التقرير روعة يا باشا و ممتاز حاسسني اني فعلا زرت المعرض بس انا كان عندي استفسارين بخصوص الاس كروس هيا استهلاك بنزينها قد ايه و ارتفاعها عن الارض قد ايه و عفشتها ايه ظروفها خصوصا انها المفروض تخدم في ظروف شديدة شوية و الف شكر
عرض للطباعة
التقرير روعة يا باشا و ممتاز حاسسني اني فعلا زرت المعرض بس انا كان عندي استفسارين بخصوص الاس كروس هيا استهلاك بنزينها قد ايه و ارتفاعها عن الارض قد ايه و عفشتها ايه ظروفها خصوصا انها المفروض تخدم في ظروف شديدة شوية و الف شكر
ا ايمن ممكن تقولنا ايه الالوان المتاحه وحضرتك اخترت لون ايه
مجهود رائع
ممكن يركبلها جهاز الإنذار الأصلي بتاعها لأنها أصلا بتنزل برة بجهاز إنذار .. لكن الوكيل طلبها من غيره وبيركبه هنا بـ 500 جنيه تقريبا
وممكن كمان يركبلها حساسات خلفية للركن برضه بحوالي 500 جنيه
وليها مسند يد على الكونسول اللى في النص وكنت رايح عشان أشتريه فعلا لكن لاقيت سعره 2300 جنيه ... أيوة 2300 جنيه أحسن حد يفتكر إني كاتب الرقم غلط ولا حاجة
الكلام ده كله في التوكيل معرفش الكماليات اللى ممكن تركب برة بقى هاتلاقيها كتيرة ومتنوعه
بصراحة ما أعرفش
كل اللى أعرفه عن الإس كروس كتبته ... للأسف استهلاك البنزين والكلام ده لازم حد يركبها ويجربها ويقول
ارتفاعها عن الأرض 17 سم
المفروض اللى معروضة فرش جلد ودفع رباعي وفتحة سقف ... لكن اللى هاتيجي فرش عادي ومافيش فتحة سقف ولا دفع رباعي ... جر أمامي عادي
استاذ ايمن بعد اذنك كنت عايزه اعرف شنطة السويفت تشيل عجلتين علشان النادي ولا صغيرة متكفيش
أعتقد ... والله أعلم... آخرها عجلة واحدة صغيرة
بس انا مش متأكد حتى عشان ما جربتش... هي عموما الشنطة صغيرة مش كبيرة
ودي النقطة اللي بتتميز فيها السانديرو مثلا عنها
بس في نقطة خدي بالك منها... حتى العربية الكبيرة شنطتها مش هاتشيل عجلتين مع بعض... انا معايا البيرسونا شنطتها بحر وبرضه ماعرفتش احط فيها عجلتين مع بعض وكذلك اللانسر البوما
العجل مالوش حل غير الحامل بتاع العجل اللي بيركب على الشنطة... وده اللي عملته في الآخر
استاذ ايمن انا لسه راجعه من التوكيل والعربية ما شاء الله تحفة حلوة اوي انا شوفت الرصاصي كان حلو اوي
وهي علي فكرة من جوة لو واحد بس اسود
بس كان لي ملاحظة ان الشنطة بتفتح مع الابواب كلها مع بعض سنتر عكس السيدان الشنطة منفصلة عن الابواب وطبعا اكبر
فمش عارفه هو موضوع الشنطة ده ملوش حل ؟ بيتهيالي كده مش امان اوي ولا ايه ؟
وسالته علي الكاميرا الخلفية قالي ممكن تركب بس لازم شاشة كمان
السانديرو كانت اختياري الاول وعاجباني جدا وبقالي شهور مستنياها تنزل اتوماتيك بس للاسف مش باين في امل علشان كده صرفت نظر عنها ولما شوفت تقرير حضرتك فكرت في السويفت
تحجز ب ٥٠٠٠ والاستلام بعد ٦ شهور وتكلفة الكاميرا قالي هسالك عليها ونسيت قبل ما امشي اعرف كام ؟
يمكن لاني ركزت في موضوع الشنطة ده
هحاول اتصل بيهم ان شاء الله واعرف
6 شهور كتير جدا جدا ،،، مش عارف ازاي يكون معاد استلام عربية كده يعني
طيب هي لسه بنفس السعر 98900 ولا زادت
