التقرير المنتظر لسيارات سوزوكي 2015 المرتقبة

**Ayman_Amer** · 14-07-2014 12:44 AM

موضوع رائع تسلم ايدك.

انا ركبت السويفت السيدان في المعرض واعجبت بها جدا.

**ahmed1981** · 14-07-2014 01:08 AM

أشكرك على الموضوع المميز

السويفت السيدان بالسعر ده بتنافس الصني
لكن الصني أوسع وموتور 1500 وفرق السعر لأعلى فئة في الصني 15 ألف

ـ

**m7mdwagih** · 14-07-2014 01:49 AM

ربنا يباركلك علي المجهود الرائع ده تقرير ممتاز

**D . a .\ AYMAN** · 14-07-2014 03:11 AM

المشاركة الأصلية كتبت بواسطة ahmed1981

أشكرك على الموضوع المميز

السويفت السيدان بالسعر ده بتنافس الصني
لكن الصني أوسع وموتور 1500 وفرق السعر لأعلى فئة في الصني 15 ألف

ـ

السويفت السيدان تعتبر بتنافس البيكانتو اللى بـ 108 ونص ألف مش الصني ... لأني السويفت 1200 سي سي وكذلك البيكانتو ... لكن الصني 1600 سي سي وعربية كبيرة

وفرق 15 ألف مش قليل .. ده غير إن تقفيل السويفت أو البيكانتو أفضل بشكل كبير جدا من الصني برضه

السويفت والبيكانتو فئة والصني فئة تانية خالص ما ينفعش يتقارنوا ببعض من وجهة نظري

**Dr_Smart** · 14-07-2014 03:29 AM

تسلم ايدك عالتقرير الجميل

السويفت نازله بنفس شاسيه السويفت الهاتش القديمه ؟ لو كده تبقى ممتازه

والباور الكهربا يميزها عن عربيات كتير .. بس خلي بالك الsx4 اللي معايا كان فيها صوت تخبيط بسبب علبة الدريكسيون الكهربا فمش عارف هل السويفت ممكن يكون فيها نفس المشكله ؟

بالمناسبه سوزوكي الفتيس الاوتو نوعه Aisin يعني زي فتيس التويوتا .. ومنظومة الفرامل والABS نوعها bosch اوروبي والكونترول والانجكشن denso زي التويوتا .. الكلام ده في الsx4 واعتقد ممكن يكون السويفت ليها نفس الsuppliers .. اللي عايز اقوله ان لو فيها الكلام ده فده يميزها بكتير عن المنافسين الكوري

**D . a .\ AYMAN** · 14-07-2014 03:38 AM

المشاركة الأصلية كتبت بواسطة dr_smart

تسلم ايدك عالتقرير الجميل

السويفت نازله بنفس شاسيه السويفت الهاتش القديمه ؟ لو كده تبقى ممتازه

والباور الكهربا يميزها عن عربيات كتير .. بس خلي بالك الsx4 اللي معايا كان فيها صوت تخبيط بسبب علبة الدريكسيون الكهربا فمش عارف هل السويفت ممكن يكون فيها نفس المشكله ؟

بالمناسبه سوزوكي الفتيس الاوتو نوعه aisin يعني زي فتيس التويوتا .. ومنظومة الفرامل والabs نوعها bosch اوروبي والكونترول والانجكشن denso زي التويوتا .. الكلام ده في الsx4 واعتقد ممكن يكون السويفت ليها نفس الsuppliers .. اللي عايز اقوله ان لو فيها الكلام ده فده يميزها بكتير عن المنافسين الكوري

الاختلافات فقط في الفيس ليفت اللى اتعمل للشبكة وما إلى ذلك من لمسات بسيطة ... والعربية قاعدة عجلاتها بقت أكبر وطول العربية زاد مش فاكر 15 سم أو حاجة والعرض برضه حوالي 5 أو 10 سم مش فاكر

كل ده على نفس الشاسيه لم يتم تغييره

الف شكر على المشاركة

**احمد فهمى** · 14-07-2014 04:16 AM

مجهود رائع بجد افاده بلا حدود والسويفت دي هى الصفقه الرابحه والمفروض تمسح السوق بجد مفيش منافس لا فسعر ولا جوده راحت على الاتراج كده والبيكانتو واي عربيه فى ال100 الف

