كل واحد يحكى حكاية نصب اتعرضلها فعلا فى شراء العربيات عشان الكل يستفيد ونحارب النصب

السلام عليكم ورحمة الله

للأسف الشديد ونظرا لقلة ضمير بعض تجار السيارات وخصوصا فى المستعمل بنلاقى حوادث نصب فظيعة جدا والتجار بيعتمدوا ساعات على قلة خبرة المشترى، انا نفسى كل واحد من الأعضاء يقولنا على موقف حصل ليه أو لحد من معارفه وكان موقف نصب فى شراء عربية، واتوقع ان معظم الشباب هنا فى المنتدى عندهم خبرة كبيرة فى البيع والشرا، وحتى اللى ميعرفش اهو هايعرف من القصص اللى هايقراها هما عشان الناس تاخد بالها ونحارب النصب والناس اللى معندهمش ضمير!!!!!

ولو سمحتولى ابدأ بقصة حصلتلى فعلا بس الحمد لله كانت نهايتها سعيده بالنسبة لى وربنا انقذنى!!

من حوالى اربع سنين كده كنت رايح اشترى عربية سوزوكى سويفت موديل 93 وكان معايا واحد صاحبى عنده خبرة حلوة فى العربيات
انا طبعا كنت مبسوط من العربية وشكلها كان جميل
المهم صاحبى قعد يفحص الكبوت والشنطة والأبواب ومش لاقى حاجة خالص تقول ان العربية مرشوشة عشان حادثة أو عاملة حادثة أصلا
بس لقيت صاحبى بيعمل حاجة غريبة !!!
لقيته بيمشى بعيد لحد أول الشارع ويبص على العربية من بعيد وبعدين يرجع
وبعدين يرجع اول الشارع وهكذا
ولقيته بيقول للراجل ممكن نشوف العربية دى عند سمكرى
الراجل اتعصب وقاله ده اوتومبيل غشيم والعربية جديدة و و و ......
المهم اتفقنا نروح لواحد قريب
فقالى خد سوق انت العربية واحنا رايحين عشان تجربها
قلتله لأ سوقها انت !!!
سبحان الله والراجل لسه طالع من الشارع خبط فى موتوسيكل والأكصدام اللى قادم وقع (عشان نيته اللى زى وشه)
المهم حلينا المشكلة مع الراجل بتاع الموتوسيكل وقلناله العربية بتاعتنا دى حاجة بسيطة

وصلنا للسمكرى ، الراجل بعد فترة قالنا العربية دى مركبة نص يعنى عربية نصين
واللى مركبة محترف جدا وورانا أماكن اللحام

الراجل مقدرش ينكر طبعا وقعد يقول الحاجة اللى راكبة استيراد وانضف من اللى هنا

صاحبى قالى انه كان شاكك فى اللون وكان من بعيد بيبان ان النص اللى قدام باهت حاجة بسيطة جدا عن النص اللى ورا زى مايكون اتعرض للشمس أكتر

الحمد لله ربنا سترها معايا فى اليوم ده ومشربتش المقلب

أسف للإطالة

والسلام عليكم ورحمة الله

أخوكم عمرو

ايه يا جماعه مفيش ولا واحد اتعرض لعمليه نصب والله ديه حاجه جميله يظهر ان مصر مافيهاش عمليات نصب حاليا وشكرا

مصر بخير :angelsad2:

la2 fi keteeeer
bas shwya keda welnaas hatefteker


asl kol wa7ed by7awel yensa enno etnasab 3alih fi yom mn elayaam

:)

اوعي تفكر تودي عربيتك لاي شركه توريدات او تأجر لاي شخص منغير سواق لانهم سرقوا عربيات كتير اوي وكانوا عاملين مكاتب وهميه وانا اعرف ناس كتير اوي ودوا عربيتهم شركات يأجروها واتنصب عليهم والشركه قفلت وباعت العربيات
انا ببلغ لله اوعي تفكر تأجر عربيتك منغير سواق حتي ول اداك كل الضمانات لانه هيهرب

اقتباس:

---

المشاركة الأصلية كتبت بواسطة calipha3

مصر بخير :angelsad2:

---

انا عربيتي هيونداي النتر سودا مسروقه بقالها شهرين ملاكي غربيه 17012
وبدور عليها والبلد كالها نصيبين يا مان اكيد انت ما عندكش عربيه علشان كده بتقول ـــــــــــــــــــــــــ ـــــ

اقتباس:

---

المشاركة الأصلية كتبت بواسطة tarekx

انا عربيتي هيونداي النتر سودا مسروقه بقالها شهرين ملاكي غربيه 17012
وبدور عليها والبلد كالها نصيبين يا مان اكيد انت ما عندكش عربيه علشان كده بتقول ـــــــــــــــــــــــــ ـــــ

---

ياعم انا بهزر !!

