ايه اكتر اشتغاله سمعتها فى عالم السيارات ؟؟؟

**د.محمود صلاح** · 05-02-2010 04:34 PM

المشاركة الأصلية كتبت بواسطة momopersona

موضوع جامد جدا
انا بئا باحب اعمل الاشتغالات بئا
ااخر اشتغاله عملتها
كانت فكرة احد الاعضاء ان عشان اخلى اللى بيركب العربيه مايرزعش الباب افهمه انه مابيتقفلش لما يترزع عشان الباب ده ستيبترونيك

وطبعا انتو عارفين الجين تو اللى مالوض فى العربيات شكلها بيحسسو انها بى ام او حاجه ب300 الف مثلا

ركب معايا واحد (بلدياتنا) عشان ماحدش يزعل
فقبل مايقفل قولتله حاسب
قالى ايه
قولتله اقفل الباب بالراحه عشان الباب ده ستيب ترونيك لو قفلته جامد هايكهربك وممكن تموت
قالى واه يكهربنى لييح ؟؟
قولتله عشان ستيبترونيك
قاالى اااه طيب
وقفله بالراحه جدا وفضل خايف منه ومش عايز يلمسه لا يحصل حاجه (اصله ستيب ترونيك)
جاى نازل بيفتح الاوكره مش راضيه تفتح عشان السينتر مقفول
قومت مزعق فيه جامد بتفتحه ليه ده ستيب ترونيك
قالى ايه اللى حصل
قولتله بوظته حرام عليك وقعدت اقفل وافتح فى السينتر من الزرار اللى عندى فبيعمل صوت لاقيته خايف جدا من الصوت وبيقولى ايه ده ؟؟؟ هايكهربنى ولا اييحه؟؟

بس صعب عليا وقولتله ده انا باهزر معاك ياعم انزل مافيش حاجه من الكلام ده خالص
اام نازل وديب رازع الباب
قولتلو يعنى دى غلطتى عشان ماسيبتكش مدحوك عليك
وباعمل نفس الحركه فى ناس كتير وبيصدقو ويقفلو الباب بالراحه (عشان ستيب ترونيك طبعا)

ههههههههههههههههههه مصيرك هتقع مع واحد فاهم

**A.Elsheikh.01** · 05-02-2010 05:42 PM

اقتباسالمشاركة الأصلية كتبت بواسطة nedaanagyانا حصلي موقف لذيذ اوي في المرور يدل علي ان في ناس بتشغل كرشها اكتر من عقلها :

انا معاي عربية جولف 2001 وانا بجدد الرخصة غلطوا في الكمبيوتر وكتبوا بدل فولكس واجن جولف كتبوا فولكس واجن بولوا انا طبعا مسكتش ورحت يمين ورحت شمال المهم مفيش امل لازم العربية تتفحص من اول وجديد ويكتبوا في الفحص جولف مع ان سبحان الله الفحص الاول اللي المفروض يكون انهاردة ده اصلا مكتوب فيه جولف بس غباء موظف بق المهم يهديك يرضيك ابدا ... خدته علي قد عقله وقلت ذي بعضوا نفحص تاني وياريتني ما فحصت .... رحت لمهندس الفحص بعد عناء في طابور الفحص وقولتلوا عايز افحص قالي الرخصة لو سمحت وخدها وقام كاتبلي في ورق الفحص فولكس واجن بولو .... انا طبعا سعتها ضربت شرارة قولتلو انا بعد اذنك بفحص عشان اغير بولو دي اخليها جولف ... قالي ماليش دعوة الرخصة مكتوب فيها بولو قولتلوا طب العربية قدام حضرتك ايه قالي مليش دعوة ... قلتلوا طب في في الدنيا بولو بالمنظر ده مش حضرتك مهندس برده وكمان في بولو 1800 تربو المهم الراجل دماغه جزمة قديمة مش عاوز يغيرها وانا كان هاين عليا اقتلوا ... اخر ما اعصابي فلتت قمت ماسك ورق الفحص وقطعتوا وقلت والله ما انا مغيرها وهمشي بيها بولو الظابط اللي هيتكلم هطلع فيه كل غيظي ده .

