متشكر جدا لحضرتك جدا علي سرعه الرد..وانشاالله هابلغه بكره انه يرجعلهم في الموضوع ده
عرض للطباعة
الف شكر ع مجهوداتك يادكتور ايمن وربنا يكفيك شرها
تقرير رائع و مجهود مشكور من حضرتك
بالنسبة لى الأرتيجا هى إن شاء الله إختيارى رقم واحد و بعدها الديزاير ثم البيرسونا لسه قدامى 7 شهور على الأقل على الشراء و الى أن يأتى الميعاد سأداوم على متابعة تقريركم بكل مستجداته بس حبيت أشكرك على المجهود
استفسار
معايا سويفت 2015
عداد العربيه اللي مكتوب عليه avg
بيقل كل شويه دلوقتي وصل ل 14.1 km/L
ده معناه اايه وهل دي مشكله ?
تاني حاجه مش معايا ورقة الضمان ، وشاريها من المصريه هل التوكيل مش هيضمن العربيه ولطالما مش معايا الضمان ?
ولكم جزيل الشكر مقدما
عداد الـ avg ... ده متوسط استهلاك الوقود ... وفي أغلب إن ما كانش كل العربيات بيكون غير دقيق نهائيا ولا يعول عليه في حساب الاستهلاك الفعلي ... وبيكون عبارة عن حساب كمبيوتري لكل عوامل استهلاك الوقود على مدار استخدام السيارة منذ ان تم تصفيره آخر مرة
ومن العوامل دي سرعة العربية وطالعة مطلع ولا نازلة منزل وقوة ضغط القدم على دواسة الوقود وقوة الريح واتجاهها وكثرة الضغط على دواسة الفرامل ودرجة حرارة الموتور ونوع البنزين
بس أعتقد إن رجلك تقيلة شوية على البنزين وبتطلع طلعات جامدة شوية .. لأن أنا عندي ثابت تقريبا على 16 وحاجة أعتقد مش متأكد قوي ..
ممكن تصفره بالضغط مطولا على الزرار اللى على اليمين ... وبكدة هايرجع يحسب من الأول تاني
المهم في الخلاصة .. ماتقلقش منه مافيش منه مشكلة بإذن الله
... كتب الضمان المفروض تستلمه في صيانة الألف الأولى ... بس فكرهم بيه في التوكيل لما تروح لأن أنا نسيت آخده منهم ومشيت من غيره
كنت فى مودرن موتورز النهاردة و شوفت الأرتيجا لى تصحيح صغير على الأستبن هو مش حديد هو سبور زى باقى الجنوطhttp://i1382.photobucket.com/albums/...ps93cac0d6.jpg
مشكوووووور والله يعطيك الف عافيه
هو ليه كل المنتديات والمواقع الإخبارية والمدونات اللى على الإنترنت برة نايل موتورز ... اللى بتتكلم عن الإرتيجا بالذات وموديلات السوزوكي الجديدة عموما بتاخد الصور بتاعتها من الموضوع بتاعي ده بالذات
معقولة مافيش صور تاني على النت غير من الموضوع ده
:00020140::00020140::00020140:
https://www.facebook.com/groups/1591...er_suggestion/
و ياريت تبقى الأدمن بتاعه :x1[1]:
بتدخل على أي موقع من مواقع تحميل ورفع الصور سواء مجانية أو بفلوس
زي نايل أب وده موقع مجاني تابع لنايل موتورز
مركز تحميل نايل موتورز
أو فوتو بوكيت ... وده ليه لميت مجاني وليه أكونت بفلوس
Photo and image hosting, free photo galleries, photo editing
...............
هاتعمل عليه أكونت وبعد كدة تبتدي ترفع أي صور عايزها عليه وبعد ما ترفع الصور هاتاخد اللينك المباشر أو اللينك بتاع المنتديات اللى المقوع بيحطه للصورة اللى انت رفعتها كوبي ... وتدوس على زرار إضافة صورة في المنتدى وتعمله بيست في الصندوق اللى هايظهر أثناء كتابة الموضوع بتاعك على المنتدى
وأعمل معاينة للمشاركة وشوف الصورة ظهرت ولا لأ
أنا عامة باخد اللينك المباشر وبيشتغل في نايل موتورز عادي مش غير مشاكل
الف شكر على المعلومات القيمه دى
يا ريت رأى حضرتك فى سياز الجديدة من سوزوكى ولك منى جزيل الشكر على تقريرك الرائع
تسلم ايديك ع التقرير الرائع
مشكور على المجهود الرائع تقرير ممتاز و مفصل
و لكن لى بعض الاستفسارات لو امكن
اود شراء الاورتيجا و لكنى افاضل بينها و بين السياز
اولا : حضرتك لم تذكر السياز فى التقرير فهل لديك اى معلومات عنها
ثانيا : ايهما افضل من من وجهة نظرك الاورتيجا ام السياز
ثالثا : هل الموتور 1400 سى سى 98 حصان كافى لحجم العربية الاورتيجا ام سيكون ضعيف على هذا الحجم
رابعا : بالنسبة للاورتيجا هل اعادة البيع سهلة ام صعبة و هل سعر اعادة البيع يقل كثيرا ام لا لانها من فئة الفان 7 راكب و هل هذه الفئة مطلوبة فى مصر ام انها غير مفضلة
