الموضوع: محتاج اراءكم معانا .. مشكلة في موتور اوبترا بعد زيت شل الترا

طب العربيه كانت ماشيه عادى قبل الزيت دة
على فكرة شيل الاصفر بوظ كذا ماتور منهم ماتور

اه العربية كانت طبيعية جدا وكانت بتجري 160 و 170 عادی والزيت مكنش بينقص

المشاركة الأصلية كتبت بواسطة ahmedelrayan

المشكلة غالبا مشكلة سبيكة زى ما حضرتك حللت بالظبط ومتخليش حد يقولك اعملك عمرة والكلام ده عشان هتؤدى بالفشل وهترمى فلوس على الارض حضرتك تجيب شورت بلوك على طول وثمنه 4500 وانا بقول لحضرتك المعلومات دى لان واحد صاحبى عنده نفس المشكلة بالظبط وعمل عمرتين للموتور خلال شهر وفشلت وبعد العيد هيجيب شورت بلوك بعد لما صرف حوالى 4000 وطبعا كله الفلوس دى فى الارض

اشكرك بشدة
بس 4500 ده صاحبي هيتخض لو قلتله الرقم ده مع انی كنت متوقع نفس الرينج يلا الحمد لله

المشاركة الأصلية كتبت بواسطة adnfalcon

الزيت برئ لو اصلي و متهم لو مضروب سواء كان الموتور ماشي كتير أو قليل

هو كان جايبه من بنزينة شل
هو ممكن الزيت يكون عجل بظهور العيب وده برضه مش عيب الزيت في نظري لان الزيت التخليقی عايز موتور جديد ويبين عوار الموتور لو كان بيشاور عقله وقديم

بص ياباشا ا لموضوع حصل معايا من حوالى شهرين والعربيه عامله 135000 انا مالفتيش كتير رحت بيها عند مركز الصيانه ال فى شارع بورسعيد امام مستشفى جراحه اليوم الواحد واسمه سيرفس هوم ناس محترمين فى الاول غير ساعه الزيت وقال لى امشى بيها شويه ولو لمبه الزيت نورت ابقى تعالى تانى مشيت بالعربيه مشوار حوالى 30كم ولقيت اللمبه بدات ترعش رحت لهم تانى وقالو لى العيب ده من طريقه تغيير الزيت اكيد ال كان بيغير الزيت ما كنش بيغيره عن طريق التفريغ من طبه الزيت ولكن كان بيغيره عن طريق الشفط من اعلى الماتور وفى هذه الحاله الزيت مابينزلش بكامله ويتررسب اسفل الماتور وعلشان انا كنت بغير الزيت فى مقار ما عرفتش ارد عليهم لان مقار مابيخليش حد يدخل مع العربيه وعرفت منهم ان ترسيب الزيت القديم ده ادى الى انسداد بمجارى زيت الماتور وبيضغط على طلمبه الزيت وبياثر على كفائتها مما يؤدى الى عدم تغذيه الماتور من اعلى وده السبب ال بيخلى المبه تنور المهم انا اقتنعت بكلامهم وسبت لهم العربيه وقالو لى تعالى خدها بعد يومين لان كان صابح جمعه وهما اجازه المهم رحت لهم يوم السبت ولقيت المهندس بالخارج بيجرب العربيه انتظرت فتره حوالى ساعه وقالو لى هو هيتاخرشويه علشان هو واخد مشوار طويل علشان يتاكد من عدم اضاءه اللمبه مره اخرى المهم بعد فتره انتظار حوالى ساعه لقيت المهندس داخل بالعربيه وقال لى كده تمام وعرفت منه ان كان فيه رواسب كثيره بالماتور ونظف السبايك ومجارى الزيت بالهواء المضغوط وغير طلمبه الزيت ونصحنى بان اضع زيت 5000 فقط بدلا من 10000 وفعلا لقيته مغير لى زيت توتال مع انى كنت بغير موبيل 10000 ومن وقتها العربيه ماشيه تمام زي الفل لا عمره ولا غيره وبعدين العربيه عندك عامله 90000 فقط ازاى يقولو لك عمره الماتور علشان يعمل عمره مش اقل من 250000 اتكل على الله وروح لهم وهما هيظبطو لك كل حاجه وابقى بلغنى وقول لى عملت ايه تليفونى 01271000058 اذا احتجت اى مساعده