كل الناس اللى ساكنين فى طنطا واجوارها انتبههههههههههههههههههههو
من مكتب تأجير وبيع سيارات بميدان اسكندرية واسمة اسلام كار شغل كلة نصب فى نصب
ويتفق مع الصنيعية كلهم وبيدبسو الزبون فى العربية ولما يرجع يدفعوة ب 2000-3000
حسبنا لله ونعم الوكيل

ياااااااه دي مصر بقت حلوة بشكل :unhappy4:

الله يطمنكوا:leaving:

الحمد لله
أنا كنت على وشك أن أقع في فخ النصب
لكن ربنا ستر
والموقف في الموضوع التالي:
http://www.nilemotors.net/Nile/showthread.php?t=6723

انا من ثلاث سنوات ذهبت الى معرض المتحدون العرب واشتريت سيارة زيرو نوعها فلاير المهم بعد مدفعت 1000جنيها تحت الحساب وبدأت اخلص اوراق التقسيط وعند الاستلام فوجئت بموظف المعرض يطلب منى 350جنيها وذلك لتخليص الاوراق فى البنك وبعد دفع المبلغ طلب 350جنيها مصاريف المعرض ثم طلب 300مصاريف ادارية وتأخر فى تسليمى السيارة لاكثر من ثلاث اسابيع وعند الاستلام لم اجد الولاعة فى التابلوة وعند سؤالة طلب 200جنيها لو عاوز الولاعة المهم اتخنقت معاة و اضطريت الى دفع المبلغ حتى اخذ الولاعة وبعد استلام السيارة ذهبت الى التوكيل لصيانة 1000كم اكتشفت ان السيلرة المفروض بها شنطة عدة لكنها مسروفة كذلك مفتاح العجل وبالطبع انكر المعرض هذة الشنطة تماما وحسبى الله ونعم الوكيل اعتذر على التطويل

اقتباس:

---

المشاركة الأصلية كتبت بواسطة SAAA

انا من ثلاث سنوات ذهبت الى معرض المتحدون العرب واشتريت سيارة زيرو نوعها فلاير المهم بعد مدفعت 1000جنيها تحت الحساب وبدأت اخلص اوراق التقسيط وعند الاستلام فوجئت بموظف المعرض يطلب منى 350جنيها وذلك لتخليص الاوراق فى البنك وبعد دفع المبلغ طلب 350جنيها مصاريف المعرض ثم طلب 300مصاريف ادارية وتأخر فى تسليمى السيارة لاكثر من ثلاث اسابيع وعند الاستلام لم اجد الولاعة فى التابلوة وعند سؤالة طلب 200جنيها لو عاوز الولاعة المهم اتخنقت معاة و اضطريت الى دفع المبلغ حتى اخذ الولاعة وبعد استلام السيارة ذهبت الى التوكيل لصيانة 1000كم اكتشفت ان السيلرة المفروض بها شنطة عدة لكنها مسروفة كذلك مفتاح العجل وبالطبع انكر المعرض هذة الشنطة تماما وحسبى الله ونعم الوكيل اعتذر على التطويل

---

معرض المتحدون العرب هو يس للسيارات
هل هذا صحيح
لو صحيح فهم أول معرض أخذ حكم قضائي بعد تفعيل جهاز حماية المستهلك بسبب ثبوت أنهم حرامية ونصابين وأخذوا حكم وفيه عربية رجعتلهم ورجعوا ثمنها لصاحبها ونشروا الخبر مجبرين على حسابهم في الأهرام

حوار عربيات المعوقين دة بقي صباح الفل

العبد لله اخوكم راح اشترى عربية 305 (الغلطة الأولى) بسعر كنت مفكر انه لُقطة الكلام ده يوم 3/12/2008 يعنى لسة واكل القلم سخن
المهم رحت انا وجارى اللى متوسط فى الموضوع معتقد انه اهل ثقة ورحنا نتفرج على العربية ليلاً (الغلطة الثانية) وخليت جارى دة يحربها لأنه خبرة فى السيارات وهيكتشف أى عيب فيها ومش ممكن يضلنى وراح يقول فى العربية اشعار. ولكن للأسف كان مربط مع صاحب العربية وشربتها انا. العربية بدون مبالغة كانت عاوزة عربية وكانت محتاجة اسطوانة وديسك وجوز كبالن وفرامل يد جديدة بالويرات بتاعتها(لأن اللى فيها تالفة وغير قابلة للتصليح) وواير دبرياج وعفشة صلاحتها والدربكة زى ما هى وركبت بيضتين . والمصيبة الكبيرة انها عايزة اربع ابواب جدد ورفرفين اماميين وكبوت ومش عايز اطول اكثر من كدة. المهم اخذت واحد جارى اخر وأحد اقاربى ورحنا نرجع العربية للدكتور صاحبا وتركت الشرط الجزائى 1000+ 1000 اخرى على شان يرضى يرجعها بعد ما فات اسبوع+ 700 مصاريف على العربية. وطبعا الجزار صاحبها قصدى "الدكتور" فضل يدعى عليا علشان رجعتها له خلال اسبوع وخسرت فيها 2800 من غير ما اركبها مشوار واحد وربنا يشهدطبعا بعضكم هيقول انى راجل مش تمام لنى ماشفتش دة كلة. ولكنها اول مرة اشترى فيها عربية وكانت اول بختى وهتعلم فيها ولسة خام فى موضوع العربيات دى. ولولا ان الاسطى الدكتور له عند مبلغ متبقى عند التسجيل ما كنتش عرفت ارجع العربية دى. نسيت أقولكم وانا بتفرج على العربية سألت صاحبها عن اى عيوب فيها فقال [u]والله[/ U] مافيهاش غير شوية تربيط فى العفشة وانت هتصرف عايها 200 او 300 جنية هتبقى عروسة. حسبى الله ونعم الوكيل

حصل خير
ومحدش بيتعلم ببلاش
ولو الراجل ظلمك ربنا هيعوضك أضعاف وهيحاسبه على فعله

المهم طالما إنك جديد في مجال السيارات زملاءك هنا في المنتدى ممكن تشاورهم وتستفيد من خبرتهم

اقتباس:

---

المشاركة الأصلية كتبت بواسطة memoneo

العبد لله اخوكم راح اشترى عربية 305 (الغلطة الأولى) بسعر كنت مفكر انه لُقطة الكلام ده يوم 3/12/2008 يعنى لسة واكل القلم سخن
المهم رحت انا وجارى اللى متوسط فى الموضوع معتقد انه اهل ثقة ورحنا نتفرج على العربية ليلاً (الغلطة الثانية) وخليت جارى دة يحربها لأنه خبرة فى السيارات وهيكتشف أى عيب فيها ومش ممكن يضلنى وراح يقول فى العربية اشعار. ولكن للأسف كان مربط مع صاحب العربية وشربتها انا. العربية بدون مبالغة كانت عاوزة عربية وكانت محتاجة اسطوانة وديسك وجوز كبالن وفرامل يد جديدة بالويرات بتاعتها(لأن اللى فيها تالفة وغير قابلة للتصليح) وواير دبرياج وعفشة صلاحتها والدربكة زى ما هى وركبت بيضتين . والمصيبة الكبيرة انها عايزة اربع ابواب جدد ورفرفين اماميين وكبوت ومش عايز اطول اكثر من كدة. المهم اخذت واحد جارى اخر وأحد اقاربى ورحنا نرجع العربية للدكتور صاحبا وتركت الشرط الجزائى 1000+ 1000 اخرى على شان يرضى يرجعها بعد ما فات اسبوع+ 700 مصاريف على العربية. وطبعا الجزار صاحبها قصدى "الدكتور" فضل يدعى عليا علشان رجعتها له خلال اسبوع وخسرت فيها 2800 من غير ما اركبها مشوار واحد وربنا يشهدطبعا بعضكم هيقول انى راجل مش تمام لنى ماشفتش دة كلة. ولكنها اول مرة اشترى فيها عربية وكانت اول بختى وهتعلم فيها ولسة خام فى موضوع العربيات دى. ولولا ان الاسطى الدكتور له عند مبلغ متبقى عند التسجيل ما كنتش عرفت ارجع العربية دى. نسيت أقولكم وانا بتفرج على العربية سألت صاحبها عن اى عيوب فيها فقال [u]والله[/ U] مافيهاش غير شوية تربيط فى العفشة وانت هتصرف عايها 200 او 300 جنية هتبقى عروسة. حسبى الله ونعم الوكيل

---

اعتقد ان العربيه ال 305 دى بيتنصب بيها بقالها سنين...لان واحد معرفه اتعمل معاه نفس الموضوع ...هوة صاحبها ساكن فى مدينه نصر ده كل اللى اعرفه لو مش هوه يبقى الموضوع ده انتشر و بقى سبوبة لناس كتير

اقتباس:

---

المشاركة الأصلية كتبت بواسطة ahmed1981

معرض المتحدون العرب هو يس للسيارات
هل هذا صحيح
لو صحيح فهم أول معرض أخذ حكم قضائي بعد تفعيل جهاز حماية المستهلك بسبب ثبوت أنهم حرامية ونصابين وأخذوا حكم وفيه عربية رجعتلهم ورجعوا ثمنها لصاحبها ونشروا الخبر مجبرين على حسابهم في الأهرام

---

دا أنا حاجزة عربية عندو، و مستنية لحد ما الأسعار تنزل
و كنت قبله حاجزة عند ناشيونال موتورز اللى فى الطيران بس سحبت فلوسي عشان كانوا عايزين ينصبوا عليا
بس لما اتفرجت على عربيتى لقيت فيها الولاعة و الاستبن و الكوريك و حاجة كمان مش فاكراها
طيب كده أعمل ايه؟
أنا كنت سايبه الحجز لحد ما اشوف الأسعار هتوصل لحد فين :U_thin1[1]:

إحذر منهم
وطالما معاك وصل الحجز يبقى أمان

وفي أي وقت حسيت إنهم ناويين على نصب إسحب المقدم

الاخوه الاعزاء انا تابعت الحمله القويه جدا الي عملها الاخ خالد اباظه منه لله عن السياره الدفع رباعى الي اسمها كومودو
وطبعا انا رحت وحجزتها من ناشونال موتورز عند اسامه عبدالنى
وطبعا انتظرت اكتر من تسعة اشهر وانا دافع المقدم
ولما رحت استلم العربيه لقيت مش نفس العربيه الي احنا حجزناها
يعنى ممكن تقولوا اكبر مقلب للشعب المصري المغلوب على امره ودا عن طريق الكذاب خالد اباظه
وطبعا حاولوا يخصموا اى فلوس من المقدم بس عن طريق جهاز حماية المستهلك رجعت كل فلوسى وفلوس واحد صاحبى كمان

انا حصل معاى نصب فى البيع بسوق الجمعه واحد اتفرج على العربيه ودفع العربون واتفقنا اعمله التوكيل واستلم الباقى وده اكبر غلط .
لانى تانى يوم بسلمه العربيه بدء يطلع فيها القطط الفاطسانه لانه عرف انى عملت التوكيل ولازم هو اللى يلغيه وبدء يحاول يخسف بتمنها الارض لولا ستر ربنا واتصالى بالمحامى اللى عملى محضر اثبات حاله فى القسم وتانى يوم اجبرته على انه يلغى التوكيل .
اوعى حد يبيع ويعمل اى اجراء قانونى قبل ما يستلم كل فلوسه!!!!

فيا اخوانى اياكم وتصديق اخبار اليوم او الاهرام لما يتكلموا او يعملوا حمله صحفيه عن اى سياره
دا لما بيجوا يتكلموا عن السيارات الصينى وازاى فاقت كل الاختبارات الاوروبيه والامريكيه والله العظيم بشعر بألم واقول لك الله يامصر وربنا يخلصنا من ارازل القوم الي كاتمين على انفاسنا
ولأ قال ايه عايزين يقنعونا ان السيارات رخصت فى كل الدنيا وحتغلى فى مصر فقط!!بالله عليكم شوفتوا وساخه اكتر من كده,,,بدل مايدافعوا عن مصلحة القارء الي بيشترى الجريده بتاعتهم وبيأكلهم عيش,لا الساتذه بيدافعوا عن التجار وحسبى الله ونعم الوكيل

انا ابويا اول عربية اشتراها كانت 132

اتضحك عليه من مين من الميكانيكى اللى بيتعامل معاه من 6 سنين مثلا

الكلام دا من حوالى 10 سنين او اكتر بس انا فاكر لان ابويا كان كل يوم يقول الله يسامحك يا كميل :) اسمه كميل الميكانيكى

ادلنا العربية و قاللنا دى لقطة و زى الفل و طلعت الباروما نحله وبرها و ابويا كن طيب و مصدق! و بعناها بعدها بشهر خسرنا فيها بس الحمدلله على كل حال

ابويا من ساعتها لما بيجى يشترى لازم ياخذ العربية و 100 جنية فى التوكيل بتاعها

انا شفت توكيلات اشكال و الوان بولو دايو ابيزا كلو

و العربية من برة تكون فله و من جوة اجارك الله

سيبك من كل الناس وروح التوكيل

هتخسر 100 جنية بس هتكسب عربية سليمة و اطمئنان و انضف من اى ميكانيكى و ادق من اى شخص!

انا فاكر اننا صرفنا على كشوفات العربيات كتيير بس الحمدلله ربنا ادانا عربية حلوة الحمدلله

اقتباس:

---

المشاركة الأصلية كتبت بواسطة mimohs

فيا اخوانى اياكم وتصديق اخبار اليوم او الاهرام لما يتكلموا او يعملوا حمله صحفيه عن اى سياره
دا لما بيجوا يتكلموا عن السيارات الصينى وازاى فاقت كل الاختبارات الاوروبيه والامريكيه والله العظيم بشعر بألم واقول لك الله يامصر وربنا يخلصنا من ارازل القوم الي كاتمين على انفاسنا
ولأ قال ايه عايزين يقنعونا ان السيارات رخصت فى كل الدنيا وحتغلى فى مصر فقط!!بالله عليكم شوفتوا وساخه اكتر من كده,,,بدل مايدافعوا عن مصلحة القارء الي بيشترى الجريده بتاعتهم وبيأكلهم عيش,لا الساتذه بيدافعوا عن التجار وحسبى الله ونعم الوكيل

---

يا باشا بعض الصحفيين مع الشركات بياكلوا جاتوة

اقتباس:

---

المشاركة الأصلية كتبت بواسطة asaadte

يا باشا بعض الصحفيين مع الشركات بياكلوا جاتوة

---

ومفيش قانون لحماية المستهلك من النصب الصحفي؟ :_Alshmokh08[1]:

لا ياعم ربنا يسترها معانا لسه موقعناش فى اى فخ

انا واخويا كنا بنشتري عربية واخر مازهقنا لقينا موقع علي النت كار100100 المهم الكلام دة من سنة وشوية ولاقينا عربيه عجبتنا وسعرها وكل حاجة نتصل ونتفق وبعد مانروح نلاقيه سمسار مش صاحب العربية وعمل فيلم مع صاحب العربيه الي جه قال لا السعر ده مكتوب لعربيه تانيه مش دي ابداااااااااااا وفيلم ملوش لازمة عشان يكسبوا 3 الالاف زيادة في عربيه طلعت في الاخر بعد مااشتريناها ومنهم لله بجد تمنها ينزل بال10 لسبب واحد هو عدم مصداقيتهم هما الاتنين

انا بس بسأل نفسي كتير افرض كان حصل شئ في الطريق ادي لخسائر فادحة اكتر او وصل لموت اشخاص دول هيعيشوا ولا يناموا مطمنين ولا يأكلوا عيالهم ازااااااي !!!

اقتباس:

---

المشاركة الأصلية كتبت بواسطة Haitham10

انا واخويا كنا بنشتري عربية واخر مازهقنا لقينا موقع علي النت كار100100 المهم الكلام دة من سنة وشوية ولاقينا عربيه عجبتنا وسعرها وكل حاجة نتصل ونتفق وبعد مانروح نلاقيه سمسار مش صاحب العربية وعمل فيلم مع صاحب العربيه الي جه قال لا السعر ده مكتوب لعربيه تانيه مش دي ابداااااااااااا وفيلم ملوش لازمة عشان يكسبوا 3 الالاف زيادة في عربيه طلعت في الاخر بعد مااشتريناها ومنهم لله بجد تمنها ينزل بال10 لسبب واحد هو عدم مصداقيتهم هما الاتنين

انا بس بسأل نفسي كتير افرض كان حصل شئ في الطريق ادي لخسائر فادحة اكتر او وصل لموت اشخاص دول هيعيشوا ولا يناموا مطمنين ولا يأكلوا عيالهم ازااااااي !!!

