الموضوع: فانتازيا 1400 tsi

المشاركة الأصلية كتبت بواسطة nobody

أنا معايا فانتازيا ١.٦ ودايما بقول العربية دي لو فيها متور كانت وصلت للكمال
ثبات منقطع النظير ، إعتمادية ، جودة خامات عالية ، رحابة صالون، أوبشنز كتييير في البيز لاين
لكن المتور ال ١.٦ للأسف ضعيييف جدا وبتاكل بنزين كأنها ٨ سلندر
فالخلاصة يمسك في الفانتازيا ال ١.٤ وميفوتهاش أبدا أبدا منوور جبار ، عربيتي ١.٦ بتجيب ال ١٠٠ في ١٦ ثانية وال١.٤ في ٩ ثواني
ده غير إن ١.٤ tsi بيوفر جدا جدا في البنزين ، شاشة المعلومات حتلاقيها كاتبة أرقام لايصدقها عقل بتوصل ل ٤.٥ لتر / ١٠٠ كم
المواتير ال tsi بجد متعة في السواقة وليها طعم تاني خالص ويالنسبة لمشاكل ال dsg فالعربية ليها ضمان فميقلقش من النقطة دي هو مش لوحده ال dsg مكسر الدنيا كانتشار من الجولف للجيتا للباسات إلى آخره.،،،
أنا إن شاء الله في أقرب فرصة حبيع عربيتي ١.٦ وحشتري فانتازيا ١.٤ tsi مستعملة ، وحسبي الله ونعم الوكيل إللي حرمنا من المتور ده ولبسنا بالعافية في ال mpi مع العلم إن المتور ال tsi نازل للأوكتافيا من ٢٠٠٩ تقريبا

شكراً لحضرتك على الرد لأنك أكدت لي وجهة نظري ان الموتور ال1600 مينفعش العربية دي، ومش العربية دي بس، كل العربيات من نفس الفئة والحجم، العربيات دي عاوزة موتور جبار علشان يقدر يحرك العربية بالطريقة اللى تعجبنا، لكن انك تجيب عربية ممتازة دافع فيها قرب الربع مليون جنية وبعدين تيجي تدوس بنزين متلاقيش السحب اللى يرضيك...بصراحة حاجة مش كويسة