضيقة ومش شايلة حاجتك كلها

والعكس تماما في وسط البلد ... البيرسونا في وسط البلد حريقة ينزين وبدون مناسبة وانت مش محتاج الحجم ده أساسا سواء حجم العربية أو حتى حجم الموتور

والألتو مافيش بعد كدة راحة في وسط البلد من توفير وحجم ... عيبها الوحيد إنها كانت مانيوال

عشان كدة عجبتني جدا السويفت ... حجم عملي وموتور مش ضعيف زي الألتو ومش حراق زي البيرسونا ينفع في مشاوير وسط البلد وهايسد في السفريات العادية بدون مايكون تعبان

وزيها الأتراج .. بس الأتراج ما عجبنيش تقفيلها وشكلها جوة وكونها ثلاثة سلندر مش أكتر خصوصا إني كنت بفكر في الهاتش باك مش سيدان

أتمنى أكون أزلت ولو جزء من حيرتك

**El Prince** · 02-08-2014 10:09 PM

أشكرك يا فندم على اهتمامك و رأيك الوافى
ربنا يوفق الى ما فيه الخير
خالص تحياتى

**rek_1001** · 06-08-2014 03:38 AM

السلام عليكم فعلا ماشاء الله عليكم افدتونى كتير فى الموضوع ده
انا فعلا كنت محتار بين نفس العربيات لكن استقريت خلاص ان شاء الله على السوزوكى
لكن مشكلتى الوحيده انى مسافر ومحتاج اشتريها واستلمها علطول ومش لاقى اى مكان فى العربيه تسليم فورى
الرجاء اكمال الجميل وتفيدونى فى الموضوع ده
مع العلم ان بعض الناس قالتلى انى ممكن ادفع اعلى واستلم وانا ماعندي مانع ب الاقيها
شكرا ليكم واسف على الاطاله

**D . a .\ AYMAN** · 06-08-2014 05:30 AM

المشاركة الأصلية كتبت بواسطة rek_1001

السلام عليكم فعلا ماشاء الله عليكم افدتونى كتير فى الموضوع ده
انا فعلا كنت محتار بين نفس العربيات لكن استقريت خلاص ان شاء الله على السوزوكى
لكن مشكلتى الوحيده انى مسافر ومحتاج اشتريها واستلمها علطول ومش لاقى اى مكان فى العربيه تسليم فورى
الرجاء اكمال الجميل وتفيدونى فى الموضوع ده
مع العلم ان بعض الناس قالتلى انى ممكن ادفع اعلى واستلم وانا ماعندي مانع ب الاقيها
شكرا ليكم واسف على الاطاله

للأسف العربية كل الدفعات اللى موجودة عند التجار غالبا يا إما كلها اتباعت يا إما شايلينها مش عايزين يبيعوها لغرض في نفسهم

وكله منتظر الدفعات الجديدة اللى الوكيل هاينزلها سواء تجار أو حتى حاجزين .. بس أحب أبشركم إن بإذن الله حسب كلام بتوع المبيعات في التوكيل إن التسليم للحاجزين حسب أسبقية الحجز هايبتدي من الاسبوع الجاي إن شاء الله

وأكيد الدفعات بتاعة المعارض هاتنزل برضه قبلها

**rek_1001** · 07-08-2014 03:35 AM

المشاركة الأصلية كتبت بواسطة d . A .\ ayman

للأسف العربية كل الدفعات اللى موجودة عند التجار غالبا يا إما كلها اتباعت يا إما شايلينها مش عايزين يبيعوها لغرض في نفسهم

وكله منتظر الدفعات الجديدة اللى الوكيل هاينزلها سواء تجار أو حتى حاجزين .. بس أحب أبشركم إن بإذن الله حسب كلام بتوع المبيعات في التوكيل إن التسليم للحاجزين حسب أسبقية الحجز هايبتدي من الاسبوع الجاي إن شاء الله

وأكيد الدفعات بتاعة المعارض هاتنزل برضه قبلها

الف شكر على اهتمامك وان شاء الله خير