بفكر اشتري رنجلر ٢٠١٤ بس محتار

**stonecoldmido5** · 23-09-2014 03:39 PM

المشاركة الأصلية كتبت بواسطة land_cruiser

ما انا علشان كده يا فندم قلت لحضرتك تكشف علي التيل و من حالته و شكله تقدر تعرف ايه اللي حصل. أكيد ده مش مقبول سواء عيب صناعه او حتي استهلاك طبيعي انما لازم تعرف في الاخر ايه السبب علشان تتجنبه بعد كده و في حالتنا دي التيل اللي موجود بتاع الفابريكه الأصلي انما ممكن يكون القطع اللي عندك بس بالصدفة فيها مشكله و هي اللي عملت كده في الطنابير و يجوز يكون اُسلوب القياده محتاج يتظبط شويه يعني كل الاحتمالات قائمه و مش هتقدر تتلافي المشكله في المستقبل من غير ما تعرف السبب الحقيقي اللي عمل كده و ده مش هييجي الا بالكشف علي التيل

علي العموم يا فندم كشفت زي اما حضرتك قولتلي بره التوكيل , وقالي ان التيل متاكل طبيعي جدا و ممكن يقعدني 4 شهور كمان , اما بالنسبة للطنبورة فهو سألني هل فيه رجة في الدريكسيون مع الفرملة علي السرعة فقولتله مفيش اي رجة , فكشف علي الطنبورة وقال ان سطح الطنبورة نفسه مصدي و العجيب ان التيل مش معلم علي سطح الطنبورة , وقالي احتمال كبير تكون الطنابير قديمة في الشركة و مصدية لانها استحالة تصدي في الفترة القليلة دي و بالتالي بتكون اكتر عرضة للريجة حتي لو كانت الريجة علسي سطح الطنبورة خفيفة و طمني ان مفيش منها مشاكل علي المدي القصير

**Land_Cruiser** · 23-09-2014 06:50 PM

المشاركة الأصلية كتبت بواسطة stonecoldmido5

علي العموم يا فندم كشفت زي اما حضرتك قولتلي بره التوكيل , وقالي ان التيل متاكل طبيعي جدا و ممكن يقعدني 4 شهور كمان , اما بالنسبة للطنبورة فهو سألني هل فيه رجة في الدريكسيون مع الفرملة علي السرعة فقولتله مفيش اي رجة , فكشف علي الطنبورة وقال ان سطح الطنبورة نفسه مصدي و العجيب ان التيل مش معلم علي سطح الطنبورة , وقالي احتمال كبير تكون الطنابير قديمة في الشركة و مصدية لانها استحالة تصدي في الفترة القليلة دي و بالتالي بتكون اكتر عرضة للريجة حتي لو كانت الريجة علسي سطح الطنبورة خفيفة و طمني ان مفيش منها مشاكل علي المدي القصير

طيب الحمد لله. موضوع الصدأ اللي علي الطنابير بيخليها كأنها بتبرد في التيل فبتساعد انه يتاكل بمعدل اسرع من الطبيعي و احتمال تكون مصديه من الاول فعلا لان لو مره و لا اتنين دست في مياه و الطنابير كانت سليمه لما التيل هيقفل عليها هيبرد اي شويه صدأ حصلوا انما من الوصف كده واضح انها صدت جامد لدرجه انها محتاجه تغيير

**stonecoldmido5** · 23-09-2014 08:59 PM

المشاركة الأصلية كتبت بواسطة land_cruiser

طيب الحمد لله. موضوع الصدأ اللي علي الطنابير بيخليها كأنها بتبرد في التيل فبتساعد انه يتاكل بمعدل اسرع من الطبيعي و احتمال تكون مصديه من الاول فعلا لان لو مره و لا اتنين دست في مياه و الطنابير كانت سليمه لما التيل هيقفل عليها هيبرد اي شويه صدأ حصلوا انما من الوصف كده واضح انها صدت جامد لدرجه انها محتاجه تغيير

وده زي اما حضرتك عارف انها بتعمل صوت تكتكة مع اخر الفرملة و انا ماشي هادي , بس بالنسبة لتغييرهم حضرتك تنصحني اغيرهم احسن بره التوكيل و لا جوه التوكيل مع العلم اني مبقتش مستريحلهم و كمان السعر مبالغ فيه و خايف برضه ان الطنابير تكون مركونة عندهم من فترة فيحصل نفس العيب

**ahmed_eng2001** · 23-09-2014 09:13 PM

المشاركة الأصلية كتبت بواسطة land_cruiser

الموضوع المفروض ميبقاش مقبول في اي عربيه سواء غاليه او رخيصه لان الفرامل مرتبطه بالامان و حياه الركاب و دي حاجه ملهاش دعوه ببلد الصنع و لا السعر و كلامي مش دفاع عن العربيه او توكيلها و لكن مجرد محاوله لمعرفه ايه اللي حصل بالضبط و العيب منين لتلافي حدوثه مره اخري في المستقبل عن طريق العلاج السليم. معظم التوكيلات بتقول موضوع الطنابير الساخنه و المياه علشان تبعد الشبهه عن موضوع الجوده و تحويله الي سوء استخدام اللي هو مسئوليه المالك و لذلك لابد ان يكون عندنا طريقه لمراجعه اللي حصل و ساعتها اقدر اشتكي بناء علي دليل أو لو باعمل غلطه معينه ممكن اتجنبها بقدر الإمكان بعد كده و الا الموضوع ممكن يتكرر تاني كل فتره

انا متفق مع حضرتك تماما .....

