الموضوع: الى سكان المقطم، بقى عندنا نيتروجين للكاوتش

المشاركة الأصلية كتبت بواسطة tayson54

الله يبارك فيكم و عقبال نيتروجنكم

في حياتك ان شاء الله :D

[QUOTE=heema78;740094]

المشاركة الأصلية كتبت بواسطة Ahmad Allawy

كلام زي الفل..
كويس قوي والله..
دايما جايبلنا كل جديد يا باشا..
انا بافكر نعمل جريدة كده للمقطم.. و تكون بداية و كل مجموعه ساكنين في حي يعملوا زينا..
نجمع كل الحدمات المتاحة.. من محلات اكل و شرب و سوبرماركت كبيرة و محطات بنزين
الخ الخ الخ..


ديه فكرة هايلة وياريت نبدا بالخدمات الخاصة بالسيارات

هبتدى بالسيارات:

- (ميكانيكى) للأسف لم اقابل ميكانيكى كويس فى المقطم و ليا تجارب غير ناجحة مع كتير منهم، اقرب ميكانيكى كويس هيبقى ف صقر قريش

- (كهربائى) أحسن الوحشين فى المقطم واحد اسمه احمد كفتة و ده فى مساكن الزلزال، لما عند المفارق تدخل يمين بحيث يبقى المسجد على شمالك فى اول شمال فى اول يمين، غير كده فى كهربائى هايل و أمين فى ابو الريش.

- (ظبط زوايا و ترصيص) يبقى عادل زوايا فى بنزينة موبيل، انسان شاطر جدا و محترم و جدع، هيقولك على اللى فى العربية و مش هياخد مليم على شغل مالوش لازمة.

- (قطع غيار) أوتو كادو فى ش9 جنب مطعم المدينة المنورة، حاجته اغلى من العادى حوالى 10 - 20%، و يحسسك انه هو اللى عنده الأصلى و اى حد تانى هينصب عليك، فى كمان اكس موتورز فى ميدان النافورة، عنده قطع غيار قليلة علشان اغلب اللى عنده اكسسوارات.

- (اكسسوارات) اكس موتورز فى ميدان النافورة اغلى من ش دمشق و التوفيقية 20%، بس الميزة انه قريب و محترم و لو فى اى صيانة، بيعملها، يعنى مثلا مركب عنده سنتر و انذار من سنتين و لغاية دلوق لو حصل اى حاجة، افوت عليهم يعملوها من غير ولا مليم، فى كمان محل اكسسوارات مش فاكر اسمه فى ش9 بعد اولاد رجب، صاحب المحل ابن صاحب محل سبير كار، بس ماتعاملتش معاهم.


ده اللى جه فى بالى، ياريت باقى الأخوة اللى فى المقطم نبتدى نشارك بنصائح حوالين كل حاجة فى المقطم، يعنى محلات، مدارس، خدمات،.... الخ