أسمحولي أحكي علي أي أساس أنا أخترت حبيبت قلبي الميجان
بعد مبعت الفولفو 740 نوت أجيب عربية زيرو علشان الواحد مبقاش عنده وقت للصنايعية والمرواح والمجي للقاهرة كل محب أعمل حاجة فأول مفكرت قلت تويوتا طبعا ونزلت وأتفرجت عليها وعجبتني بص حصيت انها مش زي 2007 في القاعدة وكان لسه محدش أستلامها المهم قلت اصبر لغاية مالناس تستلمها وتجرب ولقيت العارض بتبعها ب148000 والحجز ب 138000 ونزلت والناس جربته وأبتدي الناس يشتكو من الفتيس فصرفت نظر عنها فوجهت تفكيري الي التريوس والميجان وأبتديت أسال عن الأثنين في المنتدي وناس جايبينهم فلقيت التريوس فيها حكاية انها صوتها بيعلي ومتبقاش ثابتة بعد 120 والميجان فيها العيوب الي كانت في 2005 وزكرها الأخوة الأعضاء الكرام هنا في المنتدي فالمهم عملت أستخارة ونزلت انا وأسرتي نتفرج علي الأثنين لأني كنت شوفت التريوس في المعرض هي والميجان ووقعت في حب الميجان من أول نظرة فعلشان كده أخذت أسرتي معايا وقلتلهم هم يختارو لأني حسمت أمري أن الأثنين مناسبين ليا ولشغلي بص كنت قرفان من شكل التريوس من الداخل فروحنا شوفنا الميجان وبعد كده شوفت التريوس ولقيتهم موافقين علي رلأي انها من جوة مش متنابة مع الشكل الخارجي ولا السعر المدفوع فيها يعني أبقي راكب عربية دافع فيها 140 الف وقاعد فيها قرفان والي حسم الموضوع لما حبيت أدورها ولقيت المفتاح من غير ريموت فقلتلهم شكرا يعني أدفع 140 الف وعربية من جوة شكلها مش عاجبني ولسه هدفع 500 جنيه علشان أركب ريموت طيب ميركبوه هم ويزودو السعر علي ثمن العربية فنوت علي الميجان وحسمت الأمر (تابع)