وهل حضرتك سألتي عليها في اي مكان تاني غير التوكيل ؟؟
وبالنسبة لموضوع الشنطة معتقدش انها ازمة خالص او فيها مشكلة يعني انتي لو نسيتيها مفتوحة كده كده هتبقي سايبة الابواب مفتوحه بردو :d وربنا يستر ان شاء الله
وشكرا
اه نفس السعر بس هي ٩٩ انا بصراحة مسالتش برة لانه تقريبا مزودين بتاع ١٠ الاف علي مسمعت ده غير اني مش معايا تمنها اصلا دلوقتي فكده كده كنت هستني
حضرتك ده أنا كنت شايل هم إن الهاتش باك يطلع قفل شنطتها زي السيدان قبل ما أشوفها ولما شوفتها واطمنت إنه مع السنتر وشغال كهرباء فرحت جدا ... لأن الكهرباء أكثر أمانا وراحة وقفل مغناطيسي لو مشيتي بالعربية وباب الشنطة أو أي باب تاني حتى مفتوح بتدي إنذار صوتي للتنبيه
ولما تحبي تفتحيه من برة بتفتحيه بلمسة زرار
وعلى فكرة نظام أمان السيارة فيها بيشتغل على مرحلتين .. يعني أول دوسة على زرار فتح الريموت بتفتح باب السائق فقط دوسة كمان تفتح باقي الأبواب والشنطة .. ولما الإنذار الأصلي بتاعها بيركب فيها الأبوبا كلها بتقفل بعد سرعة 20 كيلومتر/ س
السانديرو حسب كلام التوكيل مش هاتنزل أتوماتيك قبل سنة أو سنتين على الأقل
هي سعرها لسة ثابت على 98900 ... ولو غلاها دلوقتي قبل ما يعمل انتشار كويس في السوق تبقى خطوة غير موفقة منه نهائيا لأن الناس لسة قلقانة من عدم انتشارها ولو لقيت سعرها زي غيرها هاتجيب غيرها على طول
على فكرة حاجة كمان بالنسبة لقفل الشنطة ... لو في أي باب أو حتى باب الشنطة مفتوح .. العربية مش هاتقفل أساسا واللوك مش هايشتغل ولا السنتر هايقفل من أصله
كانت عندنا السيراتو وكانت بردو الببان بتقفل عند العشرين كيلو بس كانت عاملالنا مشكلة مع ابني الصغير لانه طول مهي مهديه بيعرف يفتح الباب وهي ماشية هو مفيش حل للاطفال
في عربيات بتقفل مع أول دوسة فرامل ... بس برضه باعتبار إن الواحد لسة طالع من مكانه واحتمال ما يحطش رجله على الفرامل لمدة كبيرة برضه ممكن اللوك مايقفلش لمدة برضه
أنا عندي في البيرسونا كدة وبرضه ساعات أفضل ماشي مدة كبيرة قبل ما أوس أول دوسة فرامل ... ما
الحل للأطفال اللى من النوعية دي لازم تستعملي معاهم لوك الأطفال بتاع الباب اللى ورا اللى بيخلي الباب ما يفتحش من جوة أصلا
تقرير ممتاز بس كان محتاج صوره جانبيه وصوره للماتور
آه زعلت فعلا إني ا لقتطش صورة جانبية وللموتور لكل عربية ... بس أنا كنت مسعجل لأن كان يوم الجمعة والساعة كانت 3 .. وهم أصلا مابيفتحوش يوم الجمعة لكن كانوا فاتحين بصورة استثنائية لغاية الساعة 3 فقط عشان كان اليوم اللى العربيات جاية فيه وطالعة على المعارض
وبسببي وأنا عمال أصور مشيتهم الساعة 4 باين ولا حاجة .. وبصراحة الناس كانت متعاونة ولا زعلوا ولا حسسوني حتى إنهم متضايقين
طيب يا دكتور ماتصورلنا عربيتك من الجنب و الموتور
اصل احنا غلسين و متعبين :)
و يا ريت تقولى هو المعرض بتاع مدينة نصر فين بالظبط فى عباس العقاد ؟؟
يعنى فيه محل مشهور هناك ادخل من جانبه؟
لو سمحت الالتو فيها تكيف ولا لا
فيها تكييف
