تقرير ممتاز و عربيات جميله
لكن يبقي التوكيل و سمعته اكبر عائق امام نجاحها
عرض للطباعة
تقرير ممتاز و عربيات جميله
لكن يبقي التوكيل و سمعته اكبر عائق امام نجاحها
السويفت سعرها وامكانيتها منافسين جداااا واعتقد انها هتنجح بس محتاجة تسويق واعتقد انها افض من الاتراج
قطع غيار الفيتارا موجودة برة التوكيل كمان عادي في التوفيقية وأعلى نفق شبرا بس الجيمني ماعرفش بصراحة وإن كنت أعتقد إنها موجودة برضه عند ميدو أعلى نفق شبرا
وعلى فكرة في كذا واحد بيتعامل مع قطع غيار السوزوكي الاستيراد عامة في الحرفيين
أنا ماقدرش أقول لحضرتك هاتها أو ما تجيبهاش أنا بقول رأيي فقط في العربية وفي النهاية القرار الأخير لحضرتك أنا شايف إن العربية صفقة رابحة من جميع الجهات ... وبإذن الله أنا ناوي على السويفت الهاتشباك في المستقبل القريب لأني برضه شايف إنها هي الصفقة الرابحة في فئتها
ربنا يرزقك الخير أي كان خيارك
والله الموفق والمستعان
جزاك الله خيرا.. تقرير وافي وجميل
هي الارتيجا في منها فئات ولا فئة واحدة؟ وهل دا سعر الاتوماتيك ولا مانيوال؟
بالنسبة للارتيحا هل حضرتك جربت تقعد في الصف الثالث من المقاعد؟
كنت اود معرفة مساحة الاقدام؟ وكمان لو الصف الثاني بيتحرك للامام ام لا؟
تسلم ايديك موضوع رائع :)
توكيلها سىء
تستحق كل الشكر
تقرير رائع ومفيد جدا
بفكر جديا فى الاس كروس بالنظر لسعرها وامكانياتها التى تفوق الاسبورتاج و الهيونداى ix35
خصوصا انى كنت ناوى على الهيونداى ix 35
بس شكلها كده هترسى على السوزوكى اس كروس وربنا يعمل الى فيه الخير
تقرير اكثر من هايل ، السويفت كانت عايزة ماتور 1400 وتبقى بالسعر ده ببلاش لكن موضوع 1200 ده يقلق هيا والاتراج
السويفت والبيكانتو والأتراج مواتيرهم 1200 سي سي ... وبيطلعوا قوة حصانية قريبة جدا من بعض ... وفي نفس الوقت برضه أوزانهم قريبة جدا من بعض ...
يبقى ليه خايفين من الموتور الـ 1200 سي سي على السويفت ... طيب ما احنا كلنا عارفين قد إيه البيكانتو موتورها مجرم عليها وأكتر من كافي بالنسبة لها
وبعدين سوزوكي مش شركة مبتدئة ولا هاوية وأكيد خبرتهم بتفرق وعارفين هم بيحطو موتور شكله إيه على عربية شكلها إيه
دا أنا كنت بسافر وبجيب فوق الـ 160 ك/س بعربية ألتو 800 سي سي أسبوعيا لمدة سنتين على الأقل والعربية الحمد لله لم تشتك
أعتقد إن النقطة دي ليست محل قلق بإذن الله
إنهاردة وأنا قاعد وقع تحت إيدي جرنال يوم الجمعة اللى فاتت دي على طول فوجئت إن مودرن موتورز واخدة نص الجرنال لحسابها وعاملة شغل إعلانات كويس لعربيات سوزوكي بس للأسف مش كاتبين حاجات كتير من مميزات العربية المتفردة بيها
والحاجة الغريبة بقى إن أنا يوم الجمعة ده هو اللى كنت فيه عندهم باتفرج على العربيات وصورتها وما قاليش إن السويفت نازل منها مانيوال عشان الناس اللى كانت بتسأل هو فيه منها منيوال ولا لأ
قالي إنها فئة واحدة بس أتوماتيك
الجرنال كاتب إن فيها فئتين مانيوال وأتوماتيك وأعتقد إن موظف المبيعات اللى كنت واقف معاه ما يعرفش المعلومة دي
أكيد طبعا المانيوال هاتقل في السعر عن 99 ألف كمان
ممكن بقى اللى عايز يتاكد بالاتصال بيهم على رقمهم المختصر 16680
هو باور الارتيجا كهرباء؟!
