أنا سألت عن موضوع الفتيس الdsg ده، والفتيس ده فعلاً كان فيه مشكلة فى موديلات الفولكس من 2009-2011 وبعد كده صلحوها..بس للأسف السمعة لسة مستمرة، انا معايا اوكتافيا وفتيس dsg وماشي زي الفل، ومسئول المبيعات فى أرتوك أكد لي انهم مغيروش ولا فتيس واحد dsg

الميزة القوية ان الفتيس الdsg مناسب للموتور الTSI 1400 وده موتور جبار، أفضل من ال MPI بكتييييييييير علشان تربو..العزم بتاعه عالي وموفر فى البنزين و مناسب جداً لحجم العربية، بيخلي سحب العربية جبار، الراجل بتاع المبيعات قاللى ان ال MPI ممكن تكون الطلعة ضعيفة شوية ودي حاجة هتضايقك

الميزة التانية فى الdsg هو المود بتاع SPORT وده مود بتشغله لما تضغط على عصاية الفتيس لورا...بتنقل العربية للمود SPORT وده بقى ايه...مقولكش...رهيييييييب، تلاقى العربية جريت اكتر، والسحب بقى فظييييع، يعني لو اتزنقت وعاوز تشد، حول على ال SPORT وهتلاقي نفسك طلعت من الموقف بكل سهولة (وللأمانة المود العادي بيخليك تعمل كده برضة، بس الSPORT بيسهلك أكتر)