و انا مش مقتنع بموضوع التيل لما تكون سخنة و ييجى عليها مياه تبوظ !!!!! زمان كانم معانا 132 و لم نشتكى من الطنابير ... و كذلك فى ال131 و فى البيجو 504

و بحاول اقنع نفسى ان احتمال العربيات الحديثة .... بيوفروا فى الخامات و تخانات الطنابير ... فاحتمال يحصل اعوجاج فى الطنابير نتيجة تعرض اجزاء منها للتبريد المفاجى !!!!!
و لم اسمع بهذه المشكلة دى فى الاسكودا او التويوتا مثلا
عذرا ... فيه حاجات صغيرة كدة مبعرفش اعديها ... موضوع الطنابير ده واحد منها

شكرا لرد حضرتك ...

**احمد فهمى** · 26-09-2014 12:01 PM

مشكلة الرانجلر حاليآ المبالغه في سعرها بس للأسف كلو غلى صديق لي كان من اول المشترين تقريبآ روحت انا وهو عز العرب نستلمها فى اول 2010 كانت زيرو ب218 تخيلو وكان فى المعرض الشيروكي kk ركبتها هناك بصراحه اسطوره بمعنى الكلمه بس الفرق كان 140 الف جنيه كانو يشترو ساعتها تيوتا كرولا زيرو من تجربتي للرانجلر من التسعينات للموديل الجديد هى عربيه اسطورة تحمل لكنها ناشفه وده طبيعى كل اللى على شاسيه ناشف زي التيونا فورتشينر مثلآ مع انها يابانى بس على شاسيه الربع نقل بتاعتهم ومن تجريتى مع السي سي العالى مش فارقه كتير ولو مشاويرك عاديه يعنى مش موظف بتلف بعربيه او بتروح الشغل مسافات كبيره مش هتحس بفرق وهمى بس اللى مش لطيف البلاستيك الكتير بره فيها زر الاكصدامات بس هى لها حديد متزفر وبالتوفيق للجميع

**احمد فهمى** · 09-10-2014 01:47 PM

انا قدامي رانجلر بس المشكله ان عزل الصوت عندى اهم من اي حاجه وخصوصآ فى السفر انا بسافر غردقه قاهره 5 مرات فى السنه حد اقصى وعندى استفسار تانى انا معايا نيسان اكس تريل 2500 سي سي وبعمل 180 , 170 كيلو فى ال20 لتر وطبعاً الرانجلر تزيد 2 سلندر و1300 سي سي فطبيعى تعمل 100 كيلو فى ال20 لتر الموضوع مش واضح اودامي وبخاصة ان نيسان معروفه سحب قوى جدآ ودفع رباعى كامل بتحكم اوتو ولوك وبطلع بيها جبال وصحرا عادي جدآ ودخلت اماكن الليبرتى غرزت فيها بس الرانجلر داخله دماغى ايه رايكم؟؟

**Hussein_Ramdan** · 10-10-2014 03:53 PM

المشاركة الأصلية كتبت بواسطة احمد فهمى

انا قدامي رانجلر بس المشكله ان عزل الصوت عندى اهم من اي حاجه وخصوصآ فى السفر انا بسافر غردقه قاهره 5 مرات فى السنه حد اقصى وعندى استفسار تانى انا معايا نيسان اكس تريل 2500 سي سي وبعمل 180 , 170 كيلو فى ال20 لتر وطبعاً الرانجلر تزيد 2 سلندر و1300 سي سي فطبيعى تعمل 100 كيلو فى ال20 لتر الموضوع مش واضح اودامي وبخاصة ان نيسان معروفه سحب قوى جدآ ودفع رباعى كامل بتحكم اوتو ولوك وبطلع بيها جبال وصحرا عادي جدآ ودخلت اماكن الليبرتى غرزت فيها بس الرانجلر داخله دماغى ايه رايكم؟؟

بلاش رنجلر لو بتسافر كتير العربيه وحشه على الطرق السريعه

**احمد فهمى** · 10-10-2014 05:56 PM

المشاركة الأصلية كتبت بواسطة hussein_ramdan

بلاش رنجلر لو بتسافر كتير العربيه وحشه على الطرق السريعه

حتي لو اخري 120 ؟؟ وسفرى مش كتير للدرجه

الموضوع: بفكر اشتري رنجلر ٢٠١٤ بس محتار

LinkBack

أدوات الموضوع

عرض

-

-

-

المواضيع المتشابهه

الله يكرمكم محتار بين ال c4 والتيدا ٢٠١٤

اشتري مازدا ٢٠١٣ ولا ٢٠١٤ و إيه الفرق

محتار بين الكورولا الهاي لاين ٢٠١٤ و الاوكتاڤيا ٢٠١٤ A7 Ambition

محتار بين الكورولا الهاي لاين ٢٠١٤ و الاوكتاڤيا a7 ٢٠١٤ الامبيشين

اشتري كورولا ٢٠١٤ الشكل الجديد ام اوكتافيا a7

الكلمات الدلالية لهذا الموضوع

المفضلات

المفضلات

ضوابط المشاركة