الموضوع: تحذير شديد من غبور

بسم الله الرحمن الرحيم
السلام عليكم ورحمه الله وبركاته
[color="rgb(139, 0, 0)"]غبور
غبور
مش عارف اقول ايه
مشكلتي بدات مع اول يوم لاستلامي العربيه يوم ٤/١٢/٢٠١٣ يعني من حوالي سبع شهور
من اول يوم استلمت العربيه لقيت فيها رعشه ورميه ناحيه الشمال قولت بسيطه وسهله يظبطوا زوايا ويرصصوا عجل في صيانه الالف
المهم رحت في صيانه الالف قولتلهم علي المشاكل قال مفيش اي مشكله هنرصص وهنظبط زوايا
قولتله تمام
ناس محترمه وتعاملتهم تمام وخلصوا العربيه بعد الميعاد بحوالي نص ساعه ( الاعتقاد الاولي بسبب المعامله الزائفه )
المهم استلمت العربيه وقالولي العربيه تمام وكله اتحل
جربت العربيه لقيت العربيه زي ما هي بترمي شمال والرعشه كما هي كان شئ لم يكن
رجعت والمهندس قالي معليش مواعيد العمل خلصت هحطلك العجله اليمين مكان الشمال ولو المشكله استمرت تعالي تاني في اي يوم يعجبك
قولتله ماشي
طلعت اجرب العربيه لقيت الرميه بقت يمين بدال شمال
رحتلهم بعد حوالي اسبوعين تاني لظروف خاصه
قولتلهم علي المشكله واللي حصل واخدوا العربيه وطلع معايا مهندس جرب العربيه بعد الصيانه والرعشه اختفت نسبيا والرميه قلت جدا ناحيه اليمين بس موجوده برضه غلبت اقنعه قالي لا مفيش رميه
المهم حمدت ربنا واخدت العربيه وسكت علي كده
لظروف خاصه قبل صيانه الخمس الاف اطريت انزل الاستبن بدال العجله اللي قدام شمال علشان الكاوتش باظ
ورجعت الرميه ناحيه اليمين تاني رحت التوكيل قولتلهم عملولي ظبط زوايا تاني طلعت لقيت العربيه بقت ترمي شمال تاني بدال يمين
رجعتلهم تاني بعدها بيومين طلعولي العربيه بترمي يمين تاني بدال شمال
كلمت الشكاوي وعملت شكوي كلمني مهندس اسمه مايكل رحتله دخلي العربيه طلعت بترمي يمين بدال شمال قولتله مش هينفع كده دي رابع مره وكل مره بتطلع بترمي في ناحيه مختلفه وخليته يطلع يجرب العربيه معايا قالي دا غالبا عيب كاوتش وكلملي مهندس اسمه فادي واخدت معاه ميعاد علشان يبص علي الكاوتش
المهم رحتله وبعد الكشف قالي الكاوتش ملوش دعوه واحنا هنغير الجنوط وكل حاجه هتبقي تمام
قولتله تمام والمفاجأه بجرب العربيه بعد ما طلعت لقيتها بترمي برضه يمين وظهرت رعشه جامده جدا اول مره اشوفها
كلمته قولتله يا بشمهندس حصل كذا كذا قالي اقفل اكلمهم اشوفهم عملوا ايه واكلمك تاني
الموضوع ده من حوالي اسبوعين وطبعا ولا كلمني ولا عبرني
المهم يوم الحد اللي قبل اللي فات اتصلت وعملت شكوي تاني قالولي هنرد عليك خلال ٤٨ ساعه
معبرونيش اتصلت جددت الشكوي يوم الخميس قالتلي هنرد عليك خلال ٢٤ ساعه واسفين ان محدش رد عليك محدش عبرني تاني اتصلوا بيا يوم الجمعه ساعه صلاه الجمعه
شفت الاستهبال
طبعا مردتش
اتصلت يوم السبت وقالولي مفيش حد اتصل بيك قولتله طيب انت صح محدش اتصل ليه قالي حاضر هجددلك الشكوي وهنرد عليك خلال ٢٤ ساعه وتاني محدش اتصل واتصلت انا يوم الاثنين طبعا اتخانقت وقولتلهم اني رايح التوكيل علي يوم الاربع وعايز اقابل مدير الفرع
قالي هتيجي يوم الاربع الساعه ١٢،٣٠ والعربيه هتبات علشان احنا بنقفل الساعه ٢،٣٠
قولتله انا هاجي الساعه ٩،٣٠ وهدخل العربيه وهقابل مدير الفرع وهاخدها وانا ماشي
قالي علي راحتك
المهم اني رايح بكره الصبح ومحتاج دعواتكم لاني ناوي علي مشكله كبيره ان شاء الله
لغايه دلوقت تجربتي مع غبور عرفتني حاجات
توكيل غير محترم بالمره ولا يحترم العملاء
لما كانوا بيغيروا الچنوط كنت شايف العربيه من ساعه ما دخلت لغايه ما خرجت دخلت الساعه ١١ خرجت الساعه ٥ من الساعه ٢ لغايه الساعه ٤،٣٠ معلقينها علي الكوريك ومبيعملوش فيها حاجه وكانهم عايزين الواحد ميلحقش يجرب العربيه
الفنيين والمهندسين داخل التوكيل ولا عندهم فكره
خدوا بالكوا من التوكيل ده حسبنا الله ونعم الوكيل فيهم
ادعولي بكره [/color]

المشاركة الأصلية كتبت بواسطة omar2017

اكشف الأول لو طلع عيب كبير روح التوكيل و بالحسنة لو مردوش يبدلوا زعق فيهم شوية و امشي و اطلع على حماية المستهلك و بعديها على القسم و اعمل محضر
و متبقاش طري معاهم لأن انا حصل معايا نفس الحوار دة في تلاجة الكترو ستار جبتها بعد اسبوعين فصلت روحت التوكيل قابلت مهندس قالي بكرة هبعتلك فني الساعة 9 يشخص و يقولك
اللي فيها
الساعة 11 و مجاش اتصلت بيهم قالولي معلش و مش معلش قالولي بكرة الساعة 11 جة الساعة 3 العصر قالي موتور قولتلة طيب خدها و انا هكلم المهندس كلمت الهندس قالي هتتكلف الف و نص قفلت معاة و روحت على حماية المستهلك و عملت محضر في القسم بعد يومين لقيت المهندس بيعتذر و قالي هتوصلني تلاجة جديدة بعد يومين
فمتبقاش طري خليك ناشف و اتنرفز و زعق

بكره رايح خلاص انا مقرر وزي ما انت بتقول هزعق وهعملهم بوليكه لان انا مش عيل بيلعب معاهم علشان يعملوا كده معايا
عارف ان حمايه المستهلك ساعات بتجيب نتيجه علشان كده مخليها ف الاخر
والف شكر علي دعملك وتعبك معايا