ايه اخبار السويفت الجديدة ؟

**D . a .\ AYMAN** · 06-08-2014 02:01 AM

المشاركة الأصلية كتبت بواسطة ahmed shams

يا باشا الف مبروك على العربية ربنا يكفيك شرها إن شاء الله
ما ينفعش تشوفلنا واسطة زيك كدة :

انا حاجز فى التوكيل و مش لاقيها برة حتا

بإذن الله التوكيل هايبتدي يسلم من الأسبوع الجاي على حسب كلام بتوع المبيعات والدور بأسبقية الحجز طبعا

المشاركة الأصلية كتبت بواسطة ramo83

شرقاوي باشا عيني هسأل علی كل ده و لو افتكرت حاجة زيادة هجيب السعر و هجيب إن شاء الله اسعار الصيانات و هكتيها و الي عرفتو ان اول صيانة مجانا بس هتاكد لما اروح طبعا :) في مصر مفيش ببلاش :)

لأ في دي ما تقلقش ياباشا أول صيانة دايما ببلاش لأن ما بيتعملش فيها حاجة تقريبا غير غيار زيت وفلتر وتربيط العفشة ولو فيه أي مشكلة استثنائية العميل بيواجهها

**D . a .\ AYMAN** · 06-08-2014 02:10 AM

المشاركة الأصلية كتبت بواسطة ramo83

استاذ ايمن الف شكر و ربنا يكفي الجميع شر الطريق .. في حاجة حابب اضفها .. الكاوتش ماركة good year هو class a في كل حاجة معادا temprature class b

على فكرة الجوديير الهندي كاوتش خامته حلوة كان عندي في الألتو ومر بظروف مهببة وأثبت فعلا إنه حمال قسية وكان لما بتخرم ولا حاجة أشيل المسمار منه وأمشي بيه شوية ألاقيه بطل ينفس والخرم لحم لوحده ودي حصلت معايا مرتين

عيبه الوحيد كان إنه مزعج جدا على الطريق

**Ahmed Shams** · 06-08-2014 11:03 AM

المشاركة الأصلية كتبت بواسطة ramo83

الله يبارك فيك استاذ احمد :) والله الواسطة جت صدفة بس حاضر والله هحاول اشوف واحدة او اتنين و هكتبلك و بالنسبة انها مش موجودة برة لا هي موجودة بس المعارض مش هتطلع ولا عربية لحد ما تغلی هتلاقي المعارض حطة واحدة سيدان و واحدة هاتش باك يحجزو بيها بس و لو سئلت البياع هيقولك متباعة

ربنا يخليك يا باشا ده تبقي عملت فيا معروف كببر اوي و ممكن ادفع اوفر بريز بس مش كتير زي الي بنسمعه ده

**elsharkawy20** · 06-08-2014 11:41 AM

المشاركة الأصلية كتبت بواسطة RamO83

شرقاوي باشا عيني هسأل علی كل ده و لو افتكرت حاجة زيادة هجيب السعر و هجيب إن شاء الله اسعار الصيانات و هكتيها و الي عرفتو ان اول صيانة مجانا بس هتاكد لما اروح طبعا :) في مصر مفيش ببلاش :)

اه مفيش حاجة ببلاش فعلا

... شكرااا يا بشمهندس رامى معلش هتعبك معانا

**dr_samora** · 06-08-2014 02:41 PM

يا جماعه انا ناوي ان شاء الله علي السويفت الهاتش باك بس ياريت حد يفيدنا بخبراته اكتر ومعلش سوال تاني ايه احسن بنك ف التقسيط (اقل فايده )
وهل حد عنده اخبار عن الارتيجا

**NourElmansy** · 06-08-2014 06:21 PM

في المصرية قالولي ب 105 استلام الاسبوع الجاي ..

السؤال هنا ، هل لو حبيت الغي الحجز مع مرعي و اجيبها من المصرية هيرجعو قيمة الحجز ؟ ( 5000 ج ) ؟

**Ahmed Shams** · 06-08-2014 09:40 PM

المشاركة الأصلية كتبت بواسطة nourelmansy

في المصرية قالولي ب 105 استلام الاسبوع الجاي ..

السؤال هنا ، هل لو حبيت الغي الحجز مع مرعي و اجيبها من المصرية هيرجعو قيمة الحجز ؟ ( 5000 ج ) ؟

انا سألت فى التوكيل على النقطة ديه قبل ما احجز و قالولى بيرجع الفلوس عادى مفيش مشكلة و انا لو عرفت الاقيها بره هعمل كدة

**Shiemaa** · 06-08-2014 10:19 PM

فين مرعي ده ؟

**RamO83** · 07-08-2014 03:22 AM

يا جماعة انا تحت امركو احنا هنا بنساعد بعض و ربنا يقدم الي فيه الخير انشاء الله

**RamO83** · 07-08-2014 03:31 AM

المشاركة الأصلية كتبت بواسطة dr_samora

يا جماعه انا ناوي ان شاء الله علي السويفت الهاتش باك بس ياريت حد يفيدنا بخبراته اكتر ومعلش سوال تاني ايه احسن بنك ف التقسيط (اقل فايده )
وهل حد عنده اخبار عن الارتيجا

انا ياباشا مقسط مع بنك المشرق 8.8% ده اقل حاجة لقيتها بعد الاسكان و التعمير و بالنسبة للارتيجا هي هي السويفت هاتش و سيدان نفس العفشة و نفس التجهيزات و نفس الفيتيس و نفس فرش الديزاير بس اختلاف الموتور و الحجم و سحبها مش وحش و برضه مش جامد نظرا للحجم بس هي عربية عائلة تأدي الغرض و زيادة و متنساش ان سعرها رخيص اوي للفئة ديه و موضوع التكييف الخلفي رغم انو عامل زي السوبر جيت بس حركة صايعة العربية بتبأة تلج في وقت قصير اوي ده رأيي الشخصي من تجربة القيادة