حد يعرف مباحث التليفونات فين ؟

**tarek12** · 23-07-2014 07:22 PM

يا جماعه
اهلا بكم

حد يعرف مباحث التليفونات فين عشان لابلاغ عن سرقه خط و رصيد

ياريت تدولونا عن مكانها فين و لو حد من الاخوه راح بلغ فيها قبل كدا ياريت يقولنا

؟؟؟؟؟؟؟؟؟؟؟؟؟

جزاكم خيرا

**sakr_skoda** · 23-07-2014 11:19 PM

اكيد مش موجود او غير مفعل هذا الجهاز فى هذا الوقت الحالى الشرطة والجيش مشغولة فى قمع الارهاب والارهابيين مش فاضيين للبحث عن خط تليفون مخطوف او طفل مخطوف**استعوض ربنا **

**drcobra** · 24-07-2014 03:53 AM

وممكن تسأل فى اى سنترال كبير
كان عندى فى الغردقة مباحث التليفونات فى السنترال الرئيسى
بس بصراحة كانت قمة الكوميديا نظام روح هاتلى كارت بعشرة وشوف الخلة دى ههههههههه

**tarek12** · 24-07-2014 05:45 AM

المشاركة الأصلية كتبت بواسطة kaizer

القاهرة:
أول شبرا بعد النفق - لو انت داخل على شبرا بعد النفق شمال - لو انت خارج من شبرا بدل ما تنزل النفق خليق فوق النفق شارع صغير مش باين و الافضل تكون ماشي على رجلك علشان صعب انك تلاقي مكان تركنالعربية.
هما مختصين بالمعاكسات، لكن لو سرقة يبقى محضر في قسم الشرطة- او الهيئة القومية للاتصالات 155

شكرا لحضرتك ولكن سؤالى ما اسم الجهاز الموجود هناك فى هذا الشارع ؟؟؟
ياريت الافاده اخى

الموضوع كبير جدا جدا لانه متعلق ب مافيا ( امبراطورية ) سرقه الخطوط و بالاخص الخطوط التى بها مبالغ كبيره التى تتبع فودافون

و سيتم نشر الموضوع بتفاصيل كثيره ان شاء الله عن قريب

**tarek12** · 24-07-2014 05:50 AM

المشاركة الأصلية كتبت بواسطة sakr_skoda

اكيد مش موجود او غير مفعل هذا الجهاز فى هذا الوقت الحالى الشرطة والجيش مشغولة فى قمع الارهاب والارهابيين مش فاضيين للبحث عن خط تليفون مخطوف او طفل مخطوف**استعوض ربنا **

ما هو اصل الموضوع اكبر من سرقه تليفون ,, و لو اتسرق منى تليفون مش هبلغ عليه

**tarek12** · 24-07-2014 05:52 AM

المشاركة الأصلية كتبت بواسطة drcobra

وممكن تسأل فى اى سنترال كبير
كان عندى فى الغردقة مباحث التليفونات فى السنترال الرئيسى
بس بصراحة كانت قمة الكوميديا نظام روح هاتلى كارت بعشرة وشوف الخلة دى ههههههههه

قصدك فى الغردقة مباحث المصنافات الفنية و ليس التليفونات
لانه شرطه التليفونات لها مقر و به اماكنيات كبيره للتتبع

**Mido Casper** · 24-07-2014 06:13 AM

بص يا باشا .. المكان اللي حصل فيه السرقه هتروح السنترال وتقولهم عايز اعمل بلاغ عن السرقه وهيقولك انهي سنترال ماسك المنطقه دي .. عشان مش كل السنترالات بيكون فيها التقديم .. وهتاخد العلبه بتاعت الخط و صورة بطاقه وهيصورهالك وهيديلك رقم .. الرقم دا هتاخده وتروح تعمل بيه محضر في القسم ومن القسم هييزودلك رقم عليه عشان يتفتح بيه ملف ف القسم ويتعرف كله و بالرقم دا هتعمل بيه مذكره في المحكمه ومن المحكمه هيرفعها لوكيل النيابه ودي بتكون اخر خطوه بعد كده بتابع معاهم كل اسبوعين تلاته و الحاجات دي بتاخد منك بتاع اسبوعين تلاته وبعدين من المحكمه بتابع الاخبار او بيدوك قسم شرطه اللي هيكون مكلف بالمأموريه دي وبتابع مع القسم كل اسبوعين تلاته

**drcobra** · 24-07-2014 03:00 PM

المشاركة الأصلية كتبت بواسطة tarek12

قصدك فى الغردقة مباحث المصنافات الفنية و ليس التليفونات
لانه شرطه التليفونات لها مقر و به اماكنيات كبيره للتتبع

لا فى السنترال لان واحد صاحبى موبايلة اتسرق ورخنا هناك وطبعا بدون فايدة الكلام دة من 8 سنين

**tarek12** · 24-07-2014 11:40 PM

المشاركة الأصلية كتبت بواسطة mido casper

بص يا باشا .. المكان اللي حصل فيه السرقه هتروح السنترال وتقولهم عايز اعمل بلاغ عن السرقه وهيقولك انهي سنترال ماسك المنطقه دي .. عشان مش كل السنترالات بيكون فيها التقديم .. وهتاخد العلبه بتاعت الخط و صورة بطاقه وهيصورهالك وهيديلك رقم ..

شكرا لمحضرتك بس انا مش فاهم اول نقطه ( المقتبسه )

و استفسارى ,, ما دخل السنترال فى السرقه
وما هو المقصود بالسنترال ؟؟؟
يعنى السنترال الماسك الهرم اسمه ايه و مكانه فين

ياريت الرد
جزاك خيرا