الموضوع: تقييم عن كيا سول 2015 و صيانه ال1000كم

المشاركة الأصلية كتبت بواسطة Tmhami

بص يا سيدى
موضوع الثبات ده نسبى , أنا شايف أنك كنت راكب BMW
فأكيد حتلاقى فرق كبير بين ال BMW و بين كل الكورى

نرجع للسول
ثبات السول أنا بعتبره ثبات متوسط و ده بيرجع أن العربيه عاليه و ده بيخلى مقاومه الهواء أكتر , بحس بيها أكتر فى الملفات لكن فى الطرق العدله مفهاش أى مشاكل
بس مش معنى كده أنها و الثبات وحش أو أنك تخاف تركبها ,وأعتقد نفس الحال فى ال sportage ,IX35 (بس أنا مجربتش سواقه العربيتين دول بنفسى)
فيه ناس ممكن تركب العربيه و متحسش بموضوع الثبات ده بس يمكن أنا بدقق فى كل حاجه علشان أكون حيادى و أنقل الصوره كامله

فى المجمل بسم الله ما شاء الله , أنا الحمد لله مبسوط بالعربيه و مش شايف فيها أى مشاكل , كمان هىا مريحه فى السفر و خصوصا ان تانك البنزين 55 ليتر , و صدقنى بتشيل حاجات كتير
يعنى أنا فى السفر بفضلها عن الريو

قولى أنت عايز تسأل على أيه بالظبط وأنا تحت أمرك

لو حابب أحنا ممكن نتقابل و تجربها بنفسك و بالمره تقول للناس رأيك فى العربيه من وجهه نظرك

اولا الف شكر على اهتمامك وردك
ثانيا انا شايف ان الشكل العام للعربيه مرتحله جدا وحابب اجيبها
بس الفتى بقى كتير جدا ودا حيرنى فى اكثر من موديل انا اقصى سرعه ليا بالعربيه بيكون فى السفر
على 140 لان انا بخاف من العجل مش منى لان ساعه الجرى متضمنش الكاوتش حتى لو جديد كله على الله انا ناوى ان شاء الله على الفئه الاولى 156 الف بعيدا عن الاوبشن انا مشفتش خامتها لان ال شفتها خليجى او هاى لاين الفقيره ال هجيبها مشفتهاش
فعايز اعرف خامتها والطاره والفرامل والصيانه بس مش هطول عليك

المشاركة الأصلية كتبت بواسطة Tmhami

العربيه سحبها حلو و طبعا بتجرى , أخرى كان 180 و مجربتش أكتر من كده
الطبيعى بتاعى فى السواقه 120-140
العربيه طبعا عائليه و واسعه من الخلف و بيكون فيه مسافه كويسه بين الكرسى الى القدام و رجلين الناس ألى قاعدين وراه

الوسع دا انا محتاجه وكنت بفاضل بينها وبين التيجو الجديده وال v5 البريليانس بس طبعا رحت للكيا لاسباب كتير خاصه ان المبلغ مش صغير واستحرمته فى الصينى رايك ايه وقطع غيارها سالت عليها ولا لسه وهل متوفره فى محلات الكيا ولا لازم فى التوكيل مع العلم انى هامن عليها علشان باقى البملغ قسط

المشاركة الأصلية كتبت بواسطة tmhami

كلامى عن الثبات ده لو أنت أخدت ملف على سرعه عاليه مش أكتر , بس 140 و فى الطرق الطوالى أكيد مش حتحس بحاجه خالص

الحجم: أكيد السول أوسع من التيجو بس مش عارف ال v5 أيه نظامها ,
بالنسبه لقطع الغيار فأنا معتقدش انك حتلاقى الحاجات بتاعتها بره التوكيل ( أنا مسألتش) , الشكل لسه نازل و أكيد العربيه لسه مش منتشره أوى , بس حاجات الميكانيكا تقريبا نفس حاجات السيراتو
الصيانه: كل ألى عملته هو صيانه ال 5000 كم و طبعا ديه صيانه مجانيه ,و صياته ال1000 مش فاكر دفعت كام بالظبط بس كان تغير زيت و فلتر بس
بس بصفه عامه أسعار صيانه السول مش غاليه
للأسف أنا فى الشغل فمش عارف أرفع الصور العربيه , أبعتلى الميل بتاعك وأنا حبعتلك الصور
لو أنت فعلن بتفكر تشترى السول ,يبقى تعالى نتقابل و تشوف العربيه و تجربها بنفسك

الشنطه بالنسبه ليا هىا واسعه و مكفيانى انا و مراتى و العيال كمان
بس برضه الموضوع نسبى و ممكن يفرق من شخص للتانى

شكرا لاهتمامك واسف والله على الازعاج بس الواحد ما صدق حد يتفاعل مع عربيه اشتراها
انا بعتلك على الخاص رقم موبيلى ممكن نتكلم واتس اب لو ميديئكش او تبعتلى صور عليها