الموضوع: خبرة ملاك الصني الجديدة مع ارتفاع العربية

المشاركة الأصلية كتبت بواسطة eng f3lix

معلش

يمكن تكون الصني الجديدة احسن من الفولفو مثلاً .. او الفيات بونتو ايفو .. او الفورد فيستا

ايه ده هيا العربيات دي مش منتشرة ليه؟!! اكيد عشان عربيات تعبانة

لا ده كدة فعلاً الصني احسن طبعا

حضرتك طبعا عارف ان الفولفو لاتنتمي الى الفئه دي - اقتصادية - لامن قريب اوبعيد وان ثمن اقل فولفو s60 298000 جنيه ده غير سعر اعادة بيع ضعيف وتوكيل سياسته التسويقية فاشلة وده واضح من المبيعات في فئته و قطع غيار غالية جدا .. اما البونتو ايفو اللي سعرها اغلى من الصني برضو مع مشاكل في الجيربوكس وسعر اعادة بيع ضعيف وتوكيل سيء - أوماترا - مش عارف الجديد اخباره ايه ؟ وقطع غيار غالية في حين ان فيات علامة اقتصادية في اوروبا اصلا ... هنا في مصر بيتعاملوا معاها انها حاجه عالية !!! اما فورد فيستا ذات ال 158000 جنيه لاقل فئة اتوماتيك وعربية بالحجم ده وقطع غيارها غالية وتوكيلها عايش في كوكب تاني عشان متوقع مبيعات منها بالسعر ده .. فلا تعليق

المشاركة الأصلية كتبت بواسطة grumby78

ومين قال ان الفيرنا فاشلة ؟؟!! وليه حضرتك متخيل انك بتفهم اكتر من اللي رايح يشتريها ؟ هيا في فئتها السعرية كويسة جدا لمن يقتنيها .. عاوز عربية للمدينة قطع غيارها منتشرة ورخيصة والورش بتفهم فيها لانها مش معقدة وسحبها ممتاز وتكييف تلاجه .. حاجات زي انها خفيفة وصاجها ضعيف وفرامل متوسطة الاداء مقبوله جدا في الفئة دي ونرجع ونقول كل الحديث عن عربيات اقتصادية في الفئة دي اللي مش بتديك كل حاجة ... موضوع انك مش طايق العربية - صني - ومسخر نفسك لانتقادها - وده واضح - ده انا مش حعلق عليه عشان كل واحد له هدف في الحياة وحضرتك حددت هدفك في الحياة وهو التطاول والانتقاد ..

اقرا كلامي الأول قبل ما ترد !
انا مقولتش فاشله اساسا
بس الشعب بيشتري عربيات مفهاش ايرباجز ولا abs ولا ebd ولا اي وسائل امان . وفالأخر يقولك العربيه منتشره !
بعدين احنا اتفقنا انك متردش علي تعليقاتي ولا نسيت
بالنسبه للتطاول والانتقاد احب اقولك خليك فنفسك للمره التالته

المشاركة الأصلية كتبت بواسطة toty_305

-يا جدعان القرد...غزال #صني ^_^

كوميديا الموقف هيا ان حضرتك تيجي تكتب ساخرا من ملاك الصني وانت راكب هيونداي اكسنت rb

المشاركة الأصلية كتبت بواسطة adnfalcon

اقرا كلامي الأول قبل ما ترد !
انا مقولتش فاشله اساسا
بس الشعب بيشتري عربيات مفهاش ايرباجز ولا abs ولا ebd ولا اي وسائل امان . وفالأخر يقولك العربيه منتشره !
بعدين احنا اتفقنا انك متردش علي تعليقاتي ولا نسيت
بالنسبه للتطاول والانتقاد احب اقولك خليك فنفسك للمره التالته

حضرتك كنت بتتكلم عن جودة الفيرنا وافتقارها لعوامل الامان فانا حبيت اقولك انها ناجحه في فئتها السعرية .. المشتري في مصر مش مغيب أو ناقص مفهومية .. بالعكس هو فاهم بس ناقصه فلوس في ظل سوق اسعاره خزعبلية وعربيات محملة بجمارك وضرايب مبيعات وارباح تجار وأوفر برايس وسعر دولار متقلب .. احنا بنتكلم في ضوء اسعار السوق المصري اللي حضرتك اكيد عندك فكره عنها ولو عندك فكره عنها حتعرف ان الصني بامكانياتها وسعرها جذبت شريحة من متوسطي الدخل اللي بيدوروا على عربية عائلية للمدينة توكيلها كويس وسعرها معقول الان بمواصفات جيدة جدا .. برضو في حدود سعرها
تعليقي سيستمر ومااتفقتش مع حضرتك على حاجة ومش حتكمم افواه الناس .. انا وبعد قرائتي لتعليقات حضرتك مش عارف اصلا انت عاوز ايه ؟ يعني ايه هيا وجهة نظرك اللي حضرتك لاتكل ولاتمل من طرحها برغم عدم امتلاكك للسيارة .. !!

