اقتباس المشاركة الأصلية كتبت بواسطة Bossy_Fadl مشاهدة المشاركة
اولا للاستاذ عبد الرحمن صاحب الموضوع

طبعا معروف ان قعدات الشباب مع بعض بيحصل فيها حوارات كتير زي دي

و اكيد الشباب مع بعض بيقعدو يتكلمو عن الجواز و الارتباط و انهي ممكن تكون افضل زوجة

بس يعني عاوزة اقول ان البنات بيحصل معاهم نفس الشيء

يعني قعدات البنات مع بعض بيحصل فيها نفس نوعية الحوارات

و كل بنت بتتشرط هي عاوزة ايه بالظبط في الانسان اللي ترتبط بيه

يعني مش الراجل بس هو اللي من حقه يتشرط و يختار و لما يروح يطلب واحده لازم ترضي بيه يا اما تبقي كافرة بالنعمة

هي كمان ممكن تكون مش شايفاه خالص الانسان اللي في خيالها و ترفض

انا باقول كل ده بس عشان للاسف بقيت اشوف معظم الشباب هلا بقو بيتكلمو علي اساس ان مفيش بنت ممكن ترفض و ان البنات مش لاقيه جواز و ان البنات علي افا من يشيل و كل واحده بتتمني ضفر عريس

و الله الكلام ما لحضرتك خالص بس للاسف بقت في فئه دلوقتي من الشباب تفكيرها بيصورلها كده

مع ان الموضوع مش كده خالص

ممكن بنت تقعد لحد ما يبقي عندها 40 سنة من غير جواز لانها مش لاقيه الانسان اللي تحس انها هتبقي مرتاحة معاه في يوم من الايام

و تفضل ترفض و انشالله تقعد من غير جواز خالص بس متتجوزش لمجرد الجواز

مش معني ان بنت كبرت في السن ان مفيش حد بيتقدملها

ده من سابع المستحيلات

مفيش بنت مبيجيلهاش عريس و اتنين و عشرة

بس في الاخر ممكن تكون بترفض لانها مش لاقيه حد فيهم مناسب

و بتفكر انها تقعد في بيت اهلها ملكة متوجة لكن متتجوزش لمجرد ان الناس تقول عليها كبرت

الجواز دي اهم خطوة في الدنيا و لازم كل حد يحسبها كويس اوي و يعرف مين البني ادم اللي معاه ده بالظبط لان دي هتبقي عشرة عمر

يعني تفكير الشباب بتاع ان اي بنت ما هتصدق ده بجد Very old fashioned

و محدش بيفكر كده

و لتاني مرة و الله الكلام ما عشان حضرتك خالص

انا بس بوضح وجهه نظر

____________________

ثانيا بقي

بالنسبة لموضوع شغل الست او لا

انا يمكن هاقول كلام هاخلي كل البنات عاوزين يضربوني:D

بس للاسف هو رايي طول عمري و يمكن كل البنات بيختلفو فيه معايا

انا شايفه ان موضوع ان المرأة نص المجتمع ده شعار صح فعلا مش مجرد كلام

بس نص المجتمع لان نص الحياة هي البيت

و هي المسئولة عنه قبل اي حد

مينفعش نقول ان البنت بتتعلم عشان تثبت ذاتها و تنفع المجتمع بتعليمها و الكلام ده

البنت بتتعلم عشان نفسها اولا و عشان تبقي ست عاقله و فاهمه و مثقفه تعرف تدير اسرة و حياة بحالها

و عشان تنفع ولادها باللي هي اتعلمته ده

و بعدين ما هي sure هتنفع المجتمع بعلمها ده لانها هتعلم ولادها اللي هما هيكونو جزء من جيل بحاله و الجيل ده هو اللي هيخدم المجتمع

انا معنديش اي مشكله ان البنت تشتغل قبل الجواز و ده مش عيب في حاجة لانها كمان بتاخد خبرة في التعامل مع الناس و بتكتسب خبرات عموما في كل حاجة

بس once انها تتجوز بتهيالي ان كده يبقي كفايه اوي

لان في بيت و اسرة اهم بكتير اوي من اي شغل في الدنيا

و تحقيق الذات و الكلام ده كله بجد باحس انه مالوش اي لازمة

احلي و اجمل تحقيق ذات في الدنيا كلها ان الواحده يبقي عندها اسرة و هي حاسه ان هي المسئولة عن كل حاجة ليها علاقه بالاسرة دي

و بجد الست لو غابت عن البيت يومين ميبقاش بيت و اي راجل يعترف بكده

كفايه احساس البنت ان الدنيا تقف لو هي غابت

بجد و الله احساس حلو اوي بالمسئولية

المشكله ان في رجالة بيشترطو ان زوجاتهم يشتغلو!!!!!!!!

و ده بجد الغريب اوي

انا ممكن اشجع شغل الست و هي متجوزة في حالة بس ان الدخل يبقي اقل من الطبيعي و ان البيت بجد مينفعش يتفتح غير بدخل الزوجين

و ده طبعا في حالة بس ان الزوج يبقي موافق يعني مش غصب.

لكن الافضليه برررررضه ان الست تبقي مهتمة ببيتها و بس

و معتقدش ابدا ان الست بيبقي عندها وقت تشعر بالملل بعد ما يجوو الاولاد يعني

في 900 مليون حاجة ممكن تتعمل في الوقت الفاضي ده

ممكن تقرا و لا تبتكر حاجة جديدة في البيت و لا تزور حد من اهلها

و مش لازم الزوج يسمع قصيده انا زهقانة انا عاوزة اخرج مانتا طول النهار في الشغل و انا مش باعمل حاجة

عشان و الله انا حاسه انها بتبقي حاجة مملة اوي للزوج

و عموما مفيش واحده في الدنيا كلها بتعرف توفق ما بين البيت و الشغل

لازم حاجة تطغي علي حاجة و في الغالب طبعا الشغل هو اللي هيأثر

بجد احلي حاجة في الدنيا تكوين اسرة

و في داهيه الشغل

اساسا و الله الستات لو قعدو و نزلو مكانهم الشباب اللي متخرجين و ماليين الشوارع دول مش هيبقي في بطالة في البلد

بس برضه ارجع و اقول ان في ازواج مش بيمانعو عمل الزوجة

لو الزوجة مصممة و الزوج معندوش مانع يبقي خلاص الموضوع اصلا لا عيب و لا حرام

المهم ميبقاش في مشاكل و لا نقص في البيت

انا عارفه اني هتضرب بعد القصيده دي بس يلا معلش كلمتين و كان نفسي اقولهم من زمان:D:D

و ربنا يوفقك يا استاذ عبد الرحمن و يوفقنا جميعا في اختيار الشريك المناسب

و اعذروني علي الاطالة

بوســـــي

انا طول عمرى يا بوسي بقول كدة برده انا هجوز و اربي العيال

احم احم:D

شكله كدة مش انتى بس اللى هتضربي و العلقة هيبقوا علقتين :k20: