التقرير المنتظر لسيارات سوزوكي 2015 المرتقبة

**شريف** · 20-07-2014 01:46 AM

شفتها في اباظة
تسليم فوري ب 104 و السيدان ب 109

هي حلوة و احلي من البيكانتو

**bassemali** · 20-07-2014 04:12 AM

هما لحقوا نزلوها باوفر برايس بتوع اباظه ... الله يلعن الجشع يا اخي ...

**lo22a** · 20-07-2014 06:14 AM

المشاركة الأصلية كتبت بواسطة D . a .\ AYMAN

من ناحية الاستعمال ... هقولك مثال بسيط ... أنا فضلت لمدة سنة كاملة بسافر بيها أسيوط رايح جاي إسبوعيا ... يعني 800 كيلو في الأسبوع غير المشاوير الداخلية هنا

وقبليها سنتين الشرقية حوالي 100 كيلو يوميا رايح جاي ... ومطروح والغردقة والعريش .... لفت مصر من الآخر

والحمدلله عمرها ما قصرت معايا ولا شفت منها مشاكل نهائيا وقطع غيارها متوفرة في التوفيقية وشارع دمشق وأسعارها متوسطة (يعني أنا كنت جايب الفانوس بـ 250 ... تيل فرامل أمامي بـ 100 ... فلتر هواء بـ 80)

والحمد لله طول مدة الست سنوات اللى قعدتهم معايا ما شفتش منها ولا مشكلة (ولا عفشة ولا موتور) بفضل الله ... إلا مشاكل كنت أنا السبب فيها من الأساس (لو قلبت في مواضيع المنتدي هنا هاتلاقيني تقريبا واجهت مشكلتين وشرحت سببهم وحلهم ... أو ممكن تعمل بحث على المواضيع بتاعتي نفسها)

اشكرك شكرا جزيلا

افدتنى وان شاء الله اكون كونت صورة شاملة عن العربية

**شريف** · 20-07-2014 11:46 AM

المشاركة الأصلية كتبت بواسطة bassemali

هما لحقوا نزلوها باوفر برايس بتوع اباظه ... الله يلعن الجشع يا اخي ...

اللهم أمين

**شريف** · 20-07-2014 12:20 PM

انا ملقتش الا اختبار تصادم موديل 2010
https://www.youtube.com/watch?v=SLseyuEvWsc

فين اختبار تصادم 2015 اللي واخدة فية 5 نجوم؟

**D . a .\ AYMAN** · 20-07-2014 01:43 PM

المشاركة الأصلية كتبت بواسطة شريف

انا ملقتش الا اختبار تصادم موديل 2010
https://www.youtube.com/watch?v=SLseyuEvWsc

فين اختبار تصادم 2015 اللي واخدة فية 5 نجوم؟

هي موديل 2010 هي الموديل اللى نازل في 2015 برضه مافيش فرق في معايير الأمان عشان كدة ما اتعملش عليه تست تاني .. هو ده الفيس ليفت اللى بقى أطول وأعرض وقاعدة عجلات أكبر

الموديل اللى قبليه اللى كان فيه فروق عنه كان 2005 اللى فضل شغال لغاية 2009

بس انت عارف عقبال ما الوديل يوصل مصر بنفتكر إنه هو لسة نازل برة

دي صفحة سوزوكي على الـ EURO NCAP ... وموضح عليها الموديلات دي

Suzuki | Euro NCAP - For safer cars crash test safety rating

**dr_samora** · 20-07-2014 06:49 PM

الاستاز ايمن صاحب التقرير واضح انه مغرم سوزوكي

**D . a .\ AYMAN** · 20-07-2014 09:33 PM

المشاركة الأصلية كتبت بواسطة dr_samora

الاستاز ايمن صاحب التقرير واضح انه مغرم سوزوكي

عربيات محترمة يبقى ليه ما أحبهاش ... وعموما أنا بحب الهوندا أكتر منها كمان وسوزوكي أكيد وميتسوبيشي كذلك ... وبكره التويوتا جدا بدون إبداء أسباب بغض النظر عن إنها عربيات محترمة برضه ... بس الحب والغرام دي حاجة مالهاش صلة بالموضوع

المهم يكون في عربية تستوفي كل الشروط اللى أنا عايزها أو اللى حضرتك عايزها بسعر كويس ف السوق ومناسب أو تقدر توفره

وأنا شايف ده في السويفت حاليا ... لأني بدور على عربية صغيرة ...

وبرغم حبي الشديد للميتسوبيشي كماركة ... إلا إن الأتراج لما ركبتها ماعجبتنيش ... لكن ده لا يمنع إنها أكيد عربية محترمة في أساسياتها لأنها من صانع محترم ... وده كمان برأي اصحابها اللى اشتروها ...

... لكن مشكلتها مشكلة تسعير في السوق المصري بالمقام الأول ... ولا هي ولا البيكانتو يستاهلو ينزلوا بالسعر ده أبدا ... مقارنة بالسويفت