---

للأسف في ناس مابتعتبرش الحاجات دي حرام
بل تعتبرها شطارة وفهلوة ولما يقعد مع أصحابه إللي من عينته يحكي الحكاية دي طبعا بكل فخر
الشعب ده فيه ناس كتير عاوزة تتربى من أول وجديد
ولو منفعش تربية يبقى الحرق

فعلا ياباشا النصبين شغلين اليومين دول على ودنهم عشان يخلصوا من عربيتهم المستعملة
بس بيكشفوا من الى بيفهم ونازل السوق ومعاه كذا واحد

انا اتنصب علية قبل كدة فى عربية 128 كانت اول عربية لية. اشتريتها من ابن واحد كهربائى سيارات (ودى الغلطة بتاعتى) رحت فرجتها على 3 ميكانيكية وقالولى دى عربية كويسة اشتريها (طبعا بيجاملوا الكهربائى دة فى عربيتة وبيعملوا معاة الواجب) . بعد ما اشتريتها غيرت اسطوانة وفرامل وكاوتشات ودبرياج وفتيس و 3 مساعدين و حاجات تانى ..وفى الاخر كانت بتجيب دخان ابيض من قدام قالولى دى عايزة شنبر او عمرة . مستنتش عليها بعتها على طول (بعد 3 شهور من يوم ما اشتريتها) طبعا بخسارة بس الحمد لله انى خلصت منها . وعرفت بعد كدة ان جارى اللى جابلى العربية راح للكهربائى علشان ياخد سمسرة. يعنى اتنصب عليا من جارى وابن الكهربائى والميكانيكية كلهم مربطين مع بعض.

أنا عاوز أقول حاجه اللى بيتنصب عليه مره بيتعلم
بس للأسف بعد كده الموقف بتاع النصب ده اللى هوه فهمه مبيتعرضلوش تانى للأسف بيقع فى موقف نصب جديد وبطريقة تانيه والبلد اتملت نصابين اللهم إحفظنا

رحت اشتري عربية من بورسعيد
قمة البرود والنصب والاحتيال
يبيعك عشان ربع جنية
نصب درجة اولي
ويشطبو علي الي معاك باي طريقة الشاي بتاع فلان وعلان ويظبطوك علي الاخر
الا من رحم ربي:Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4): لابد من التحلي بالبرود مع مثل هؤلاء الفئة من المجتمع

اقتباس:

---

المشاركة الأصلية كتبت بواسطة mohamedbook

رحت اشتري عربية من بورسعيد
قمة البرود والنصب والاحتيال
يبيعك عشان ربع جنية
نصب درجة اولي
ويشطبو علي الي معاك باي طريقة الشاي بتاع فلان وعلان ويظبطوك علي الاخر
الا من رحم ربي:Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4)::Copy of majd(4): لابد من التحلي بالبرود مع مثل هؤلاء الفئة من المجتمع

---

و انت لى تدفع
طالما خلصت عربيتك
خج عربيتك و اخلع

اقتباس:

---

المشاركة الأصلية كتبت بواسطة Sherif Khalifa

و انت لى تدفع
طالما خلصت عربيتك
خج عربيتك و اخلع

---

منا كنت عبيط مش من هنا
بيحرجك باي طريقة
وغير كدة انا باول لا بد انتحلي بالبرود مع الناس البارديين دولة
غير كدة عمليين نصباية علي الطريق عشان يخدو فلوس باي طريقة
بحجة النمر التجارية
محدش بيتعلم ببلاش
الحياة خبرة وتجارب سيدي الفاضل
تبسم انت في مصـــــــــــــــــــــــ ــــــــــــــــــــ:Zb_sor1[1]::Zb_sor1[1]::Zb_sor1[1]::Zb_sor1[1]::Zb_sor1[1]::Zb_sor1[1]::Zb_sor1[1]:ر

والله الي نصب علينا كلنا هو شخص واحد مصرنا الحبيبه اي حاجه ينتفع بها الانسان لو هما فاكرين ان لسه فيها انسان ضروري تكون تعبانه اوييييييييييييييييييي و غليا اوييييييييييييييييييييييي يييييييييييييي مثال السياره الي ببلاش برههههههههههههههههههههه و الشقه او الارض الي مش غليا الا علي المصرييييييييي العادييييييييييييييييييي مش الي مش عاديييييييييييييييييييييي ييييييييييييييييييييييييي ييييييييييييييييييييييييي ييييييي اي حاجه تافهه بعد كده من الممكن ترخص بعد ينهبو شويه حلويننننننننننننننننننن

