بخصوص استرا انجوى محتاج المشورة للضرورة القصوى

**bahy55** · 24-07-2014 11:07 PM

السلام عليكم ورحمه الله وبركاته

انا محتاج مساعدة كل واحد معاه استرا انجوى 2007 و 2008 لانى محتار جدا اشتريها ولا لا

انا معايا النترا وبفكر اغير الكورى خالص ولاول مره اركب المانى ووقع الاختيار على استرا انجوى 2007بالذات لانها مع واحد زميلى وبيشكر فيها جدا وعلى العكس ناس تانيه خوفتنى منها ومنهم تاجر .وركبت العربيه وجربتها ماشاء الله عليها وحسيت فعلا ان اللى مركبش المانى مركبش عربيات قبل كده مع احترامى لكل الماركات. ودخلت قريت تقريبا كل المواضيع اللى عن العربيه دى ولسه محتار

-ارجو من اى حد معاه العربيه دى حاليا يقولى ايه اهم مميزاتها واهم عيوبها من تجربته الشخصيه وله جزيل الشكر

ثانيا اللى المفروض هشترى منه العربيه قولتله هرفعها ف التوكيل قاللى التوكيل ملوش لزمه ولو الحاجه كفائتها 85% هيقولك عاوزه تتغير وهى ممكن تمشيك سنه عشان يشتغلوا وخلاص وانا بصراحه مصر انى ارفعها ف التوكيل . حابب اعرف ايه رايكوا ف كلامه

اسف جدا ع الاطاله لكن القرار مش سهل خصوصا ان قطع غيارها مش رخيصه والموضوع محتاج راى ناس مجربه العربيه دى بالذات .وكل عام وانتم بخير

اخوكم م.بـهــاء

**shiko85** · 24-07-2014 11:28 PM

وعليكم السلام ورحمة الله وبركاته
بخصوص العربيه مش هقدر افيد حضرتك
لكن بخصوص الكشف فالتوكيل ده لازم و مفيش حاجه اسمها لو كفاءتها 85% هيقول تتغير كل حاجه لها ميعاد تتغير فيه
من حق حضرتك تكشف فالتوكيل ولازم تصر و تصمم على كده لان فيه عيوب و مشاكل مش هتبان بمجرد النظر غير ان دى اول مره حضرتك تشترى عربيه المانى فيعتبر مفيش خبره
ده رأى شخصى و اكيد فى اعضاء غيرى اكثر منى خبره و يقدروا يفيدوا حضرتك اكتر

**abohend** · 24-07-2014 11:30 PM

لأ طبعا لازم تكشف
واحد كان عايز يبيعلي بيكانتو قالي نفس الكلمتين
و بعد الكشف لقيت فيها اسكترا و طقم دبرياج و 4 جنوط و تسريب زيت من الموتور

لازم تكشف فالتوكيل

**hugan** · 24-07-2014 11:45 PM

من كلامه مش عايزك تروح التوكيل

**bahy55** · 25-07-2014 01:27 AM

المشاركة الأصلية كتبت بواسطة abohend

لأ طبعا لازم تكشف
واحد كان عايز يبيعلي بيكانتو قالي نفس الكلمتين
و بعد الكشف لقيت فيها اسكترا و طقم دبرياج و 4 جنوط و تسريب زيت من الموتور

لازم تكشف فالتوكيل

الحمد لله ان ربنا ستر

. حصل معايا اكتر من كده شويه كنت هاخد سيراتو صاحبها قاللى العربيه فابريكه جوة ورشه بره جنبين بس .خدته توكيل كيا طلعت العربيه رشه بره كلها ورشه دواخل وكانت مقلوبه قبل كده

**bahy55** · 25-07-2014 01:29 AM

المشاركة الأصلية كتبت بواسطة hugan

من كلامه مش عايزك تروح التوكيل

ده واضح جدا

**Omar Mahmoud** · 25-07-2014 01:47 AM

هي عربية ممتازة و محترمة
مفيش حاجة اسمها التوكيل ملوش لازمة و عايز يشتغل و يغير و حضرتك بتقول القرار مش سهل و قطع الغيار مش رخيصة يبقي الكشف مهم و لا لأ؟؟
الناس أول ما تسمع اوبل يخطر علي بالهم انها متنفعش للصيف و انها بتسخن و اعطالها كتير جدا و كلام فاضي كتير و ده كلام ناس مركبوهاش و التاجر مش بيشكر غير في الكوري و الياباني بس و عن تجربة.
بالتوفيق.

**bahy55** · 26-07-2014 01:30 PM

المشاركة الأصلية كتبت بواسطة omar mahmoud

هي عربية ممتازة و محترمة
مفيش حاجة اسمها التوكيل ملوش لازمة و عايز يشتغل و يغير و حضرتك بتقول القرار مش سهل و قطع الغيار مش رخيصة يبقي الكشف مهم و لا لأ؟؟
الناس أول ما تسمع اوبل يخطر علي بالهم انها متنفعش للصيف و انها بتسخن و اعطالها كتير جدا و كلام فاضي كتير و ده كلام ناس مركبوهاش و التاجر مش بيشكر غير في الكوري و الياباني بس و عن تجربة.
بالتوفيق.

الجمله دى قالهاى التاجر بالحرف "" انها متنفعش للصيف و انها بتسخن و اعطالها كتير جدا "" حسسنى انه بيتكلم عن عربيه صينى

انا احترت والله وقربت اقفل من العربيه رغم اقتناعى التام بيها

**bahy55** · 26-07-2014 01:32 PM

ايه ياجماعة ؟ مفيش حد ف المنتدى كله معاه العربيه دى يقولى اشتريها ولا ابعد عنها ؟ ويقولى العربيه مريحاه ولا كل شويه عند ميكانيكى زى ما تاجر قاللى ؟ اتمنى حد يرد لانه كلامكوا هيفرق معايا جدا