يعنى العربية هتنتشر ونلاقيلها قطع غيار ! نتوكل على الله يعنى ؟ :d
عرض للطباعة
يعنى العربية هتنتشر ونلاقيلها قطع غيار ! نتوكل على الله يعنى ؟ :d
العربية حكاية توكل علی الله فيها و ده كلامي عنها بعد 800 كيلو و موضوع الانتشار ده معتمد علی شراء الناس لو كل واحد استنی التاني يشتري محدش هيشتري
http://www.nilemotors.net/Nile/433077-a-2.html
طب والتوكيل مش هايستغل الاقبال دا ويرفع سعر السيارة؟؟
لان الارتيجا دلوقتي تسليم بعد 6 شهور !
موضوع حلو اوي كنت مستنياه
انا كنت بدور علي حاجة في حدود ١٠٠ الف فيها مواصفات امان ولتوماتيك ملقتش بس الحمد لله حضرتك ذكرت السويفت اللي شكلي هفكر فيها بعد تقريرك عنها
اصلا انا كنت عايزه سانديرو بس منزلش منها اتوماتيك للاسف
كان عندي كام سؤال الاول ايه الاتراج دي ؟ حضرتك بتقول ان الوسيفت احسن منها
تاني حاجة بتقول ان تكيفها مفهوش climate control وانه يدوي عادي ايه الفرق بينهم وهل يمكن تعديله ؟
وشنطتها كويسة ولا صغيرة يعني مقارنة بالبيكانتو والسانديرو هي ايه بينهم ؟
وبالنسبة لقطع غيارها كويسة ولا غالية ومش متوفرة وايه احسن المعارض اللي القيها فيها
معلش اسالتي كتيرة بس بصراحة انا مفهمش اوي في العربيات وكمان مصدقت لقيت موضوع حلو دي ده
ممكن رقم توكيل السوزوكي
العربية أنا متوقع إن أكيد سعرها هايرفع بس يبقى غبي شوية لو رفع الأسعار دلوقتي وهي لسة ما حققتش المبيعات الكفاية والناس لسة مش شايفاها في الشوارع وخايفة منها
لما تبيع شوية والناس تشوفها في الشارع وحاجز الخوف من عدم انتشارها يتكسر هايرفع السعر أكيد ... زي ما توكيل بيجو عمل في الـ 301 .. اللى أول ما نزلت الهاي لاين كانت بـ 110 وانهاردة بـ 140 ... هي سياسة واحدة في كل الدنيا
الأتراج عربية 1200 سي سي 3 سلندر من ميتسوبيشي سعرها الهاي لاين 13 ألف جنيه والفئة الثانية غالبا 100 وشوية مش فاكر سعرها وقي
ده موضوع عن الأتراج ممكن تشوفيه في شوية معلومات كويسة عنه ... وعموما هاتلاقي موضوعات تانية ليها في قسم ميتسوبيشي
http://www.nilemotors.net/Nile/431683-a.html
التكييف الـ CLIMATE CONTROL هو عبارة عن تكييف تاتش بأزرار وشاشة لبيان درجة الحرارة الخارجية والدرجة المطلوبة والتحكم فيه في درجة الحرارة أكثر دقة ... لكن في النهاية الإثنين نفس الكفاءة ... شكله أشيك فقط والتحكم فيه أحلى ... مش ممكن تعديله أو تركيبه بعد الشراء
شنطتها كويسة أكبر من البيكانتو شوية ... لكن السانديرو شنطتها أكبر منهم بكثير
بالنسبة لقطع الغيار .. العربية لسة جديدة أول مرة تنزل مصر السنة وطبيعي أي موديل جديد قطع غياره بتكون قليلة برة التوكيل لغاية ما ينتشر والتجار يجيبوا قطع غياره ... لكنها هاتكون متوفرة في التوكيل عادي
أنا رأيي تحجزيها من التوكيل بسبب الأوفر برايس اللى المعارض اتجننت وبتطلبه ووصل فوق الـ 10000 جنيه زيادة ... لو مش هاتقدري تستنى التوكيل بصراحة ما أعرفش معارض معينة أنصحك بيها ... كلهم بالنسبة لي نصابين
أرقام توكيل سوزوكي - مودرن موتورز
المركز الرئيسي أبو رواش : الكيلو 28 طريق مصر اسكندرية ت/ 35390085 أو 55