خامسا : قطع الغيار بالنسبة لوكيل سوزوكى هل هى متوفرة بسهولة ام ان التوكيل ضعيف و هل قطع الغيار متوفرة عند التجار بسهولة ام فى التوكيل فقط
فى النهاية اسف على الاطالة و ارجو الرد فى اقرب وقت ان امكن
شكرا لك مرة اخرى
أولا : لما عملت التقرير ده ما كانتش السياز لسة نزلت ... ولما نزلت في ناس كثير اتكلمت عليها وحطت صورها كلها
ثانيا : سواء الإرتيجا أو السياز ... كل عربية بتخدم فئة مختلفة من المستخدمين ... يعني لو عائلة كبيرة يبقى الإرتيجا ...لو عائلة مكونة من أربع أو خمس أفراد يبقى السياز ... وبرضه الشكل مهم في الموضوع ده حسب ذوقك انت
ثالثا : الموتور الـ 1400 سي سي بيطلع قوة حصانية 95 حصان يعني كافية جدا لوزن العربية اللى لا يزيد عن 1040 كيلوجرام سواء الإرتيجا أو السياز برضه ... وغن كان الإرتيجا هاتحس إنها أثقل شوية لأن وزنها أكثر وبتشيل أكثر
رابعا : إعادة البيع دي حاجة لسة الناس ما جربتهاش أساسا لان العربيات لسة جديدة ... وعموما أنا مش خبير قوي في أسعار المستعمل
خامسا : قطع الغيار المستهلة كلها موجودة موجودة زي الفلاتر والزيوت والتيل وما إلى ذلك ... لكن قطع الغيار الغير استهلاكية (زي الأبواب الشنطة الكبوت والكلام ده) الوكيل مش موفر منها كثير ولسة مش منتشرة في السوق برة على اعتبار إن الموديل لسة جديد ... لكن في ناس كثير ابتدت تجيب حاجتها سواء في التوفيقة أو مصر القديمة أو شبرا في كذا واحد كمان ... وقريبا أعتقد إنها هاتكون منتشرة بصورة أكثر من كافية لأن العربية في انتشار يوم بعد يوم
ممتاز
ممتاز
ممتاز
ممتازممتاز
معلش انا مشتركة في المنتدي ده دلوقتي عشان عايزة اجيب عربية اقصاها 120.000.نانا كنت حاجيب البيكانتو بس الكل بيقول الفلوس كتير عليها ونصحوني بالسويفت بس في ناس بتقولي مش منتشرة والتوكيل مش اوي..انا بسال اجيب سويفت ديزاينر ولا بيكانتو ولا افيو ولا رينو سانديرو او نيسان صني او اوبترا؟؟ انا م عارفة انزل السؤال فين في المنتدي
لو هاتعرفي تجيبي سويفت ... أنا لازلت شايفها أفضل الخيارات المتاحة في السعر اللى انتي عاملة حسابك عليه ... وأفضل الخيارات من بين البيكانتو والأفيو والرينو
الرينو فيها ميزة وحيدة إن شنطتها أكبر من السويفت بكثير ... غير كدة السويفت أفضل في استهلاك الوقود وفي قوة الموتور بالنسبة لحجم ووزن العربية ومساحتها الداخلية كويسة لكنها مش في وسع الرينو
الأفيو من رأيي تشيليها من حساباتك تماما ... عربية قديمة وتكنولوجي قديم وموتور ضعيف واستهلاك وقود عالي وضيقة من جوة ... هي أسوأ الخيارات المطروحة على الإطلاق
مشكلة السويفت إنها مش موجودة زيرو أصلا في السوق ... الوكيل عنده بالحجز اللى وصل لغاية دلوقتي أكثر من 8 أو 10 شهور ... وكمان قافل الحجز بقاله فترة لغاية ما يعرف يسلم الناس اللى حجزت
وفي المعارض بتتباع بـ 140 ألف جنيه حاليا ... برغم إن سعرها في الوكيل 117 ألف ونص
عشان كدة بقولك لو هاتعرفي تجيبيها هاتيها على طول ... هي حاليا منتشرة إلى حد ما زيها زي غيرها من المنافسين وقطع غيارها متوفرة برة التوكيل كمان عند كذا مستورد في القاهرة
غير كدة يبقى الجراند آي 10 الهيونداي الخليجي سمعت إن في منها نسخة فيها abs وواحدة إير باج ... ودي نقطة مهمة جدا
في كمان الميتسوبيشي أتراج عربية كويسة ... وفيها abs وواحدة إيرباج برضه للسائق ... ده لوانتي متقبلة شكلها ... لأن شكلها غبي قوي بالنسبة لي بصراحة :)
الرينو السانديرو الأوتو فقط هي اللى ممكن تبصي لها لأن الموتور بتاعها 110 حصان يقدر يعادل وزن العربية الثقيل نوعا ... غير المانيوال اللى موتورها ضعيف عليها نوعا ما برضه ... بس عيبها بالنسبة لي إنها عربية خشنة شوية وعزلها سيء إلى حد ما أكثر من منافسيها اللى اتكلمنا عليهم دول
ولو مش عاجبينك كل دول ممكن بعد كدة تبصي للبيكانتو أو الجراند آي 10 الوكيل ... عموما الإثنين دول خاليين من أي عوامل أمان ... ما عدا الإيموبيلايزر وده الحاجة الوحيدة الموجودة فيهم من عوامل الأمان
أنا للأسف حاليا مش متابع أسعار عشان كدة مش هاقدر أفيدك حتى أنه أفضل من أنهي من ناحية السعر