الغريب بق اني قعدت سنة كاملة ما بين دمياط وبورسعيد واسكندرية والقاهرة وطلعت الرخصة حوالي 600 مرة ما في ظابط ولا عسكر اخد بالوا ان دي جولف مش بولو ذي ما مكتوب ... انا ذات نفسي بدقت اصدق انها بولو مش جولف

بس الحمد لله بعدها بسنة 360 يوم رحت اجدد وخلصت كل ورقها علي انها بولو ورحت لموظف الكمبيوتر ادتله 20 جنيه وعلبة سجاير مالبورو من ام 9 جنيه دي وقلتلوا انا عاوزك تكتبلي جولف بدل بولو قالي من عنيا الاتنين جوووووووولف... وكل حاجة رجعت طبعية

انا لو اعرف كده كنت من الاول اديت للموظف الغبي ده العشرين جنيه وخلتوا يكتبها جولف

وعجبي فعلا علي حال بلدنا

واسف علي الاطالة

ياعم حلو علشان الحسد بولو بولو بس تعيش

**ahmed-moga** · 05-02-2010 07:29 PM

زمان وانا في الجامعه كان واحد صاحبي ابوه عنده معرض عربيات وكان من الناس المعديه في الموديلات الغاليه وكان جايب بي ام دبليو احدث فئه في وقتها ومرسيدس عيون وكان صاحبي ده بيشتغلنا في الكليه وبيقولنا ان المرسيدس العيون دية فيها حساس من قدام علشان لو العربية اللي قدامك وقفت مره واحده عربيتك تقف قبلها بمتر والبي ام دبليو فيها كومبيوتر علشان لوحاجه باظت يصلحها لوحده من غير ميكانيكي والكاوتش لو اتخرم جواه كاوتش تاني بيتنفخ اتوماتك ويحل مكان اللي اتخرم وفيها قائد آلي تحددله الخريطه والمكان وهوة يروح للمكان لوحده وفيها انذار لو حد فتح العربيه من غير بصمة ايدة يترش في وشه مخدر قوي وبعدين العربيه تتصل بالشرطه بس للأسف مش شغال علشان الكومبيوتر متخزن عليه نمرة الشرطة بتاعة المانيا ولازم تروح التوكيل علشان يغيره عن طريق الكومبيوتر طبعا كان خايف لانقوله ورينا وطبعا الباشا كان بيتفرج علي مسلسل نايت تريدر بتاعة اخترنالك كتير وعايش علينا ولفت الأيام وكنا في زفة اخته وهو كان بيزف اخته في العيون لأنهم كانوا خدوها لنفسهم وبيشغلوها تأجير وزفه وهب العربيه اللي قدامه وقفت مره واحده وكانت مرسيدس موديل اقدم شويه تقريبا كانت e200 وهب العربيه العيون لبست فيه والوش بتاعها والأكصدام ادشملوه ونزل صاحبي بيصوت واحنا مبقناش عارفين نعمل ايه نواسيه واحنا عمالين نضحك عليه رحت قايله اقوم ياعم الأمور وعمال تشتغلناوالعربيه فيها حساس والعربيه مينفعش تخبط في حد هو الحساس مشتغلش ولا ايه وانت حاسس بأيه دلوقتي راح بصصلي وقالي حاسس ان ابويه ها00000 زي الكاوتش