**D . a .\ AYMAN** · 14-07-2014 12:22 PM

المشاركة الأصلية كتبت بواسطة mohserag

السلام عليكم
انا فكرت اجيب الارتيجا وفعلا رحت حجزت ودفعت 5000 جنيه لكن دخلت على منتداكم الغالي لقيت كلام زي الزفت عن التوكيل ان اللي فيه صنايعيه مش مهندسين وهم حرامية وطبعا وان العربية تاروح بعيب ميتصلحش وترجع بعيب تاني وعن المعاملة والمهندس عمرو........انتم عارفين ان دي سيارة جديدة على السوق المصري ممكن تنزل بعيب معين وعلى ضوء كلام الاخوة في المنتدى عن التوكيل يبقى الواحد فيه احتمال انه يلبس وكمان بحثت كده عن عيوب العربية لقيت ناس في الهند متكلمين عن اهتزازات وكلام تاني كتير في بعض السيارات المهم الاساس هو التوكيل لو هيتعامل باحترافية وامانة الواحد ياخد الريسك والا الواحد يرجع فلوسه ويشتري افانزا او (كارينز بالقسط) احسن ياريت حد يكون اتعامل مع التوكيل في عيوب بانت بعد استلام السيارة علشان نقيم وبالمناسبة السيارة صاجها ورق تدوس عليه بايدك يدخل لجوه كمان تقفيل خارجي تعبان انما هي شكلها ساحر منتظر نصائحكم وشكرا

التوكيل بحالات ممكن ساعات يبقى كويس وساعات بحس إنهم مكبرين من الشغل وزهقانين بس مش مهملين مثلا ودي نقطة ليهم (بعكس عز العرب تماما مثلا أسوأ توكيل في مصر اتعاملت معاه)

الفكرة بقى في إيه توكيلات في مصر بتشتغل باحترافية ... أنا لغاية دلوقتي اتعاملت مع كذا توكيل في مصر كلهم زي بعض بالضبط ونفس الملحوظة ... مرة كويس ومرة زفت ...

وكلهم لما تظهر مشكلة كبيرة لازم يعملوا عبط والخطوة رقم واحد بالنسبة لهم كلهم كأنهم حافظنها مع بعض إن ده سوء استخدام يابيه

وتوكيل تويوتا مش أفضل ولا حاجة زيهم بالضبط

ده حتى التوكيل اللى الناس كلها بتقول عليه أفضل توكيل في مصر اللى هو توكيل كيا ورينو أنا عاصرت معاه كذا مشكلة والأعضاء هنا ليهم تجارب مقرفة معاه يعني برضه زيه زي غيره ... هو بس ميزته إنه فاتح فروع في كل حتة في مصر وبيعرف يتعامل في الصيانات العادية كويس ... لكن في المشاكل زيه زيهم

وعموما أنا متغيرلي كذا حاجة في الألتو في التوكيل بدون مشاكل وطول مدة معاملتي معاهم ماعملوش معايا مشاكل نهائي ودي شهادة حق ... بس أنا بطلت أتعامل معاهم بعد كدة لأني لاقيت إن كل صيانة أروح أدفع مبلغ وقدره في صيانات عادية ممكن أعملها بإيدي غير الوقت اللى الواحد بيضيعه عندهم منتظر العربية تخلص عشان يمشي ... فبقيت أشتري حاجتها من عندهم وأعمل صيانتها بنفسي برة توفيرا للوقت والنفقات مش أكتر

لو أنا هقارن الإرتيجا بالأفانزا ... يبقى الإرتيجا تكسب طبعا حتى لو مافيش فرق السعر ... بصراحة الأفانزا تقفيلها من جوة وحش جدا

والكارينز طبعا فئة تانية خالص ... يمكن مقارنتها بالـ s cross مش الإرتيجا ... وفي الحالة دي الـ s cross هي اللى تكسب برضه

**ahmed0100** · 14-07-2014 01:47 PM

تسلم ايدك علي التعب الي انت تعبته
وتكون للخير سباق دايما

الموضوع: التقرير المنتظر لسيارات سوزوكي 2015 المرتقبة

LinkBack

أدوات الموضوع

عرض

-

-

-

-

-

المواضيع المتشابهه

مقارنة تفصيلية مبين تويوتا كورولا 2015 و سكودا a7 2015

هوندا تخطط بجدية لسيارات 2015 من الان ..!!

تجربة قيادة النيو سيراتو - التقرير المنتظر

إرهاصات زيارة أوباما المرتقبة لمصر

الكلمات الدلالية لهذا الموضوع

المفضلات

المفضلات

ضوابط المشاركة