[QUOTE=YahiaAshraf;3875704673]لو سمحت الالتو فيها تكيف ولا لا [/QU
فيها تكييف بس من غير بور
بإذن الله حاضر .. بس كدة هاتبقى صور السويفت فقط دونا عن غيرها بقى :) ... وبالخبطة اللى في الجنب كمان
هابقى أصور الجنب التاني بقى ... الحمد لله لسة عندي جنب سليم :)
بالنسبة لمعرض عباس العقاد لو انت جاي من مصطفى النحاس وماشي في عباس العقاد هاتلاقي على اليمين معرض بي تك وبعده بيت الدونتس ... وبعديهم على طول شارع عبد الرازق السنهوري هاتدخل فيه قدام بقى شوية بعد التقاطع على اليمين هاتلاقي توكيل مودرن موتورز ... وهتلاقي الإس كروس اللى كانت في أبو رواش معروضة هناك دلوقتي (الظاهر معندهومش غيرها لسة عمالين يلففوها على المعارض كل معرض شوية لغاية ما تيجي الدفعات بتاعتها
الألتو الجديدة مافيهاش غير تكييف فعلا .. زي ما الزملاء الأفاضل قالوا :tumb:
السوزوكي سويفت موجودة في الملك كارز بنفس سعر التوكيل ٩٩ الف
عايز اسأل سؤال:
هي العربيات اللي بنتفرج عليها في المعرض بتبقى عربيات ناس هايستلموها ؟
باشا الصور اتمسحت من الموضوع
أو بمعنى اصح موقع الرفع اللى رفعت عليه الصور حذفهم
ده أحد الأسباب اللى تخلي الواحد يفضل الحجز في التوكيل عن الشراء من المعارض ... أنا كنت باترفج على شوية عربيات وأنا قلبي بتقطع على اللى أصحاب المعارض عاملينه فيها .. وبصراحة في معارض عايزة الحرق هي والمندوبين اللى بيشتغلوا فيها .. ولا عندهم ضمير ولا دم
للأسف الضغط على الصور مخلي الباندويتث بتاعي بيخلص بسرعة على الموقع ... عشان كدة أنا حطط لينك مباشر لكل عربية هاتلاقيه تحت الصور لو دوست عليه هايوديك للموقع مباشرة وتقدر تشوف الصور عليه
العربيات اللى بتكون معروضة في معارض التوكيل .. غالبا مش بتتباع للعملاء .. ولكن بتنزل بسعر مخفض لموظفي التوكيل نفسه .. الكلام ده على حسب ما فهمت من كذا واحد شغال في كذا توكيل
لما كنت في أبو رواش سألته أمال العربية اللى كانت معروضة راحت فين قالي راحت الصالة بتاعة عباس العقاد ... بمعنى هم كل شوية بينقلوا العربيات بين صالات العرض بتاعتهم
وكل شوية ألاقيه مدخل العربية كار كير بسبب لونها الفاتح وإنه بيتبهدل من إيدين العملاء وهم بيتفرجوا عليها ... لأن أنا تقريبا روحت أكتر من خمس مرات ولا حاجة :)
المهم إن العميل اللى بيستلم عربيته بيستلمها من المخزن ... وطبيعي هاتلاقيها لسة بالاستيكر الأبيض بتاعها وبيشيله من عليها وانتي بتستلميها وهو بيغسلهامن برة ..
إلا إذا كان التسليم من عباس العقاد مثلا أو فرع آخر غير أبو رواش ... لأن في الحالة دي سواقين التوكيل هم اللى بيسوقوها لغاية الفرع ده لتسليمها زي ما قلت قبل كدة
يا ريت يا د/ ايمن تقولنا انطباعاتك الاوليه عن العربية عامة و ادائها و التكييف فى الزحمة و الشد فى الطوالى و الاتزان و الاستهلاك و نظام الصيانات
وسؤال بالنسبة للترخيص تفصيليا و هل رخصتها طلعت 2015 ؟
عذرا للاطالة
اصل انا حجزت الديزاير و عاوز اطمن :)
و شكرا ,,,
ال s cross منافس قوي جدا للبيجو 2008 و علشان السوزوكي ياباتي يبقى المتوقع هي اللي تكسب!
