السلام عليكم
كل عام وانتم جميعا بخير

دلوقتى العربية اوبترا 2006 خليجى المفروض عاملة حوالى 90 الف كيلو ( مش متأكد العداد حقيقى ولا لا لانها مش معاه من الزيرو وشاريها على 80 الف تقريبا)

المهم هو لما جه يغير الزيت كان عاوز يحط 10 الاف

قلتله بلاش انت ما تعرفش ايه حالة الموتور وكدة وممكن يحصل مشاكل من التغيير من معدنى لتخليقى وممكن يظهر عيب اكلان زيت او الجوانات تضرب والكلام ده
قاللى لا لا الموتور بتاعى كويس

حط الزيت وبعدها بحوالى 3000 كم لمبة الزيت نورت

بتنور ع السلانسيه وتروح لما يزود بنزين
فانا اول كلمة قلتهاله شوف الطرمبة كدة ضغطها ضعيف عالسلانسيه

راح لميكانيكية قالوله لا ساعة الزيت فغير ساعة الزيت بلا فائدة ، قالوله خلاص كدة تبقى الطرمبة
للاسف غير الطرمبة ع الفاضى ولسة المشكلة قائمة


دلوقتى تحليلى يا اما لا قدر الله سبيكة يا اما اويلسيلات او جوانات بتهرب الضغط ومحتاجة تتغير ؟؟

هل الكلام ده صح مع ان مش واضح اثار تسريب زيت ع المكنة ؟

وهل لو سبيكة الافضل يعمل الشغل اللى فيها ولا يجيب استيراد شورت بلوك والاسعار تقريبا كام ؟

وهل كدة الزيت اللى عمل المشكلة دى ولا ملوش علاقة ؟

وايه اضرار المشي بالعربية مؤقتا ع الوضع ده لحد بعد العيد؟