الموضوع: عايز رأيكم .... اتصرف ازاي مع التوكيل

المشاركة الأصلية كتبت بواسطة sharky

رأى الشخصى لحضرتك إنك تجيب الجديد بتاع التوكيل كمان و خليه إحتياطى علشان لو كويل باظ
لكن لو عايز تسترد فلوسك أكيد مش حيمنعوا أو حتى حيطوها لك كريدت عندهم

أنا هتوكل على الله واجيب الكويل الجديد بس هركبه واشتغل بيه واخلي المستعمل احتياطي زي ما تفضل وأشار عليه أستاذ رامي ..

المشاركة الأصلية كتبت بواسطة farahat

مع احترامي لجميع الأراء ، أنا عندي سؤال لحضرتك .. كام مرة حضرتك غيرت الكويل دة خلال عمر العربية ؟ ، و العربية إلي قبلها كام مرة غيرت فيها بوبينة تكرير ؟ الإجابة إن دي حاجة مش عادية ، و الكويل دة عمره الإفتراضي طويل و بعدين دة مش حاجة بتستهلك مع الوقت يعني يوم كفائتها ١٠٠٪ و بعدين ٨٠٪ و هكذا ، لأ دي حاجة بتفضل شغالة 100% لحد ما فجأة جزء يضرب (غالباً بيكون الدايرة الإلكترونية إلي جواها )، و ساعتها لزم تتغير لأن إصلاحها صعب .

نصيحتي تفضل بالكويل المستعمل يعدله كام سنة و لم يعطل لا قدر الله هات واحد تاني كام سنة و هكذا (و ممكن ساعتها تجيب الكويل إلي موجود دلوقتي في التوكيل لأنك مش هتحتاج تغير الكابلات ;) ;) )
و بالنسبة للفلوس لو اعترضت عشان التأخير و الخطأ أكيد هيرجعولك فلوسك إن شاء الله أو ذي ما الإخوة قالوا هتتحط في حسابك عندهم و خلاص على أسوأ تقدير .

ربنا يوفقك للصواب

اه على فكرة بخصوص المشي بالعربية باتنين سيلندر بس هي مش خطر خطر ، يعني مش هتدر الاتنين إلي مش شغالين ، هي بس حمل على الاتنين التانيين لأن حضرتك محمل كل وزن العربية دة بيشده اتنين سيلندر في حين إن المفروض يشده أربعة ، و كدة طبعاً هتسخن و بيكون فيه حمل مكانيكي عالي على الأجزاء بتعة الموتور ، و يفضل في الحالة دي انك متسحبش بالعربية على سرعات علي عشان متعملش حمل زيادة على الموتور و حول بلاش تقف و تطلع كتير عشان دة بيحتاج عزم زيادة يعني ضغط زيادة على ٢ سيلندر فقط (و لو سخن الموتور زيادة هتحصل مشاكل لا داعي للدخول في تفاصيلها )

تحياتي

والله وجهة نظرك سليمة فعلا ... الوضع محير شوية بالنسبة لي
دعواتك اني اتصرف صح , وعموما الحمد لله المشكلة اتحلت ومش بتمشي على 2 سلندر ثاني انا بس كنت بسأل لو كان حصل ضرر اصلحه ازاي بس واضح من كلام حضرتك ان مفيش ضرر حصل لأن الحمد لله مكانتش بتسخن مني ساعتها(الغريب ان عداد الحرارة كان أقل من لما بتشتغل ب 4 سلندر ) مش عارف ده تفسيره ايه!!

معلش انا ليا طلب خاص من الاخ ابو عبد الله ارجوك ارجوك ارجوك الناس اللي بتكون فاتحه اي موضوع بتسال فيه على عربياتها ما يهمهاش تعرف الراي الشخصي لاي انسان عن العربية او التوكيل او غيره يهمه يطمن على الحاجة اللي بيسال عليها وبس فمن فضلك لو حضرتك مش عاجبك رينو او الميجان او التوكيل او اي حاجة عامة من رينو مش مكان الكلام فيها المواضيع بتاعت الناس اللي بتسال عن مشكلة في عربياتها لكن ممكن حضرتك تفتح موضوع خاص بيها وتبقى اعمل اقتباس من المواضيع اللي تعبجك وقول فلان كان في موضوع كذا قال كذا لكن الراجل يجيله ميل فاكر منه ان حد قاله حاجة مفيدة معتقدش ان ده هوا المفروض. اعذرني لو كنت بوجه كلامي لحضرتك بس انا معظم المواضيع اللي بيكون فيها شكوى لاي واحد في المنتدى في عربيته الرينو بلاقي تعليق حضرتك انها عربية مش كويسه ومش عملية و و و دون الدخول في اساس الموضوع اللي صاحبه كاتبه في الاساس. اسف على الاطالة

المشاركة الأصلية كتبت بواسطة limo

طب انت مكلمتش التوكيل الى فى القاهره (العبور او المطقم تسألهم عليه )؟

أنا وانا في العامرية قلتلهم لو موجود في المقطم او العبور اروح اركبه هناك فاتصلو بيهم لقوه مش موجود هناك برضه ..
انا بفكر معملش الصيانة عندهم بعد كده بفكر اروح العبور اعمله هناك (مع ان ده مشوار كبير عليه لأني حاليا مقيم في اسكندرية) مش عارف انتو ايه رأيكم هل المشوار يستاهل والا مش بتفرق ..

المشاركة الأصلية كتبت بواسطة m_moustafa800

معلش انا ليا طلب خاص من الاخ ابو عبد الله ارجوك ارجوك ارجوك الناس اللي بتكون فاتحه اي موضوع بتسال فيه على عربياتها ما يهمهاش تعرف الراي الشخصي لاي انسان عن العربية او التوكيل او غيره يهمه يطمن على الحاجة اللي بيسال عليها وبس فمن فضلك لو حضرتك مش عاجبك رينو او الميجان او التوكيل او اي حاجة عامة من رينو مش مكان الكلام فيها المواضيع بتاعت الناس اللي بتسال عن مشكلة في عربياتها لكن ممكن حضرتك تفتح موضوع خاص بيها وتبقى اعمل اقتباس من المواضيع اللي تعبجك وقول فلان كان في موضوع كذا قال كذا لكن الراجل يجيله ميل فاكر منه ان حد قاله حاجة مفيدة معتقدش ان ده هوا المفروض. اعذرني لو كنت بوجه كلامي لحضرتك بس انا معظم المواضيع اللي بيكون فيها شكوى لاي واحد في المنتدى في عربيته الرينو بلاقي تعليق حضرتك انها عربية مش كويسه ومش عملية و و و دون الدخول في اساس الموضوع اللي صاحبه كاتبه في الاساس. اسف على الاطالة

انا مش عارف اشكرك ازاي على تعليقك أنا كنت ناوي ابعث على الخاص للأخ ابو عبد الله بس انتا كده قمت بالواجب وزيادة .. لك مني جزيل الشكر والتقدير