فيها abs ؟
موضوع ممتاز و مجهود رائع و اكيد ناس كتير هتستفاد منه و ربنا يجعله فميزان حسناتك ان شاء الله
العربية معاية و بس ما شاء الله و الله احسن من الاتراج و ستب واى رينو
ال s-cross غالبا هتنزل بمحرك vvt 118 حصان وعزم 156 وفتيس cvt
وواخده ٥ نجوم في ال euroncap ( الموديل بتاع بره ابو ٨ ايرباجز )
وفرامل خلفيه disc مش drums زي ال sx4
بس يعيبها نظام التعليق الخلفي مازال torsion beam
بس ياترى هاتنزل الفئة الدفع الرباعي ... لو كدة يبقى العربية دي ما تتسابش بصراحة وطظ في كل الكماليات اللى ممكن تكون زيادة في السبورتاج أو الـ آي إكس 35 ... ده لو فيه أصلا حاجة زيادة فيهم مهمة عن اللى في الـ S CROOS
على فكرة السويفت الهاتش باك واخدة برضه خمس نجوم في الـ euroncap ... بس الفئة اللى نازلة برة فيها 9 إيرباجز مش أثنين بس زي عندنا
بصراحه مش شايف ان الدفع الرباعي هيكون ميزه لينا في مصر بالعكس هيزود استهلاك البنزين الا لو كان on and off اختياري مش دائم
في كذا فرع
الرئيسي : أبو رواش الكيلو 28 طريق مصر اسكندرية الصحراوي ... الدخلة اللى قبل داندي مول على طول قدام شوية على الشمال
فرع مدينة نصر : 11 شارع عبد الرازق السنهوري من عباس العقاد في نص الشارع تقريبا على اليمين وانت داخل من عباس العقاد
الجيزة : 26 شارع المساحة الدقي ... معرفش أوصفه لأني عمري ما روحته :36_3_10[1]: ... بس عنوانه سهل أعتقد
تقرير هايل اشكرك :helloogreen:
لكن ليا سؤال بما ان حضرتك معاك Alto 800وواضح من المعلومات المذكورة ان الموديل الجديد هو هو القديم من جهة الماتور والسعة
من جهة الاستعمال وانها 800 cc هل هى تتحمل مشاوير بشكل يومى فى حدود 60-70 كيلو
و قطع الغيار متوفرة واسعارها ؟؟
وبعد فترة من استخدامها فى عيوب بتظهر او اى مشاكل
بعتذر على الاطالة والاسئلة الكتير :Oc_sun1[1]:
وشكرا :satelite:
من ناحية الاستعمال ... هقولك مثال بسيط ... أنا فضلت لمدة سنة كاملة بسافر بيها أسيوط رايح جاي إسبوعيا ... يعني 800 كيلو في الأسبوع غير المشاوير الداخلية هنا
وقبليها سنتين الشرقية حوالي 100 كيلو يوميا رايح جاي ... ومطروح والغردقة والعريش .... لفت مصر من الآخر
والحمدلله عمرها ما قصرت معايا ولا شفت منها مشاكل نهائيا وقطع غيارها متوفرة في التوفيقية وشارع دمشق وأسعارها متوسطة (يعني أنا كنت جايب الفانوس بـ 250 ... تيل فرامل أمامي بـ 100 ... فلتر هواء بـ 80)
والحمد لله طول مدة الست سنوات اللى قعدتهم معايا ما شفتش منها ولا مشكلة (ولا عفشة ولا موتور) بفضل الله ... إلا مشاكل كنت أنا السبب فيها من الأساس (لو قلبت في مواضيع المنتدي هنا هاتلاقيني تقريبا واجهت مشكلتين وشرحت سببهم وحلهم ... أو ممكن تعمل بحث على المواضيع بتاعتي نفسها)
المشكلة ان فرق السعر اعلي بكتير من سعر اي سيارة مثلا في الهند
يعني الالتو بتحويل الروبية للمصري تبقي ب 33 الف
وهيا بتتباع ب 58 في مصر
اضافة الي ان الوكيل شايل حاجات كتير من العربية
والادهي ان لون الاكصدام اسود .... يعني العربية مش لون واحد ... للتوفير وهكذا
فعلا
مشكلة ادارة توكيل
شفتها في اباظة
تسليم فوري ب 104 و السيدان ب 109
هي حلوة و احلي من البيكانتو
هما لحقوا نزلوها باوفر برايس بتوع اباظه ... الله يلعن الجشع يا اخي ...
انا ملقتش الا اختبار تصادم موديل 2010
https://www.youtube.com/watch?v=SLseyuEvWsc
فين اختبار تصادم 2015 اللي واخدة فية 5 نجوم؟
هي موديل 2010 هي الموديل اللى نازل في 2015 برضه مافيش فرق في معايير الأمان عشان كدة ما اتعملش عليه تست تاني .. هو ده الفيس ليفت اللى بقى أطول وأعرض وقاعدة عجلات أكبر
الموديل اللى قبليه اللى كان فيه فروق عنه كان 2005 اللى فضل شغال لغاية 2009
بس انت عارف عقبال ما الوديل يوصل مصر بنفتكر إنه هو لسة نازل برة
دي صفحة سوزوكي على الـ EURO NCAP ... وموضح عليها الموديلات دي
Suzuki | Euro NCAP - For safer cars crash test safety rating
الاستاز ايمن صاحب التقرير واضح انه مغرم سوزوكي
عربيات محترمة يبقى ليه ما أحبهاش ... وعموما أنا بحب الهوندا أكتر منها كمان وسوزوكي أكيد وميتسوبيشي كذلك ... وبكره التويوتا جدا بدون إبداء أسباب بغض النظر عن إنها عربيات محترمة برضه ... بس الحب والغرام دي حاجة مالهاش صلة بالموضوع
المهم يكون في عربية تستوفي كل الشروط اللى أنا عايزها أو اللى حضرتك عايزها بسعر كويس ف السوق ومناسب أو تقدر توفره
وأنا شايف ده في السويفت حاليا ... لأني بدور على عربية صغيرة ...
وبرغم حبي الشديد للميتسوبيشي كماركة ... إلا إن الأتراج لما ركبتها ماعجبتنيش ... لكن ده لا يمنع إنها أكيد عربية محترمة في أساسياتها لأنها من صانع محترم ... وده كمان برأي اصحابها اللى اشتروها ...
... لكن مشكلتها مشكلة تسعير في السوق المصري بالمقام الأول ... ولا هي ولا البيكانتو يستاهلو ينزلوا بالسعر ده أبدا ... مقارنة بالسويفت
مجهود محترم و ممتاز
لو انت اللي مسكت توكيل سوزوكي هتبيع اكتر من مودرن موتورز ... توكيل سئ لعربيات محترمة
ممكن حد يفيدني اية الاحسن سوزوكي ارتيجا ولا تويوتا افانزا