مغامراتي الغبورية ... المغامرة الثانية...

**HiTcH** · 19-07-2007 12:59 PM

معلش سؤال خطر على بالى
هو لو الكاوتش بتاع العربيه فرقع ينفع اصلحه عند اى حد بتاع كاوتش ولا همشى على الاستبن لحد ماروح التوكيل عشان موضوع الضمان ده؟؟

أخوكم
هشام طلعت

**أبو_حمزة** · 19-07-2007 02:11 PM

الكوتش بره الضمان فى كل توكيلات مصر

**Hossam Mounir** · 19-07-2007 03:58 PM

أستاذ هشام ... ألف مبروك عليك الألنترا ... وربنا يباركلك فيها ... وأن شاء الله مش هتندم على أختيارك ...

بالنسبة للكاوتش ... هوه معاه ضمان منفصل وبيبقى خاص بعيوب الصناعة يعني لو ظهر عيب فى الكاوتش نتيجة عيب فى الصب ... أو الخامة المستخدمة ... ده جوه الضمان بتاعة ... أما لو الكاوتش أتخرم ... أو فرقع ... نتيجة عيب سواقة ... او مطب ... أو زجاج ... أو مسمار ... كل ده سيادتك تعمله على حسابك ... ومالوش دعوة بالضمان ...

تحياتي للجميع ...

م / حسام منير

**PAYOO** · 19-07-2007 06:44 PM

حسام باشا واحشني يا راجل

غبور ده منه للـ لله خلاني أشد في شعري

شوف بقى أنت ليك عندي حل جامد جدا هاتشكرني عليه

روح كارتك وأنت مغمض عنيك وهاتدعيلي

الناس هناك زي الفل وأخر زوق خصوصا المهندس بهاء

وأنا هاديك نمرة المهندس بهاء مسئول الأستقبال عشان تسائله عن المشكله دي وإذا كان يقدر يحلهالك أو لا

اما عن العنوان وأرقام التليفونات ....
(مدينه العبور _ المنطقة الصناعيه الاولى أمام مدينه الجولف)
ت : ( 46103431 _46103432_46103433)

أتصل بيهم وعرفهم أنك عضو نايل موتورز وكلم المهندس بهاء وهو هايقوم بالواجب
على فكرة أي حاجه هاتتغير في الضمان هايغيروهالك فورا من غير ولا مليم والكلام ده عن تجربه مع شريف المصري وأنا كنت معاه (غيارولوا الطنابير الأماميه إللي تمنهم 1800جنيه من غير مايدفع جنيه واحد)

وياريت أشوفك لما تروح كارتك لأني ساكن في العبور والمركز يعتبر قريب مني أتصل بيا لما تروح وأنا أجيلك يا ريس

**Hossam Mounir** · 20-07-2007 05:28 PM

بص يا Payoo مشكلتك معايا ... أنك دايماً سابقني ... وصدقني انا مكسوف جداً من ذوقك ... ومش عارف أقول أيه على ذوقك ده ... دايماً صاحب واجب ... وسباق فى الخير ... المشكلة أنهم فعلاً ... أكدولي أن الكاسيت ال original ... ده ليه فنيي مخصوص فى التوكيل فرع أبو رواش ... يعني لو الموضوع كان على الفرامل فقط ... أنا متأكد أن كارتك ... هيكون أحسن حل ... بس مشكلة الكاسيت دى ما لهاش حل للأسف غير أبو رواش ... وأن كنت ولله فعلاً نفسي أشوفك ... وأعرف الراجل ... اللى عنده محبة للجميع بلا أستثناء ... وعندة حب للخير ... مش عادى ... بس أن شاء الله نلتقى على خير قريب ... وأن كنت أفتكرتك ... لما الراجل اللى كان رايح يعمل صيانة ال 1000 فى قليوب وخبطولة العربية ... أفتكرت عربيتك الكوبيه لما حد خبطهالك فى نفس المكان اللي فعلاً مش كويس بتاع قليوب ...

على العموم انا هحاول أكلم م / بهاء واسئلة على مشكلة الكاسيت أنا كان ينفع أعملها عندهم ولا لأ ... وأن كان ينفع أكيد هبلغك ... وألف شكر على أهتمامك ... ومحاولتك مساعدتي ...

تحياتى للجميع ...

