الى سكان المقطم، بقى عندنا نيتروجين للكاوتش

**Hossam_Hassan** · 16-10-2008 09:27 PM

محل فيدرال بتاع الكاوتش اللى جنب راديو شاك فى ش 9 جاب جهاز نيتروجين للكاوتش، الفردة اول مرة ب 5 جنيه و بعد كده الضبط للأربع فرد ب 5 جنيه، اللى عجبنى فى الجهاز انه الأول بيسحب الهواء من الكاوتش لغاية ما الفردة تبقى مطبقة جامد على الجنط و بعدين يملاء نيتروجين، يعنى مفيش اى هوا داخل العجل.

**Ahmad Allawy** · 16-10-2008 10:28 PM

كلام زي الفل..
كويس قوي والله..
دايما جايبلنا كل جديد يا باشا..
انا بافكر نعمل جريدة كده للمقطم.. و تكون بداية و كل مجموعه ساكنين في حي يعملوا زينا..
نجمع كل الحدمات المتاحة.. من محلات اكل و شرب و سوبرماركت كبيرة و محطات بنزين
الخ الخ الخ..
انا باعمل الكوتش فغي كالتكس عباس العقاد عشان شاريه من هناك.. لكن كده ممكن اكسل و اضبطه هنا كل شهر و خلاص..

**MoToRiZeR** · 16-10-2008 11:10 PM

هوا شارع 9 ده في كل حتة !!؟
ألف مبروك لسكان المقطم

**Ahmad Allawy** · 16-10-2008 11:14 PM

ههههههه
و الله اللي انا عارفه ف المعادي وهو الاصل.. و المقطم..
في فين تاني بقي؟؟

**MoToRiZeR** · 16-10-2008 11:17 PM

و الله ما أعرف يا أحمد بس انا كل ما أتوه في حتة و اسأل حد يقولي (إنت تعدي شارع 9 و بعد كدة تخش .. إلخ )

فا حسيت إن مصر كلها شارع 9 .. ده غير بتاع المعادي ده مأساة لوحده
ببقي عايز أوصله و أخش كل الأرقام إلا 9 .. و أحس الشوارع كلها منفدة علي بعض أخش في واحد و أطلع ألاقي نفسي رجعت نفس الحتة

**Ahmad Allawy** · 16-10-2008 11:28 PM

لا متقلقش.. المقطم مش كده خالص..
شارع 9 ده هو عصب المقطم..
الشارع الرئيسي.. و الاكبر هنا..
كل الشوارع التانية تقريبا متفرعه منه.. يا اما موازيه ليه.. مفيهوش اي كلام يعني..
و مش هتتوه فيه خالص .. :)
بس انت شرفنا و تعالي هنا.. :)