التقرير المنتظر لسيارات سوزوكي 2015 المرتقبة

**bassemali** · 13-07-2014 08:43 AM

موضوع رائع ومجهود مميز .. انا عاجز عن الشكر لحضرتك بس عندي كام سؤال معلش :
اولا .. مافيش امل ان السويفت او الديزاير تنزل مانيوال؟
ثانيا .. حضرتك جربت الالتو 800 بالتكييف قد ايه وانطباعك عنها ايه من حيث مستوى ادائها مع التكييف .. وشكرا جزيلا لك .

**zangry** · 13-07-2014 09:32 AM

موضوع ممتاز

انا شايف ان السويفت صفقة رابحة وهتعمل شغل كويس لو التوكيل اهتم بيها وشوية دعاية حلوة

**Gelgel2004** · 13-07-2014 11:19 AM

الف شكر على الموضوع و المجهود

**El Prince** · 13-07-2014 12:50 PM

موضوع جميل ومجهود واضح يا دكتور

مشكوووووووووووووووووووور جدااااً

بس كاتبين فى السايت بتاعهم : Maruti Suzuki DZire

ايه ماروتى دى ؟؟؟؟! :)

**NaderNabil** · 13-07-2014 01:47 PM

السويفت الهاتشباك قنبلة بسعرها و مواصفاتها!!
و هاتاكل عربيات كتير قوي في الفئة السعرية و اللي أعلى منها كمان
بس هي تقفيل إيه؟ أكيد مش ياباني

**mone_eg** · 13-07-2014 02:21 PM

المشاركة الأصلية كتبت بواسطة nadernabil

السويفت الهاتشباك قنبلة بسعرها و مواصفاتها!!
و هاتاكل عربيات كتير قوي في الفئة السعرية و اللي أعلى منها كمان
بس هي تقفيل إيه؟ أكيد مش ياباني

تقفيل هندي بس تقفيل اكثر من رائع والعربية دية فعلا هاتاكل السوق لان سعرها منافس جدااااااااا

**3mar1111** · 13-07-2014 03:20 PM

تقرير رااااااااااائع انا شايف التو والسويفت حيبقى ليهم نصيب الاسد الفترة الى جاية

**D . a .\ AYMAN** · 13-07-2014 04:01 PM

المشاركة الأصلية كتبت بواسطة bassemali

موضوع رائع ومجهود مميز .. انا عاجز عن الشكر لحضرتك بس عندي كام سؤال معلش :
اولا .. مافيش امل ان السويفت او الديزاير تنزل مانيوال؟
ثانيا .. حضرتك جربت الالتو 800 بالتكييف قد ايه وانطباعك عنها ايه من حيث مستوى ادائها مع التكييف .. وشكرا جزيلا لك .

حسب كلام الناس في التوكيل مش هاينزل منها مانيوال ... وبصراحة مش قادر استوعب المبرر بتاعهم ... قال عشان الناس كلها دلوقتي عايزة أتوماتيك ... مبرر غريب بصراحة ... يمكن لما الموديلات دي تخلص يبتدي ينزل منها فئات أكتر

بالنسبة للألتو ما شاء الله التكييف فيها كان أكتر من رائع وطبعا ليه تأثير على سحب العربية زي أي عربية تانية بس كنت متعود عليه عادي ... بصراحة عربيات قليلة جدا اللى كان التكييف بتاعها مش بيأثر على سحبها حتى الـ 1600

كنت بمشي بالألتو بالتكييف على طريق السخنة 120 كيلو/ س عادي .. وكمان طريق الصعيد الغربي بتاع الجيش وساعات على سرعات أكتر حسب ظروف الطريق بس طبعا العربية كانت بتبقى جايبة آخرها

المشاركة الأصلية كتبت بواسطة el prince

موضوع جميل ومجهود واضح يا دكتور

مشكوووووووووووووووووووور جدااااً

بس كاتبين فى السايت بتاعهم : Maruti suzuki dzire

ايه ماروتى دى ؟؟؟؟! :)

ماروتي ده اسم مصنع سوزوكي في الهند وهو اللى بيقفل كل العربيات اللى في الموضوع ده ما عدا الـ s cross بتيجي من المصنع بتاع المجر

المشاركة الأصلية كتبت بواسطة nadernabil

السويفت الهاتشباك قنبلة بسعرها و مواصفاتها!!
و هاتاكل عربيات كتير قوي في الفئة السعرية و اللي أعلى منها كمان
بس هي تقفيل إيه؟ أكيد مش ياباني

لأ طبعا مش ياباني فعلا ... الياباني كانت بتنزل من حوالي ثلاث سنوات وسعرها كان 110 ألف جنيه للأتوماتيك

لكن دي تقفيل مصنع سوزوكي في الهند

وبصراحة كويس لأنهم تقفيلهم فعلا رائع وكيس وبرضه لما تنزل بعد ثلاث سنوات بسعر 99 ألف أتوماتيك يبقى زي الفل ...

بس بصراحة الوكيل قاصص من العربية حاجات كتير عشان يقدر يحافظ على سعر كويس ومغري ... يعني شايل منها البلوتوث ومثبت السرعة والكلايمت كونترول وباقية الإيرباجز (العربية دي بتنزل بتسعة إير باجز ... وواخدة خمس نجوم في تقييم الأمان الأوروبي) وحاطط التابلوه الموديل القديم (لأن الجديد بيكون فيه كب هولدر تحت هوايات التكييف ناحية الراكب الأمامي)

المشاركة الأصلية كتبت بواسطة 3mar1111

تقرير رااااااااااائع انا شايف التو والسويفت حيبقى ليهم نصيب الاسد الفترة الى جاية

بصراحة مش عاجباني الألتو الجديدة غير في الشكل فقط عن القديمة ... يمكن عشان أنا أصلا معايا ألتو 2008 وشايف إن القديمة أحلى وفيها كماليات أكتر

والإرتيجا أعتقد كمان هايكون ليها نصيب حلو لأنها بتلعب في فئة مافيش منها موديلات وماركات كتير مطروحة بسعر كويس وجودة محترمة

يعني مثلا اللى أرخص منها الشيفروليه الـ n-300 تقفيل منصور و 1200 سي سي مش 1400 زي الإرتيجا وتقفيلها أسوأ منها بسنوات ضوئية بدون أي عوامل أمان

بعد كدة كله بأسعار عالية جدا زي فولكس فاجن كادي ... معدية حاجز الـ 200 تقريبا بصراحة معرفش سعرها بالضبط

وبعدين نقطة كمان .. الإرتيجا .. فان بطعم الملاكي زي التويوتا الأفانزا اللى معدية حاجز الـ 150 ألف وبرغم كدة الإرتيجا تقفيلها أحس 200 مرة منها