م / حسام منير

**Karim_Monir** · 21-07-2007 11:47 AM

حسام يا حبي معلش على اللي حصلك علي ايدين غبور واعوانة
فاكر لما كنت بفكر في الترا ولانسر وقولتلك مش عايز احط رقبتب تحتايدين غبور خاصة انا عارف عمايلة
ولا فرع قليوب ده حوار تاني
مفيش نظام وياما العربية كانت خلصانة بالساعة والساعتين ومحدش يقولك انها خلصت
واغلس حاجة في الفرع عندهم مهندس استهبال طويل وعريض كدة واسمر شوية وعلية برود ولا الروس وغطرسة ولا الالمان ويحسسك اننا بهايم بتسوق بقوايمك الامامية مع الاعتذار في التشبية ومفيش مخلوق مفكر في الكون غيرة

ياااااااااااااااااااااه
فكرتني بمأسيا مع مسيو غبور وربنا يصبرك عليه عشان خاطر العربية
اما نصيحتي بالنسبة للكاسيت وانا عارف انه الاوريجنال وديه لبتوع كلاريون اللي انت جايب من عندهم الالباين يمكن تكون حاجة بسيطة والكوست اللي هاتدفعة توفر علي نفسك مشوار ابو رواش ووتضييع يوم وحرقة دم

**Karim_Monir** · 22-07-2007 02:32 AM

المشاركة الأصلية كتبت بواسطة Hossam Mounir

فاكر لما كنت بفكر في الترا ولانسر وقولتلك مش عايز احط رقبتب تحتايدين غبور

أيوه يا سيدى فاكر ... وأنت كمان عندك حق طبعاًُ ... وأنا كنت كمان عارف الكلام ده ... بس كنت متوقع مع نزول الألنترا الشكل اللى قبل ده ... والماتريكس ... والألنترا الجديدة ... والسوناتا ... أن الموضوع هيبتدى يتغير ... والمفروض الناس دى بعد تحقيق أكبرمعدل بيع فى مصر ... يكون دخلوا بقى دنيا جديدة أسمها الشغل ال Professional ... بس واضح أني كنت واهم ...

اما نصيحتي بالنسبة للكاسيت وانا عارف انه الاوريجنال وديه لبتوع كلاريون اللي انت جايب من عندهم الالباين يمكن تكون حاجة بسيطة والكوست اللي هاتدفعة توفر علي نفسك مشوار ابو رواش ووتضييع يوم وحرقة دم

بص يا عم كريم أنا عندى مبدأ ... للأسف وراثة من الوالد ... أسمه هين قرشك ولا تهين نفسك ... طبعاً بعد ما عشم نوار رفض ... رحت طالع على الراجل بتاع ميدان الحجاز .. اللي ركبلي ال CD ... وحتى الراجل أتخض أول ما شافنى أفتكر أن ال CD فيه مشكلة ... المهم جابلى الفنيي وبص على الكاسيت وقالي ... بص هيا غالباً ... مشكلة بسيطة ... السوسته معلقة ... المشكلة لو فتاحنا الكاسيت ... وصلحناه الضمان بتاعة هيسقط ... وساعتها لو مشكلة كبيرة حصلت فيه ... ما حدش فى التوكيل هيعبرك ... وبقيت مضطر أروح غبور - مجبر أخاك ... لا بطل - الخوف بقى أني أروح المشوار ده مخصوص ... وفى الأخر يطلع لا فيه فنيي خاص بالكاسيت ال Original ... ولا أى حاجة ... وأشرب المقلب تمام ... بس ساعتها صدقني ... هخليهم يندموا على اليوم اللي فكروا يبيعولي العربية فيه ...

تحياتي للجميع ...

م / حسام منير

معلش والله ما بقطمك علي اختيارك بس الناس دي قدام المكاسب الكبيرة بتنسي اي حاجة
اما موضوع الكاسيت انا لو منك هافتحه في الحجاز واخلص
اقولك ليه المكن بتاع الكاسيت ده محترم قوي بس تلاقي حاجات تقفيل بسيطة
يبقي تفتحة وتريح دماغك وهما علي فكرة يعرفوا يفتحوة من غير ما يبان دول اساتذة
بيحطوا كيس نايلون فوق المسامير عشان ما يبانش انها اتفتحت وحاجات كدة

علي فكرة نفس مبدأي
هين قرشك الف مرة
ولا تهين نفسك لحظة واحدة
ومش هاتعرف تعمل حاجة معاهم في ابو رواش
مش هاتعمل اكتر من اللي عملتة فيهم لما اكتشفت ان الفيرنا خرجت من الضمان ومفيهاش فلتر تكييف
انا ...... .......
معلش مش قادر اقول عشان الرقابة
مستني اشوف النتيجة بقي