الموضوع: عطلان علي الطريق والسياره حلفت ما تدور

البطارية هيا السبب حتى لو كانت عاللون الاخضر

او متأكد أكلم صاحبي يجيب مشترك ونجرب من سيارته ..

طيب ايه اخبار كهربة العربية ؟
الكاسيت والنور وخصوصا النور العالى شغال كويس ؟

حاول توقف اي حد يزقك طالما العربية مانيوال

جربتا نزق العربيه ومدارتش بردو
بخصوص في كشاف مش بيشتغل فيه النور العادي بقالوا أسبوع
لكن عموما كل حاجه شغاله تمام والنور عالي شغال
الغريب أني بحرك إزار العربيه مع انه كهربا .. انا والله مستغرب

يعنى الكهربة طبيعية والبطارية ع الاخضر ، كدة غالبا مش مشكلة بطارية !!!!! خصوصا لو مفيش اي تأثير يعنى مثلا لما بتحرك الازاز مش بيضعف نور التابلوه او الساعة وكدة ..

طيب لو قلنا عيب مارش او اوتوماتيك مارش او فيوز .. كانت دارت بالزق !

والتكتكة اللى بتقول عليها بتحصل لما تبقى البطارية ضعيفة ! طب التكتكة دى من الموتور ولا من التابلوه ولا من الحوض عامة ومش عارف تحدد مصدرها ؟

في حلقة مفقودة في الموضوع

هيا مشكلة بطارية مع عدم وجود صوت مارش

البطارية لما تبقى ضعيفة كل حاجة كهربة في العربية بتشتغل عادي لكن لو بطارية ميتة تماماً مفيش حاجة هتشتغل

جرب ارملها غيار مدام عربية مانوال

المشاركة الأصلية كتبت بواسطة amrelsaqqa

يعنى الكهربة طبيعية والبطارية ع الاخضر ، كدة غالبا مش مشكلة بطارية !!!!! خصوصا لو مفيش اي تأثير يعنى مثلا لما بتحرك الازاز مش بيضعف نور التابلوه او الساعة وكدة ..

طيب لو قلنا عيب مارش او اوتوماتيك مارش او فيوز .. كانت دارت بالزق !

والتكتكة اللى بتقول عليها بتحصل لما تبقى البطارية ضعيفة ! طب التكتكة دى من الموتور ولا من التابلوه ولا من الحوض عامة ومش عارف تحدد مصدرها ؟

في حلقة مفقودة في الموضوع

مش شرط ياباشا

انا كان عندي اللمبة خضرا والبطارية ميتة كل ماتتشحن تنام تاني لوحدها

مانا عارف في عربيات المارش بتاعها حساس يا اما بيدور يا اما مفيش لو البطارية ضعيفة سنة ، اللى هو مفيش
الدرجة بتاعت التعتيل دى ، بس العربية ليه ما دارتش زق ؟ ولا نفترض انه ما عرفش يرمي لها كويس ؟

الفكرة ان صعب تصادف ان المؤشر اخضر في نفس الوقت اللى الكهربة فيه طبيعية والعربية مش بتدور بالزق ، انما لو المؤشر اخضر وبس يبقى فعلا مش شرط زي ما انت بتقول ، وبرضه ممكن في الاخر تطلع مشكلة بطارية بس هتبقى صدفة غريبة ان كل الدلائل عكس كدة وتطلع هى في الاخر