فرع مدينة نصر : 11 شارع عبد الرازق السنهوري - من عباس العقاد ت/ 22731373 أو 67
فرع الجيزة : 26 شارع المساحة الدقي ت / 37617401 أو 2 أو 3
فرع الإسكندرية : 335 طريق الحرية سيدي جابر ت/ 034250773 أو 4 أو 034253576
المنوفية : عمارة 1 مساكن الزراعيين - شارع جمال عبد الناصر البحري أمام كلية الهندسة شبين الكوم ت/ 0482327194
دمياط : أول طريق بورسعيد - تقسيم المعلمين ت/ 0120444188 أو 0120100701
محطات الخدمة
أبو رواش في نفس العنوان - ت/ 35390085 أو 55
الدقي : 18 شارع حسين كمال - ت/ 37605364
الهايكستب : شارع جوزيف تيتو - خلف المطار القديم - النزهة - ت/ 26247893
الإسكندرية : 3 شارع النقيب شريف رمزي - الحضرة القبلية - ت/ 034283435
المنوفية : نفس العنوان
منافذ بيع قطع الغيار
الدقي : 26 شارع المساحة - ت/ 37617401 أو 2 أو 3
مدينة نصر : الإسكندرية : المنوفية : دمياط ... كلهم نفس العنوان
الكلام ده من البروشور اللى عندي
متشكرة اوي جزاك الله خيرا
انا اتصلت بكل الارقام اللي في القاهرة ومحدش بيرد خااالص
شكلهم بيخلصو بدري او مبيردوش اصلا
تسلم ايديك يا باشا موضوع هايل
موضوع جامد جدا يا ايمن باشا
نشرتهولك علي صفحتنا بقاله كام يوم عامل مشاهدات عالية
الله ينور :-)
انصلت انهارده قالي الاستلام بعد ٦ شهور ٩٩ الف هو في كده
موضوع شيق جدا و مفيد جدا و معلومات تشكى عليها و جزاك الله كل خير و فى أنتظار اى معلومات لو نزلت عن الجراند فيتارا لانى قاعد بدور على اى حاجه ليها و مش لاقى ولا سعر ليها ولا حتى اماكن لانى اتفرج عليها وشكرا
تسلم إيدك ياباشا ... ما أنا عملتله لايك :grinder:
هو مافيش كدة فعلا أنا أول مرة أشوف حجز 6 شهور ... بس فعلا أنا كنت عندهم أمس وبفضل الله استلمت العربية السويفت الهاتش باك قبل الميعاد اللى قاللي عليه بشهر ... هو كان قايلي شهرين وأنا بحجزها
وأنا هناك وراني فعلا أسماء الناس اللى حاجزة على الكمبيوتر وعددها كبير جدا .. بس هو قالي بإذن الله يتسلموا قبل مواعيدهم
والحمد لله برضه على كل شيء قدر الله وما شاء فعل .. إتخبطت إنهاردة على محور المشير من فيرنا جاي من ورايا طيران وأنا ماشي على 60 - 70 وعربيته فلتت منه وراح لابس في العجلة الشمال ورايا كسر الإكصدام وخبط الرفرف والجنط طبعا ... وبفضل الله العربية ما لفتش مني ولا اتقلبت ولا حاجة كملت طريقي لحد ما وقفت على جنب .. وهو عربيته الربع اليمين بتاعها كله مابقالوش معالم والكاوتش بتاعه اتعجن في حديد الجنط
بس من خلال المشوار اللى لحقت أعمله بالعربية لغاية ما اتخبطت :11: ... ما شاء الله العربية تحفة وقيادتها ممتعة وعالية عن الأرض .. وأنا نازل منها كنت متوقع أني هاقوم أقف على رجلي زي ما بعمل في أي عربية سيدان ... لكن لاقيت نفسي بنزل واقف زي ما أكون نازل من جيب أو كروس
لا اله الا الله معلش قدر الله وما شاء فعل هي اي عربية جديدة كده
ادبح اي حاجة لما تجيب حاجة كبيرة جديدة قبل متيجي حتي
بس كده هي في الضمان بتتصلح في التوكيل ولا ايه ؟
بارك الله فيك مجهود ممتاز
معلش حضرتك حجزت السوزوكي بكام
جزاك الله خيرا على المجهود الكبير والتقرير الممتاز.
