الموضوع: تجربتك مع الست الريسه :)

دي هي كمان اصلا مكانتش متجوزة ومش عاوز اقول انها كانت بتفرق في المعاملة بين الموظفين الرجالة اذا كان دا متجوز ولا لا
يعني فيه ناس مكانتش متجوزة وبتعاملهم كويس ولما اتجوزووا المعاملة التقلبت واتغيرت
طبعا العاطفة بتغلب علي الست في تعاملها مع البشر لانها بتحكم قلبها مش عقلها والله اعلم

المشاركة الأصلية كتبت بواسطة amr011111

فتلاقى الموظف الحبوب اللطيف بيبقى حلو وكويس والموظف الملتزم بس مش بتاع مجاملات بيبقى مش كويس وبياخد شغل كتير

وطبعاً القاعده الوظيفية معروفه

"انك تشتغل كتير تغلط كتير تاخد جزاء - تشتغل قليل متغلطش خالص تاخد مكافأه"

المشاركة الأصلية كتبت بواسطة amr011111

ده غير ان كمان ممكن تلاقيها لله فى لله مستتقله دم واحد من الموظفين عندها فتعامله على اساس كده

تخيل ان كلامك ده حصل معايا فعلا فى شغلى الحالى
انا مهندس فى شركه خاصه و التيم ليدر بتاعتى كانت بنت - انا بطبعى مش حبوب و لا لطيف و لا بتاع مجاملات
لما كنت شغال معاها لوحدى كنت 100% و اخدت bounce و جيبت الماكسيمام فى evaluation بتاع اخر سنه 2012

لما جم مهندسين معانا فى التيم طهر الفارق و بقيت انا الغتت اللى على طول مكتوم ووشى فى الشاشه على طول و يوم 1-1-2013 (اول يوم فى السنه الفقريه) اخدت performance note رغم انى قبلها بشهرين بالظبط كنت واخد البونس و الماكسمم ايفالويشن و كل ده علشان جهه فى الكمبيوتر فيرس (رغم ان مش من مهامى انى اعمل اسكان ولا اكافح الفيروسات اصلا ! ) و بعدها ب 3 اشهر كانت مشتنى من التيم بتاعها و الحمد لله روحت تيم تانى التيم ليدر فيه راجل و مستريح معاهه جدااا
بس المشكله الوحيده انها عملت ليا سمعه ان شغلى وحش