grumpy78
طالما حابب تفهم وجهه نظري انا هفهمك .. اولا انا دخلت افيد صاحب الموضوع وقلت ان الصني عاليه عن الأرض .
ثانيا قولتله ابعد عنها . راح داخل واحد شوف اسمه فأول الموضوع يخبط فالكلام فيا و فعضو تاني بدون ما نكلمه . بعدين انا رديت عليه وانت جاي تلومني انا فالأخر ! اعتقد محدش شتكالك مني فبلاش تنتقدني لحد ما تفهم وجهه نظري
انا بنتقد اصحاب العربيه اللي بيشكروا فيها بدون ذكر عيوبها . يعني هتلاقي واحد بيقول النيسان ثباتها عالي ! طب بذمتك اقوله ايه ده ؟ بسببه واحد هيشتري العربيه عشان ثباتها اللي هو مش موجود اصلا

انت جيت و دخلت فيا شمال وأنا صبرت عليك عشان حاسك مش فاهمني لا اكثر . بس اعتقد انك محترم ودا اللي مخليني احترمك وارد عليك . انت بس دخلت سخن بدون ما تشوف النقاش من الأول

الصني "فنظري" و "فنظر كتير من ملاكها" بيقولوا انها مش ثابته ودي حاجه طبيعيه نظرا لارتفاع العربيه عن الأرض . والعفشه الغير مجهزه للثبات اصلا . والنقطه دي غير قابله للنقاش

العيب التاني . تيل الفرامل الردئ نفس فكره بيجو 301 ! نفس العيب
ودا كلام تقريبا جميع ملاك صني و بيجو 301

انا مش هتكلم عن الصاج الضعيف ولا هنتقد التقفيل بتاعها . بس لازم انتقد اي حاجه تخص الفرامل والثبات .

انا بنتقد سكودا فالفتيس ال dsg الفاشل وبنتقد ارتوك نفسه لأنه بيستعبط فحل مشاكل الفتيس
بس لما تشوف ملاك الصني زي حضرتك بيقولوا :

www.nilemotors.net/Nile/430694-a.html
www.nilemotors.net/Nile/429179-a.html
www.nilemotors.net/Nile/429801-a.html
www.nilemotors.net/Nile/425098-a.html
www.nilemotors.net/Nile/428794-a.html
www.nilemotors.net/Nile/365196-2013.html
www.nilemotors.net/Nile/111731-a.html
www.nilemotors.net/Nile/303597-2013.html
www.nilemotors.net/Nile/305361-2013.html


اكيد لازم احذر صاحب الموضوع و هو حر فالأخر
أعتقد وجهه نظري وصلت مع اقتناعي التام ان الصني سيتي كار بس معلش يعني سيتي كار علي عيني بس امشي اخري 120 عشان سيتي كار ! وابقي خايف من الثبات ؟ ليه الرعب دا !
انا بالنسبالي العربيه traction و stability واهم حاجه ال 2 دول فالمناورات عشان دا اللي بيفرق العربيات عن بعض
كده وصلت الرساله ؟

المشاركة الأصلية كتبت بواسطة Adnfalcon

grumpy78
طالما حابب تفهم وجهه نظري انا هفهمك .. اولا انا دخلت افيد صاحب الموضوع وقلت ان الصني عاليه عن الأرض .
ثانيا قولتله ابعد عنها . راح داخل واحد شوف اسمه فأول الموضوع يخبط فالكلام فيا و فعضو تاني بدون ما نكلمه . بعدين انا رديت عليه وانت جاي تلومني انا فالأخر ! اعتقد محدش شتكالك مني فبلاش تنتقدني لحد ما تفهم وجهه نظري
انا بنتقد اصحاب العربيه اللي بيشكروا فيها بدون ذكر عيوبها . يعني هتلاقي واحد بيقول النيسان ثباتها عالي ! طب بذمتك اقوله ايه ده ؟ بسببه واحد هيشتري العربيه عشان ثباتها اللي هو مش موجود اصلا