معلش انا اقصد بتدفع كام علشان تحجزها
هو كان عايز 5000 جنيه ... بس أنا وقتها ما كانش معايا غير 4000 ... وهم اللى حجزت بيهم ... الحجز كان عند الأستاذ / احمد حسام وهو رجل قمة في الذوق .. ربنا يباركله
كنت حاجز تقريبا في أول يومين ثلاثة في شهر رمضان بس مش متذكر التاريخ تحديدا ... وكان أول يوم العربية نزلت فيه في المعارض
حلو اوي مبروك عليك يعني في اكل استلام يكون اقل من ٦ شهور
بس اعتقد هو قال لحضرتك ان الاستلام في خلال شهرين مش ٦ زينا ؟
طيب بما ان حضرتك قديم مع سوزوكي ومع التوكيل ايه رايك فيه دلوقتي حاسس بفرق ولا الوكيل زي مهو وهيطلع عنينا بعد كده
استاذ ايمن معلش هى الكنبة الخلفية قابلة للطى ولا لا و جزء واحد ولا جزئين و هل فعلا الكتينة بتعتها جنزير مش سيور ولا ديه اشاعة
هو كان قايلي فعلا الاستلام في خلال شهرين لأني كنت من أول الحاجزين أول ما العربية نزلت والدفعات اللى كانت موجودة كانت حاجزاها المعارض عشان كدة قالي إن بداية التسليم للعملاء من أول الدفعة اللى جاية كمان شهر ونص أو شهرين
بالنسبة للصيانة في التوكيل ... أنا أصلا ماقابلتش مشاكل قبل كدة مع التوكيل في صيانة الألتو غير إنه مضيعة للوقت والفلوس بدون فائدة ... بس لما اتعاملت مع توكيلات تانية بعد كدة زي توكيل ميتسوبيشي وعز العرب اللى واخد 7 ماركات من أفظع وأجمل ماركات العربيات في الدنيا عرفت أن مودرن موتورز ناس طيبين قوي جنبهم
وكمان من القصص اللى الواحد بيقراها هنا في المنتدى يبان إن كل التوكيلات في مصر شغالة بمزاجها بدون أي احترافية في شغلها ... وهدفها الأول والأخير هو سرقة العميل فقط لاغير ... وبتختلف بقى درجة الذوق اللى بيسرقوا بيها العميل
في ناس عندهم ذوق وهم بيسرقوكي زي توكيل كيا مثلا ... وفي ناس وقحين وهم بيسرقوكي زي منصور .. وفي ناس هبل وهم بيسرقوكي زي غبور ... وفي ناس أصلا حرامية وهم بيسرقوكي زي عز العرب اللى بياخد قطع أصلية من عربيات زيرو ويركب بدالها قطع مستخدمة أو استيراد أو مضروبة وبعلم العميل ورضاه ... وفي ... وفي ...
ولما بيكون في مشكلة حقيقية في الضمان يجب أن يتحملوها بيكون التصرف على حسب حجم المشكلة ... لأنها لو كبيرة هايعمل من بنها ويبقى الغلط عند العميل بقى سوء استخدام أو استهلاك طبيعي أو أي حاجة
ده أنا شوفت مرة توكيل من التوكيلات بيقول على الطنابير اللى عايزة تتغير إن ده استهلاك طبيعي بعد 10000 كيلو فقط مشيتهم العربية!!!!!!!!!!!!!!!!!!!!! وعايز يحمل قيمتها على العميل ... وكمان ممكن قوي ياخد القديمة يخرطها ويركبها لعميل تاني وياخد ثمنها منه برضه
أ/ احمد حسام في فرع ابو رواش .. رقم تليفونه : 01100939373
الكنبة الخلفية بتفتح كلها جزء واحد ... وسير الكاتينة جنزير فعلا ... وده مؤكد عشان هاتلاقي ناس كتير بتفتي في النقطة وهي مش عارفة حتى الموظفين الإداريين في التوكيل
لأن كله فاكر إن الكاتينة هي السير بتاع الدينامو والتكييف اللى من برة
يعني ايه سير الكاتينة جنزير ؟
حاجة حلوة ولا وحشة يعني من غير تريقه لو سمحت هههههه
سير الكاتينة هو السير اللى بيكون رابط بين جزء الموتور السقلي عمود الكرنك مع الجزء العلوي عمود الكامة اللى بيكون راكب عليه الصبابات ... وده مكانه بيكون جوة الموتور أساسا مش ظاهر للعين ... وكان في العربيات القديمة جدا قبل موديلات التسعينيات عبارة عن جنزير حديد ومش بيتعمله أي صيانة
بعد كدة معظم الشركات اتجهت إنها تعمله من المطاط الكاوتش لتقليل النفقات وكمان لتقليل الضوضاء الناجمة عن صوت المحرك أثناء عملية التشغيل