**Dr.SherifMansy** · 10-02-2010 04:40 PM

المشاركة الأصلية كتبت بواسطة ahmed-moga

زمان وانا في الجامعه كان واحد صاحبي ابوه عنده معرض عربيات وكان من الناس المعديه في الموديلات الغاليه وكان جايب بي ام دبليو احدث فئه في وقتها ومرسيدس عيون وكان صاحبي ده بيشتغلنا في الكليه وبيقولنا ان المرسيدس العيون دية فيها حساس من قدام علشان لو العربية اللي قدامك وقفت مره واحده عربيتك تقف قبلها بمتر والبي ام دبليو فيها كومبيوتر علشان لوحاجه باظت يصلحها لوحده من غير ميكانيكي والكاوتش لو اتخرم جواه كاوتش تاني بيتنفخ اتوماتك ويحل مكان اللي اتخرم وفيها قائد آلي تحددله الخريطه والمكان وهوة يروح للمكان لوحده وفيها انذار لو حد فتح العربيه من غير بصمة ايدة يترش في وشه مخدر قوي وبعدين العربيه تتصل بالشرطه بس للأسف مش شغال علشان الكومبيوتر متخزن عليه نمرة الشرطة بتاعة المانيا ولازم تروح التوكيل علشان يغيره عن طريق الكومبيوتر طبعا كان خايف لانقوله ورينا وطبعا الباشا كان بيتفرج علي مسلسل نايت تريدر بتاعة اخترنالك كتير وعايش علينا ولفت الأيام وكنا في زفة اخته وهو كان بيزف اخته في العيون لأنهم كانوا خدوها لنفسهم وبيشغلوها تأجير وزفه وهب العربيه اللي قدامه وقفت مره واحده وكانت مرسيدس موديل اقدم شويه تقريبا كانت e200 وهب العربيه العيون لبست فيه والوش بتاعها والأكصدام ادشملوه ونزل صاحبي بيصوت واحنا مبقناش عارفين نعمل ايه نواسيه واحنا عمالين نضحك عليه رحت قايله اقوم ياعم الأمور وعمال تشتغلناوالعربيه فيها حساس والعربيه مينفعش تخبط في حد هو الحساس مشتغلش ولا ايه وانت حاسس بأيه دلوقتي راح بصصلي وقالي حاسس ان ابويه ها00000 زي الكاوتش

يظهر صاحبك بيحب القراءة شوية ،...

عموما الحاجات دى موجودة فعلا بس فى العربيات العالية من المرسيدس و البى ام ، مش فى اى موديلات

و آدى لنكات للمواضيع دى

* مرسيدس E Class 2009 بتهدى و تسرع و تقف حسب العربية اللى قدامها

* نظام لل بى ام علشان تركن على جنب لو السواق تعبان و مش قادر يسوق

* نظام أمان للمرسيدس و غيرها بيحسب سرعة العربية اللى قدام مع سرعة العربية و يمنع التصادم ، و يمنع لو السواق نام و يراقب مستوى اليقظة

* نظام ملاحى لل بى ام و تحديد الأتجاه و الأماكن و الطرق و الأتصال بالنجدة فى حالات الطوارئ او بمركز الخدمة حسب الحالة

* الكاوتش ينفخ أو يفضى نفسه حسب المطلوب ، و موجود فى الهامر

دى بعض اللنكات ، و واضح ان صاحبك ده بيحب يقرا لكن بيخللى اللى بيقراه عنده.

و تحياتى

**esam_comm** · 10-02-2010 09:18 PM

شوف الموضوع دهhttp://www.nilemotors.net/Nile/124409-a.html

**أحمد كمال** · 11-02-2010 12:34 AM

المشاركة الأصلية كتبت بواسطة seiffoz

بس مش الأوتو أحلى طبعا :oc_sun1[1]: ؟؟؟

ما باتكيفش من سواقته خالص ...... مفيش زي المانوال ...... زي الفرق كده بين الاكلة البيتي المسبكة اللي الحاجة حاطة فيها عصارة خبرتها في الطبيخ 20 و لا 30 سنة مقارنة بالفاست فوود :) .....

-

-

الموضوع: ايه اكتر اشتغاله سمعتها فى عالم السيارات ؟؟؟

LinkBack

أدوات الموضوع

عرض

-

-

-

المواضيع المتشابهه

ماهو مصطلح pdi فى عالم السيارات

بوغاتي أسطورة في عالم السيارات

أغنى 20 شخصية فى عالم السيارات

اختصارات ومصطلحات فى عالم السيارات

الكلمات الدلالية لهذا الموضوع

المفضلات

المفضلات

ضوابط المشاركة