الموضوع: فلوانس 2015 (عيوب الفلوانس) (استفسار لملاك رينو فلوانس)

المشاركة الأصلية كتبت بواسطة wael30003

شكرا يا استاذ ياسر على الرد ....
هو بصراحة لسه واصل السعودية من حوالى 3'شهور ....
وقلت ادور على حاجة كويسة وصالونها واسع ....ﻷن الصالون بيفرق معايا كتير بعد ما جربت الفيرنا ثم اللانوس
واللوجان ....اصبح الصالون بالنسبة ...نصف العربية .....طبعا انا بعت العربية قبل ما اسافر ....
وبدأت من تحت ...يعنى من اول فئة ...الاكسنت ...قرايت عنها ...لقيت المعظم بياكد ان ثباتها بعد 120 ضايع
غير ان صالونها صغير ....قلت ابعد عنها ....ده بالنسبة لى عيبها الوحيد الثبات والصالون
قلت اروح للنيسان ..قرايت عنها فى عضو هنا حبييى ع .ا ...كرهنى فى ام النيسان صنى الجديدة ...
غير ان فى اعضاء قالوها ان ثباتها مش حلو ....وصناعة هندى وليس يابانى ...والشاسيه ضعيف جدا ....
قلت اطلع شوية ...رحت للكيا.....
قلت اشوف الريو ...لقيتها 1400cc
قلت مش هتكمل معايا 5 سنين
قلت مفيش ادامك غير السيراتو ....
.دخلت معرض وكيل لقيتها مش بطاله ...بس شبه فاضيه ....قلت مش مشكله ...بس خفت من موضوع السرقه عشان مفتاحها مش مشفر .....وبعدين عرفت انه مشفر ....وفجأة عينى وقعت على موضوع الفلوانس ...قلت اما اقارن ....دخلت موقع بيعمل مقارنة فى كل حاجة .....لقيت المقارنة لصالح الفلوانس ماعدا قوة الاحصنة لصالح الكيا ....لكن معظم النقاط لصالح الفلوانس ....وميزه توفير البنزين دى مهمة جدا عشان هنا المسافات بعشرات الكيلومترات ....والطرق طويلة ....والسعر متقارب جدا .....خاصة انى كان معايا لوجان وعندى فكرة عنها وعن توكيلها ....ماركة محترمة .....لكن ....الخبرة العملية هى اللى بتجيب من الاخر ......
عشان كده سألت حضراتكم .....فلو حد عندة حاجة كمان يعلى المزاد بيها يبقى جزاكم الله خير

زى ما قلتلك . السيراتو لو هاتشترى اخر فئه . الهاى ﻻين . موضوع الاحصنه ده قياسه بيختلف من الاوروبى للاسيوى . اللى انا اعرفه انه الاسيوى بيتقاس قوة احصنته و الموتور خارج العربيه قبل ما يتركب . الاوروبى بيتقاس داخل العربيه بعد التركيب . يعنى الاتنين تقريبا واحد .

الفلوينس موفره فى البنزين بسبب الفتيس ال cvt . بس انت عندك البنزين ببلاش ياريس ههههه

هو فعلا مقارنة بمصر ببلاش ...ههههههه