هي فعلا موديل 2015 في الرخصة
الموضوع ده كمان فيه انطباعاتي الأولية منذ تسلمتها
http://www.nilemotors.net/Nile/434488-2015.html
ولو فيه أي استفسارات تانية محددة أنا تحت أمرك
العربية امكانياتها فوق الممتاز
ألف سلامة على حضرتك وعلى العربية والحمد لله على كل شىء وربنا يرزقك خيرها ويكفيك شرها يارب:ask:، انا كنت رايح اشترى لانوس لحد ما قريت تقرير حضرتك من يومين بالشرح الرائع حضرتك انا رايح النهاردة إن شاء الله احجز العربية بس محتاج أعرف بعض التفاصيل من حضرتك عشان اعرف اخد الخطوة ولا لا
عايز اعرف سحب العربية ايه اخباره خصوصا انها اوتوماتيك 1200 سى سى بس
والحمد لله انا لسه متجوز فهل موضوع الهاتش باك هيفرق معايا؟ يعنى الشنطة اكبر من الالتو ولا لا والكنبه اللى ورا تاخد تلاته مستريحين ولا صغيرة ؟
وبعد استعمالها حضرتك بكل امانه تنصحنى اشتريها ولا لا خصوصا انى هحط فيها شقى عمرى:crying2:
وفى النهاية والله انا ما عارف اقولك ايه غير الله يجزيك خير عن المعلومات دى لانك نشرت علم ومبخلتش على حد باى معلومة وربنا يجعله فى ميزان حسناتك، واتمنى يكون الرد فى اسرع وقت لانى عايز اروح احجزها النهاردة
هي شنطتها أكبر من الألتو طبعا ... بس لا زالت صغيرة نسبيا بطبيعة الحال لكونها هاتش باك
أنا كان معايا الألتو وكنت معايا الأولاد لسة في كي جي وما كانش فيه مشاكل بالنسبة لي وسافرت بيها كذا مرة بشنطنا كمان ... بس كان كل حاجة على قدها بالمللي وكانت مناسبة لوقتها ... قبل ما أبيعها كانت ضيقة والأولاد ما كانوش بيعرفوا يقعدوا ورا
السويفت مساحتها من جوة زي أي عربية سيدان عادية على فكرة ... مش ضيقة أبداً ... وبتاخد 2 ورا براحتهم على الآخر ... وثلاثة بس مش مرتاحين قوي يعني ولكن مش مزنوقين
سحبها ممتاز .. وإن كان لسة مجربتهاش في الشد عاملة إيه
لو قلتلك أرشحهالك ... هل هاتسمع كلامي بدون تفكير ... لازم تنزل تقعد في العربية وتشوفها وتطمن عليها وتقارن لو في حاجة تانية في دماغك ... أنا مجرد بقولك رأيي في العربية بعد استخدامها لفترة معينة من الزمن وقبلها كان معايا ألتو وعارف إن عربيات سوزوكي اليابانية عربيات ممتازة في المجمل ويعتمد عليها بإذن الله ... ومتنساش إني جبتها في الآخر بعد لف وتدوير لمدة ست شهور تقريبا وعرفت إيه في السوق في الفئة دي كلها وأسعاره وعملت مقارنات كتير .. ولي شروطي اللى كنت حاططها ... زي مثلا إني مش عايز صيني .. أو ... أو ... إلخ ... عشان كدة في الآخر طبيعي أنا هارشحالك من غير مواربة ... بس لازم انت تقارن بنفسك
أنا بقول الكلمتين دول لأني عارف إنك حاطط شقى عمرك فيها ... لأن كلنا هذا الرجل ... عشان كدة لازم اقتناعك يكون نابع من داخلك
الموضوع ده فيه انطباعاتي عن العربية وبسجل فيه كل حاجة أول بأول
http://www.nilemotors.net/Nile/434488-2015.html
طيب يا شباب عاوز استشيركم في حاجه و لا خاب من استشار
معروض عليا سوزوكي جيمني موديل 2008 اوتوماتيك
انا عاوز اجيبها للمدام اساسا
ايه رايكم في العربيه و اعتماديتها و قطع غيارها متوفره و للا لا ؟؟