انت جيت و دخلت فيا شمال وأنا صبرت عليك عشان حاسك مش فاهمني لا اكثر . بس اعتقد انك محترم ودا اللي مخليني احترمك وارد عليك . انت بس دخلت سخن بدون ما تشوف النقاش من الأول

الصني "فنظري" و "فنظر كتير من ملاكها" بيقولوا انها مش ثابته ودي حاجه طبيعيه نظرا لارتفاع العربيه عن الأرض . والعفشه الغير مجهزه للثبات اصلا . والنقطه دي غير قابله للنقاش

العيب التاني . تيل الفرامل الردئ نفس فكره بيجو 301 ! نفس العيب
ودا كلام تقريبا جميع ملاك صني و بيجو 301

انا مش هتكلم عن الصاج الضعيف ولا هنتقد التقفيل بتاعها . بس لازم انتقد اي حاجه تخص الفرامل والثبات .

اولا احب اشكر حضرتك للرد المهذب .. دي نقطة مهمة جدا . ممكن نختلف في العربيات وننتقد بشده بس بلاش الموضوع يوصل لتهكم واستفزاز
شوف ياسيدي العربية معايا بقالها سنه ونصف تقريبا . وحقولك رأيي فيها بكل حيادية مااستطعت :
العربية مزاياها هي : ارتفاعها عن الارض ودي كانت نقطة مهمة بالنسبه ليا في اسكندرية عشان شوارع ومزلقانات القطر مهزلة .. ولو معاك عربية واطية حتتبهدل . عمرها ماحكت حتى مع تحميل 5 افراد بالغين - بالسائق-
مساحة داخليه ملفتة للنظر فعلا خصوصا الكنبة الخلفية كل اللي بيقعد فيها بيكون مستريح ومساحة الارجل ممتازه .
موتور وجير بوكس مجرب في موديلات سابقة لنيسان بدون اي مشكلة تذكر واعتمادي جدا ودي نقطة مهمة يعني في تقديري دول اهم نقطه في العربية ووجود مشكلة فيهم بمثابة كارثة
تحكم سلس جدا بفضل باور الكهرباء . شنطة واسعة وبتشيل اوزان برضو بدون حك . فرق معايا جدا تغيير كاوتش العربية الصيني -ماكسيس- لبريدجستون بنفس المقاس .. الفرق ملحوظ جدا في اداء الفرامل للافضل وكذلك نعومة العفشة بالنيتروجين .. حاسس كمان ان ارتباط العربية بالارض بقى افضل . عفشه ناعمة . اضاءة كويسة جدا انا ببقى شايف كل حاجه خصوصا في السفر ليلا . عجبني ان التوكيل اتصل بيا من كذا شهر وطلب العربية وغير ماستر الفرامل وشيك على الفرامل بدون مااشتكي وده كوني عميل عندهم من صيانة ال 1000 -مودرن موتورز اسكندرية - . نظام صوتي نقي ومش محتاج اكتر . تسارع مقبول من عربية اتوماتيك واتحسن جدا بعد 5000 . عربية هادية جدا وصوت الموتور غير مسموع . فيها كل مواصفات الامان من 2 ايرباج و ba و ebd و absوغلق الابواب مع التحرك وايموبولايزر ..
يعيبها ضعف الصاج وخصوصا الكابوت وتدعيماته غير مفهومة . التكييف ادائه مش مبهر خصوصا في الحر الشديد .. مش تويوتا كورولا يعني ولا فيرنا . الثبات بعد ال 130 في السفر ضعيف ودي نقطة انا متقبلها عشان دي عربية مدينة وكمان عالية ومش منتظر باسات او اوكتافيا عشان انا لازم ازود فلوس للموضوع ده . عربية المدينه اقتصادية في كل شيء وهيا دي الصني عاوز حاجه تخليك متطمن في المناورات والسرعات جيب حاجه فوق ال 180 الف . انا في سواقتي متزن عموما ويمكن دي نقطة مهمة يعني انا مالاحظتش مشكلة الفرامل بخلاف صفير بيظهر مع الفرامل الخفيفة . اخيرا لو رجع بيا الزمن حجيب صني برضو .. الحمد لله معايا فلوس اجيب اعلى بس انا اساسا مش مقتنع اني محتاج اكتر واغلى من كده خصوصا في مصر وشوارعها .. دمت بصحة ورمضان كريم