خبرة ملاك الصني الجديدة مع ارتفاع العربية

**مجدى على** · 23-07-2014 03:14 PM

تم رفض المشاركة التی تم كتابتها منذ 5 دقائق ؟؟؟؟؟؟؟ لماذا
د/مجدى

**Adnfalcon** · 23-07-2014 05:38 PM

اتفضلوا موضوع فريش عشان محدش يفضل يجادل وخلاص
www.nilemotors.net/Nile/432193-a.html

**محمد 2014** · 03-08-2014 03:17 PM

لازم نكون واقعيين مفيش عربيه ودا اولا مش فيها عيوب
كل انسان بيحصر اختيارته بناء علي طلباته يعني حضرتك عايز ايه من العربيه

عايز تجري علي الطريق وتاخد غرز طبعا نصيحه واضحه وصريحه ما تجبش نيسان صني مش محتاجه اي كلام لان الثبات مش هيساعدك
صاج ضعيف معلش في دي كل الناس عارفه كويس صاج العربيات عامله حاليا ازاي واي خبطه بتعمل ايه في العربيه
فرامل موضوع تيل الفرامل اكتر من واحد صاحبي قالي وصاحب المعرض زات نفسه تعمل حسابك كل 10 الاف كيلو
بتجيب تيل جديد و نقول نجيب الاصلي ب 550 بالنسبه لصيانتك و العربيه اكيد مش خساره فيها

العربيه واسعه ما شاء الله جدا ودا بشهاده الجميع و عاليه عن الارض لو حركتك كلها مطبات او خلافه مش هتحس ان شاء الله باي مشكله التكييف ما شاء الله كويس جدا والفتيس والموتور ياباني ومش عليهم اي مشاكل
استهلاك البنزين حسب ما سمعت من صحابي انه بيتحسن بعد 5000 ولو انه عالي معايا حبيتن عشان انا في التليين :d

دا رأيي بكل صراحه حضرتك تشوف انت طالب ايه من العربيه وامكانياتك والاختيارات قدامك وتحدد انما هجوم علي اي عربيه بصراحه في وجهه نظري لازم يكون معاه دلائل وانا جبتلك مشاكلها وميزاتها والاختيار بيبقي اختيار الشخص دي مسأله زوقيات ولا هي اول ولا اخر عربيه في الدنيـا والاهم من دا كله

لاي حد مقبل علي شراء عربيه اي كانت نوعها اعمل استخاره وربنا هيديلك ال فيها خيرك ان شاء الله حتي لو كانت 128

**Yosef_azab** · 03-08-2014 06:16 PM

العربية معايا عاملة 20000 وغيرت التيل والطنابر عند el-5000 ضمن الضمان
الحمدلله العربية مفيهاش أي مشاكل والثبات لحد 140 كويس والفرامل مش الميزة في العربية بس هي بتؤدي الغرض يعني طول ما أنت ماشي في حدود السرعة القانونية هتوقف هتوقف
إنما بقى اللي عايز يجري أكتر من 140 وعايز العربية تقف في مكانها لحظة ماتشعر فرامل يبقى تجيب bmw أو مرسيدس أو vw العربية سعرها 110000 عايز منها إيه بالضبط ؟
أنا الحمدلله مقتنع قوي بالعربية بالنسبة ل سعرها