الموضوع: غيرت طقم الدبرياج

المشاركة الأصلية كتبت بواسطة o0hanafi0o

امبارح وانا مروح مره واحده العربيه الدواسه طريت تحت رجلى اوى بتاعه الدبرياج ومفيش اى غيار عايز يتاخد خالص كل الغيارات واقفه بطلت العربيه ودورت تانى نفسى الكلام حاولت اخدا لغيار والعربيه مبطله اخدت غيار وفضلت ماشى على التانى لحد اما روحت وكملنا الميكانيكى وروحتله على التانى بردو والعربيه عماله تبطل وحالتها متسرش بالمره قالى عايزه طقم دبرياج ومش هنقدر نعرف عايزه بليه ولا لا الا لما نفتح ونشوف

روحت جبت طقم لوك من نيو اوبل فى المعادى ( مش واثق اذا كان اصلى ولا لا ) بس هناك فى نيو اوبل ناس محترمه الصراحه واكدوا انه اصلى بس اللوك المخلوع من العربيه علامه لوك محفوره عليه كده وتحس ان العلامه فعلا اصليه لكن التانى كدسك مفيش فرق لا فى وزن ولا خامات بس هيا العلامه والحاجات الى تقلق ديه

المهم ركبنا الدسك والاسطوانه وطلع البليه قالى البليه سليمه حرام نغيرها على الفاضى وقفلنا على كده

النتيجه دواسه الدبرياج كان بقالها اكتر من سنتين تقيله جدا واخدت عليها على كده لدرجه انى لما كنت بسوق اى عربيه تانيه يبانى او كورى كنت بباه مش عارف اسوق من نعوميه الدواسه وعندى كانت تقيله اوى

دلوقتى الدواسه خفيفه اوى ما شاء الله بس عاليه شويه ومش واخد على دوستها وحاسس انى بتعلم سواقه من اول وجديد

الغيارات بقت سلسله جدااا فى نتشات خفيفه اوى بس بتروح مع الوقت ورايى فيها ان الميكانيكى لما فتح قالى الفتيس مكنش فيه زيت خالص وحطيت زيت فالفولين موبيل 80 90 العليه البيضه الى غطاها ازرق ولما الفتيس بيقعد فتره من غير زيت بياخد على كده ولما بيخش عليه زيت بيتبرجل

تكلفه الليله كلها

طقم دسك واسطوانه 950 جنيه

زيت فتيس 50 عبوتين العبوه ب 25 جنيه

جركن ميه حمرا توتال اربعه لتر 75 جنيه وجركن تانى احتياطى معايا الاجمالى 150

اكراميات ومراضيات 20 جنيه

مصنعيه 300 جنيه

تقريبا الاجمالى 1500 جنيه والحمد لله من امبارح وانا مروح لحد دلوقتى حاسس انى راكب عربيه تانيه السحب ممتاز ما شاء الله الدواسه خفيفه اوى حاسس ان استهلاك البنزين اتحسن لوحده

قلقى الوحيد ان الطقم مكيونش اصلى ويحصله حاجه بسرعه وبصراحه مش طالبه خالص دلوقتى انى اغيره دلوقتى والى اعرفه ان طقم الدبرياج ممكن يقعد بالعشر سنين لو فى اهتمام بيه ونفسى الجديد داه يقعد كده

رايكم واقتراحاتكم ونصيحتكم

اولا مبروك

ثانيا 1500 جنيه اومال لو في التوكيل كان حيبقي بكام

ياباشا الف مبروك و كويس ان الموضوع ده حصل قبل العيد عشان مش يعكنن عليك ، كدا انت ضبطت العربية قبل العيد و متشغلش باللك اذا كان اصلى و لا لا اركب العربية و اتعامل معها باحترام و هى هاتقعد معاك اكتر من 10 سنيين و جزائك الله خيراً على نشر التجربة و مشارك رائعة

جزانا والله واياك تسلم

اولا مبروك

ثانيا 1500 جنيه اومال لو في التوكيل كان حيبقي بكام

داه طقم دبرياج حاجه بتتعمل كل كام سنه ان شاء الله وعلى فكره ممكن استرخص واركب طقم فاليو ب 500 جنيه والليله كلها مكنتش هتعدى 800 جنيه بس انا قولت خلينا فى النظيف ( واتمنى انى اكون ملبستش فى حاجه مضروبه ان شاء الله ).

مبروك ياباشا
شغل تمام
الطقم القديم عمل كام كيلو متر؟؟

الله يبارك فيك يارب القطم القديم بتاع الفبريكا عامل من عمر العربيه 228 الف كيلو ( الكيلو متر بتاع عربيتى )

مبروك وربنا يباركلك فيها

ربنا يبارك فيكوا يارب النهارده عملت 200 كيلو بالعربيه على الطقم الجديد ما شاء الله العربيه بقت عربيه تانيه ونعمه اوى وكان فى رجه فى الطلعات والغيارات كنت فاكرها قواعد راحت خالص لما غيرت الطقم ما شاء الله الله اكبر العربيه بقت اكنها زيرو الحمد والشكر لله

المشاركة الأصلية كتبت بواسطة o0hanafi0o

ربنا يبارك فيكوا يارب النهارده عملت 200 كيلو بالعربيه على الطقم الجديد ما شاء الله العربيه بقت عربيه تانيه ونعمه اوى وكان فى رجه فى الطلعات والغيارات كنت فاكرها قواعد راحت خالص لما غيرت الطقم ما شاء الله الله اكبر العربيه بقت اكنها زيرو الحمد والشكر لله

دي الميزة بتحس ان العربية حاجة تانية
مبروك الشغل يا باشا