الموضوع: فلوسى جمدتها كلها دولارات وأسترلينى ..محتاج نصيحة

المشاركة الأصلية كتبت بواسطة lolnk

معلش سؤال الفائده 12% موجوده فين دى ؟ اللى اعرفه 10.5% ياريت تقولى فين النسبة دى

السلام عليكم انا ارسلت لك رسالة لم تظهر اتصل على رقم 16668 لاو ده رقم بنك aibank و اعلانه نازل في اهرام النهاردة فائدة 12 % شهادة مدة 3 سنوات ويصرف العائد كل 3 شهور و ربنا يوفقك

المشاركة الأصلية كتبت بواسطة ali ashraf

السلام عليكم توجد فائدة 12% بالجنية المصرى شهادات مدتها 3 سنوات و يصرف العائد كل 3 شهور كانت 11% من شهر و زادت الى 12% بعد البنك المركزى ما رفع نسبة الفايدة على الودائع بنك saibank و الخط الساخن للبنك 16668 وأعلان البنك في الصفحة الرئيسية الثانية لجريدة الاهرام بتاعة النهاردة , ربنا يو فقك و ابقى طمنى و اظن ان المصرف المتحد برضه 11 او 12%

باشا انا حبيت اتاكد من المعلومة دى الخط الساخن لسيتى بنك هو 16644 وليس 16668 تمام لما اتصلت بيهم قالى تروح الفرع علشان تعرف لانه مش عنده فكرة


بالنسبة للمصرف المتحد كلمتهم على 19200 اعتقد وقالولى اعلى نسبة للشهادات 10.5%

فياريت لو حضرتك متاكد من المعلومة الخاصة بسيتى بنك تقولنا يعنى

السلام عليكم مش سيتى بنك بنك اسمه saibank بينزل اعلانات في الصفحة الثانية الرئيسية بجريدة الاهرام و نازل في اهرام النهاردة ورقم الاتصال 16668 وممكن طبعا تحاول تجيب جريدة الاهرام بتاعة النهاردة و بالتوفيق ابقى طمنى بعد ما تقرأ الأعلان بتاع البنك في جريدة الأهرام

المشاركة الأصلية كتبت بواسطة ali ashraf

السلام عليكم مش سيتى بنك بنك اسمه saibank بينزل اعلانات في الصفحة الثانية الرئيسية بجريدة الاهرام و نازل في اهرام النهاردة ورقم الاتصال 16668 وممكن طبعا تحاول تجيب جريدة الاهرام بتاعة النهاردة و بالتوفيق ابقى طمنى بعد ما تقرأ الأعلان بتاع البنك في جريدة الأهرام

دخلت على موقع البنك بس المشكلة ان الرقم ده اصلا مش موجود فى الخدمة ههههههههههه

يا جماعة أنا شاكر جدا لردودكم وتفاعلكم معايا ، وأنا والله فى حيرة كبيرة ليس بعدها حيرة وخصوصا أن كل فلوسى تعبت عشان احولها للدولار علشان كان عندى حلمين
الاول : أنى كنت عاوز اجيب عربية تويوتا مكروباص وأشغلها سياحة وهى بيبقى سعرها تسليم فى المنطقة الحرة حوالى 24 ألف دولار وخايف اجيبها دلوقتى ومعرفش أشغلها لان السياحة نايمة وهتحتاج سواق عليها معاه رخصة مهنية .. أنا بسوق بس ممعايش رخصة مهنية وشغال مرشد سياحى
الحلم التانى واللى خلانى أجمد الفلوس كلها عملات : هو انى كنت عاوز اشتغل بالتجارة وأستورد مولدات كهربا وموبيلات من الصين وللاسف بعد أخلاق الناس المتوحشة اللى أتغيرت من بعد الثورة السودا علينا وعلى السياحة بقيت خايف أتعامل مع الناس بسبب المكر والخبث والكذب اللى بقى فى الناس .
بصراحة أنا مش عارف أعمل أى حاجة وخايف أغامر أخسر كل شىء .
الحل الوحيد اللى جه فى دماغى هو أنى أشترى ميكروباص وأطلع رخصة مهنية وفى شرم الشيخ أجمع بعلاقاتى هناك أجانب من الفنادق أطلعهم سانت كاترين ، منها أبقى سواق الميكروباص ورجلى عليه عشان مايتهانش وأهو يخدمنى فى المواصلات والانتقالات ومنها انى أستخدم ترخيص الارشاد فى الشرح داخل الدير .. الحياة بقت صعبة جدا وأنا مش حمل أنى أجيب سواق وأجرله مكان وشقة وأدفعله مرتب وبدلات للاكل والشرب ..كل ما أقول أفك الفلوس اعمل بيها مصلحة وأحطها فى شهادات أستثمار أرجع لورا وألغى الفكرة خصوصا أنى تعبت فى تجميعها وتجميدها بالدولار والموضوع مش سهل أنه يتكرر تانى .. يارب ألاقى معاكم الحل للخروج من المشكلة دى لانى فعلا تعبت من التفكير ومن البحث عن فرصة أخرج بيها من الخنقة دى

المشاركة الأصلية كتبت بواسطة lolnk

دخلت على موقع البنك بس المشكلة ان الرقم ده اصلا مش موجود فى الخدمة ههههههههههه

انا مش خبير مالى ارجو مراجعه المعلومة في جريدة الاهرام عدد اليوم و الاعلان واضح زى الشمس

المشاركة الأصلية كتبت بواسطة ali ashraf

انا مش خبير مالى ارجو مراجعه المعلومة في جريدة الاهرام عدد اليوم و الاعلان واضح زى الشمس

اوكيه يا باشا وشكرا جدا للمعلومة دى وعيد سعيد عليك ان شاء الله