اقتباس المشاركة الأصلية كتبت بواسطة e.s.o مشاهدة المشاركة

السلام عليكم ورحمه الله وبركاتة

قدر الله وماشاء فعل والحمدلله علي كل شي
من شويه وانا سايق العربية اترمي صاروخ كبير كدا جه علي الكبوت بتاع العربية
انا الصاروخ قوي جداً اقوي من فرقعه الطلقه الخرطوش صوته فعلا زي القنبله
الصاروخ نزل علي الكبوت وفرقع راح عامل دايره في الكبوت والدايره دي نزل لتحت شويه بتاع 2 سم والبويه بتاعت المكان دا اتقشرت

طبعا انا من الخضه وخوفي من ان الصاروخ كان يخلي الازاز يفرقع في وش الواحد انا اتصرفت بشكل عشوائي معرفش لقيت العربيه خبطت مني

كاوتش العربية اتقطع والفرده نامت
واظن ان المساعدين او السوست حصل فيها حاجه والمقص اتعوج كمان وقفت تاكسي وفك الفرده وركب الاستبن عشان تمشيني لحد البيت بس الفرده لما ركبت باين ان فيها عوجه والطاره بتتحرك كدا مش ثابته بترمي معايا وانا ماشي علي الاول ورافع نص رجلي من الدبرياج وملمس فرامل كمان عشان العربيه تمشي واحده واحده خالص

والكبوت كمان تقريبا بقي فيه عوجه قافل من مكان ومن مكان تاني طالع شويه مش مطبع ومبقاش يقفل يعني تنزل الكبوت وترفعو تاني يرفع معاك ( لوك )

دلوقتي لازم اشتري فارده كاوتش + مساعدين + مقص + اظبط الحته الي غطست في الكبوت واظبط اللوك بتاع الكبوت عشان مش بيقفل

حد يقدر يقولي اسعار الحجات دي تكلفني كام واعملها فين عند متخصصين جين تو وكمان هل ممكن ان الصنايعي هو الي يجي عند العربيه لان العربيه لما بمشي بيها كدا بتعمل صوت صفاره خفيفه من الجنب الشمال واليمين حاسس ان الفرده بترقص

وكمان العربيه كانت سخنه اوي لما مشيت بيها براحه جداً جداً جداً بدون بنزين علي الاول
ياتري كان بسبب ان الحمل كبير علي العربيه وكمان لانها تقيله وعشان المقص كان عامل مشكله ؟

الحمدلله علي كل شي انا عاوز اقولكم ان الي سمع الفرقعه كان ممكن يعمل حادث من الخضه ما بالكم بقي انا الي عارف ان الصاروخ نزل كنت اعمل ايه
الحمد لله ان رد الفعل المفاجئ جه على قد كده وبس

انت محتاج عفشجى ضرورى ويفضل من منطقتك يفك وتغير اللى باظ

جديد
من م.الجديدة

مستعمل
من ملك البروتون الحرفيين

خلص العفشة وان شاء الله هخدمك جامد جدا فى بند السمكرة والدوكو

لدرجة ان محدش هيعرف من نضافة الشغل ان الكيوت اترش الا الخبراء فقط وبسعر رخيص

الف سلامة
اهى خدت العين ... فالله خير حافظا وهو ارحم الراحمين
معلش