بس طبعا لأن السير بقى مطاط وليه عمر افتراضي قليل جدا بالمقارنة بالحديد بتاع زمان فلازم يتغير كل فترة قريبة من الزمن زي مثلا كل 60 ألف كيلو متر في معظم العربيات
وتكمن خطورته في إنه لو ما اتعملوش الصيانة بتاعته واتقطع والعربية ماشية أو دايرة ممكن الأمر يوصل لنص عمرة أو عمرة كاملة .. لأنه بيفصل جزئين الموتور السفلي عن العلوي اللى هو بيحركهم مع بعض بنظام وكدة هايخبطوا ويكسروا في بعض بدون نظام وممكن توصل لتلف الموتور بالكامل والاضطرار لتغييره لو الأمر حصل على سرعة عالية
في شركات كتير بقالها سنة ولا اثنين رجعت تعمل سيور الكاتينة بتاعتها في معظم موديلاتها جنزير حديد تاني .. وده أفضل بكتير للمستهلك من ناحية الاطمئنان إنه مش هاقطع وهو ماشي بإذن الله
السلام عليكم
السويفت عربيه جامدة اوى وعاجبانى جدااا بس خايفة من موضوع انها 1200 سي سي وادائها والتكييف شغال فى حين ان عربيه زى البريليانس كروس اكبر حجما و 1500 سي سي ومتورها ميتسوبيشى وعامله نفس السعر تقريبا
اتوكل على الله واجيب اى عربية
وهل السويفت فيها
engine immobilizer anti theft system
D . a .\ AYMAN
لا تمام انا لقيت حضرتك كاتب ان فيها نظام ضد السرقه دة وانا اللى مخدتش بالى
يبقى نرجع لموضوع المقارنه بين البريليانس الكروس والسويفت وايه الافضليه اللى سويفت تكسب بيها الكروس بلييييز
بيتهيالي البريليانس صيني
لكن السويفت ياباني
ايوة البريليانس صينى بس نضيف جدا
تقرير اكثر من ممتاز وربنا يباركلك في عربيتك ويكفيك شرها
... انا كنت هادخل أقول لحضرتك إن فيها إيموبيلايزر ضمن نظام خاص سوزوكي تطلق عليه نظام icats ... وهو نظام معقد شوية بيفصل حاجات معينة من الموتور بطريقة معينة ... ممكن تعملي عليه سيرش على جوجل لأن أنا أصلا مش فاكره بالتفصيل ومش فاهمه كويس قوي لأني ما ركزتش وأنا أقرأ تفاصيله ... المهم إنه في الآخر إيموبيلايزر بالنسبة لي :)
بس بالنسبة للبريليانس اللى حضرتك بتقولي عليها ... للأسف أنا حتى ما اعرفش شكلها إيه لأني مش متابع أي حاجة عن العربيات الصيني
وأفضل البعد عن العربيات الصيني في المرحلة الحالية ... لأن اللى بييجي مصر من الصين هي زبالة الصين فقط لا غير وما عندهمش إلتزام بأي معايير دولية معمول بيها ... اللى الوكيل المصري هاطلبه منهم عايعملوه بغض النظر عن أي حاجة أخرى في أي منتج مش العربيات فقط ... عشان كدة أي منتج صيني ببعد عنه سواء في منتجات البيت أو غيره ومش باجيب حاجة صيني غير وأنا مضطر لأن مافيش غيرها مثلا
السويفت عربية ياباني واللى بتيجي مصر منها بتتقفل في مصنع سوزوكي في الهند بإشراف كامل من سوزوكي اليابانية ... وكمان العربية موجودة في الأسواق العالمية بقالها اكثر من خمس سنوات ... عشان كدة في بعض الثقة فيها شوية عن غيرها
كنت هانسى !!
ما تقلقيش من موضوع الـ 1200 سي سي ده ... لأن وزن العربية مناسب ليه جدا وعموما من تجربة قيادتها خلال اليومين دول أعتقد إنه كويس جدا كمان ... أنا لسة طبعا ما شدتش بيها بس من الإحساس كدة الواحد ساعات رجله بتدوس زيادة على البنزين من غير ما يحس وبلاقي الاستجابة كويسة جدا الحمد لله
جزاك الله خيرا....تسلم ايدك
هو ممكن اركبلها بارك سينسور وكاميرا خلفية بعد كده ؟
وكام تقريبا
يا جماعه حد ممكن يفيدني عن افضل مكان للتقسيط و اقل فايده وهل التقسيط بيتعامل مع التوكيل ولا معارض بس وياريت افضل طرق التقسيط اللي تكون باقل فايده