ربنا يعوض عليكم جميعا
ويبصركم مالم تعلموا
وشكرا على المشاركات المفيده فعلا
بس المثل بيقول
حرّص وما تخونش

ساعات الواحد يتنصب عليه وهو مبسوط واحد بعالى اول ما ركبت سياره انجليزى تسمى اوسطن عزبتنى 3سنوات لغاية ما خلصت منها المهم ان ده من اعز اصدقايى
وعجبى

يا ريت ياجماعة اللي حصلتله واقعة نصب يحكي الجزء الأخير منها بتفصيل لانه دا اهم جزء

وهو نهاية القصة اللي بتنتهي دايما بالبيع وهو طريقة الخلاص من العربية ومشاكلها ودا اللى لقيته فى مواضيع تانية كتير

التفاصيل اللي عايز اعرفها هي بعتها ازاى وهى فيها العيوب اللى ذكرتها وخسرت كام

والمشترى شخص عادى ولا تاجر

:Copy of majd(4):

انا كان هيتنصب عليا لكن الحمد لله هرشتها روحت سوق السيارات الى فمدينة نصر اشترى عربية وبعدين كان فى عربية عجبتنى بس كانت غالية حبتين عليها المهم التاجر لما رجعتلو تانى قلى شوفت ملحقتهاش اهى اتباعت وبالسعر اللى مكنش عجبك مقلتلك المهم قلتلو قدر الله مش نصيبى ومشترتش الاسبوع دة جيت الاسبوع الى بعدو فلقيتو قاعد فنفس المكان ومعاة عربية تانية واللى لفت انتباهى ان حالة العربية فبريكة زى اللى فاتت المهم سلمت علية وشفت العربية وحاولت انزل فسعرها لكنو متمسك برضو وقاللى لف فالسوق انت غاوى لف قلتلو انت الى مش عاوز تخلص ودايما اغلى من سعر السوق قلى طب لف وتعالى المهم رجعتلو وقولنا مش مشكلة الف ولا اتنين مدام عرفنا الراجل والعربية نضيفة وعند التسجيل كانت المفاجاة:
بعد مالعربية كانت رخصتها تمام واوراقها جاهزة عالتسجيل طلعت معمولها توكيلان ولو هو عمل يبقى التالت والاخير وبيقنعنى انو ممكن لحد 5 توكيلات ودة مش سليم المهم قلنا مش مشكلة مدام اتنين الغريب انو عاوز يعمل عقد ابتدائى باسمو رغم ان هو اسمو مش مذكور فى التوكيلات يعنى مش عارف باى صفة هيبيع والغريب اكتر انو كان عاوز ياخد الرخصة والتوكيلات ويدينى صورة العقد الابتدائى بس او الاصل بالعافية بحجة انو هخلص باقى الاوراق والتسجيل وانا ادفع الفلوس واخد العربية بدون اى اوراق ملكية وبعقد ابتدائى باسم شخص لهو صاحب العربية ولهو حد من الى فالتوكيلات ولما رفضت حاول ياخد اى عربون الفين وبعدين الف والتجار الى معاة يقولو عشان يغرونى خلاص يا باشا فى واحد عاوز ياخد العربية وبنفس السعر وقابل الورق على كدة ولما قلتلو ربنا يباركلو قال لا خلاص اصلو هيبقى فلوس لحد بكرة ولسة هنروح ناخدها من الجيزة المهم طلعت لعبة وشكلهم كدة كانو ماجرين العربية وضاربين توكيلات عالكمبيوتر وكان بيلهيينى فالسعر عشان مخدش باللى ن الاسماء وتسلسل التوكيلات سليم لكن اسمو مش فيهم ولما طلبت اقابل صاحب العربية او اخر توكيل رفض رغم انى قولتلو اروحلو انا لو مش فاضى هو فخلو بالكم دة كمان شكلو كان عاوز يجيب حق فطار الرجالة وايجار العربية منى هههههههههههه

اسف للاطالة كتبتة للافادة تحياتى
sheeko00

الراجل كان إسمه إيه