الموضوع: هل انت راض عن تربيتك لإولادك ؟

المشاركة الأصلية كتبت بواسطة Noha.M

انا لسه متجوزتش و لا ربيت عيال بس الحمد لله بحب اوى اتفرج على ولاد اختى بجد و بحس ان اختى عاملة معاهم مجهود و بتحاول تطلعهم على قد ما تقدر ملتزمين و متمسكين بدينهم يعني عندى على ابن اختى لو مودياه تمرين السباحة و فاتحة مثلا اى حاجة في الكاسيت بلاقيه يقولى انتى ليه بتحبي الاغانى اقوم اقوله مش بحبها يعني يا على بس اهو اى حاجة شغالة يقو يقولى طيب اقفليها عشان حرام :) هاتى اذاعة القرأن الكريم برده لو بايت عندنا مثلا اول ما يصحي ويلاقيني قاعدة على النت يقوم سألنى صليتي الصبح لو قولتله اه يقولي برافو و لو لأا يقولي طيب هتوضي و نصلي سوا برده ما شاء الله ميكا اخته عندها 5 سنين و لما بقولها يا ميكا راسي وجعانى اوى تقوم حاطة ايدها على راسي و تقرا ايه الكرسي و تدعيلي أسأل الله العظيم رب العرش العظيم ان يشفيك , مرة برضه كنت قاعدة و سورة يوسف شغالة على اللاب توب و هي قاعدة جنبي و لقيتها بتعيط !! فبقولها مااااالك بيتعيطي لييييييه فلقيتها بتقولي و هي بتعيط انا بحب القرأن اوى يا اوننا ..لإبجد اندهشت يعني هي حست ايه بظبط خلاها تتأثر كدة؟؟

فبجد تربية الولاد صعبة جدا لكن بجد والله مفيش احلى من انك لما ولادك يكبرو انك تحس انك فعلا ربيت بجد و ربنا هيجازيك انك طلعت ولاد مسلمين و ذرية صالحة و ان شاء الله يبقوا سبب دخولك الجنة

هذا هو ما اردت ان اوصلة للناس ان تربية الاولاد صعبة خاصة اذا احتسبت تربيتهم لله اى انك تربيهم بما يرضى الله
و لكنك تستمتع باولادك و بثمرة هذا المجهود اثناء تربيتهم عندما تراهم يفهمون و يتميزون عمن حولهم من الاطفال ثم عندما يكبرون و تجنى ثمار التعب اكثر واكثر عندما تجد حسناتك و قد زادت بما لم تكن تتوقعة بفضل تربيتك لهم تربية اسلامية طيبة
لكن بالله عليكى ان تبلغى زوج اختك و اختك منى السلام و اننى ادعو لهم ان يعينهم الله على تربيتهم اولادهم كما يحبون و ان يجمعهم الله بهم فى الفردوس الاعلى