الموضوع: استلمت الماروتى ,,,

المشاركة الأصلية كتبت بواسطة mohamed_kta

مليون مبروك و ربنا يجعلها خير دائم ليك

لكن هل المصرية جيده فى سهولة طلب الضمانات و الأوراق و هل العربية بتكون ملك المصرية ولا بتبعتك لى بنك ؟

ربنا يبارك فيك يابوحميد ,, والله فى حوار السهوله ده انا شايف ان الموضوع كله حصل فى الأنجاز ,, هم فعلا بيتعاملومع سيتى بنك بفايده ثابته تقريبا 8 % كل سنه ,, بس اعتقد بالمنظر ده غالبا هتكون تبع البنك ,, بس مش عارف الصراحه

فى حوارات الضمانات اللى بياخدوها بيبعتومستعلم تبع البنك لعنوانك و يتاكد منه و يقابلك هناك ( باعتبار انك الضامن فى القسط يعنى او اللى هيضمنك )و ياخد منه نفس البيانات بتاعت مفردات الدخل الشهرى وطبعا لازم يبقو متطابقين مع اللى اتقال فى ورق المعرض اللى بيتبعتلهم ع البنك برده ,, المهم دقيقتين تلاته بيقولك شكرا و يمشى ,, شويه وي تصل حد تانى من البنك يسال على نفس الحجات ع التلفون الأرضى و يتاكدو برده من نمره الموبيل ( كل ده على الضامن ) ولو دخلك يستحمل القسط بفكره انه يعدى ال3 اضعاف للقسط بتاخد الموافقه من البنك ( ع القرض يعنى) و بتطلع فى خلال 24 ساعه بس بعدها بتروح تستلم العربيه و تاخد وصلك وتروح و بعدها تعدى ع الشهر العقارى تسجل التوكيل بتاع العربيه و ترجعلهم بيه وتمضى ع الشيكات و فى خلال يوم او 2 بيبعتلك مندوب على المرور اللى انت تبعه بتقابله هناك و يلخصلك فى اجراءات الترخيص و الكلام ده ,, ومن تاريخ الترخيص بيبدأ حساب الأقساط الشهريه

ده كل الحوار تقريبا واى خدمه ياباشا

المشاركة الأصلية كتبت بواسطة m5m

أولا ألف مبروك عليك وربنا يديك خيرها ويكفيك شرها

ثانيا فيه نقطة مش فاهمها..لما حضرتك لسه مرخص النهارده...عملت بيها 210 كيلو جوه البلد ازاى؟ لو سافرت بيها أقول ماشى لكن 210 ك فى يوم جوه المنصورة؟

ولو قبل الترخيص يبقى مافيش مرور عندكم ولا ايه؟

الله بيارك فيك ياm5m ,, يارب امين,,,,
هههههه منا هقولك

انا اصلا من ميت غمر مش المنصوره نفسها كمان انا كنت جبتها من كام يوم قبل الترخبص حوالى اسبوع عملت فيهم الكيلوهات دول ,, وميت غمر مفيهاش مرور غالبا الا نادر فى المواسم

المشاركة الأصلية كتبت بواسطة y_omran

الف الف مبروك و ربنا يعطيك خيرها و يكفيك شرها

الله يبارك فيك يا عمران , تسلم ياباشا

المشاركة الأصلية كتبت بواسطة wezaezz

الف مبروك وربنا يباركلك فيها

ربنا يخليك ياباشا و ربنا يبارك فيك

المشاركة الأصلية كتبت بواسطة elassar2010

الف مبروك على العربية وربنا يديك خيرها ويكفيك شرها

لو ممكن استفسار صغير انت حضرتك بتتدفع قسط 560 لية ؟؟؟؟
اعلانات المصرية الى بتنزل فى الجرايد مكتوب فى الاعلان ان القسط 260 جنية!!!
شكرا لحضرتك

الله يبارك فيك ياباشا ربنا يخليك

المشاركة الأصلية كتبت بواسطة OZYDREAMS

ألف مبروك على العربية يا أستاذ محمد ربنا يبارك لك فيها و يعطيك خيرها و يكفيك شرها :k4:

وبخصوص :



:k26: ده اقل قسط عند المصريه و كاتبين فوق اقل قسط يعنى بيكون المقدم كبير....:k41: طبعا علشان تاخد على دماغك منهم ..... على فكره اسعارهم غاليه اوى ........!

متشكريييين يا ozy باشا ع التوضيح هو فعلا زى منت قلت كده ,, حتى اعلاناتهم القديمه كانت اقل مقدم جمبه اقل قسط و الناس تروح على اساس انهم فاكرين العربيه مقدمها كده و اللى قصادها القسط بتاعها طبعا من الخضه مقولكوش عللى بيحصل

بس الحمد لله الواحد كان هارش القصه دى :k41:

المشاركة الأصلية كتبت بواسطة ouba2

الف مبروك..

الله يبارك فيك ياباشا

المشاركة الأصلية كتبت بواسطة elassar2010

الف مبروك على العربية وربنا يديك خيرها ويكفيك شرها

لو ممكن استفسار صغير انت حضرتك بتتدفع قسط 560 لية ؟؟؟؟
اعلانات المصرية الى بتنزل فى الجرايد مكتوب فى الاعلان ان القسط 260 جنية!!!
شكرا لحضرتك

ياباشا حضرتك لسه ماعرفتش ان الاعلانات اللى فى الجرايد عن العربيات بيبقى فيها غش وانا مابقولش على المصرية بس معظم المعارض بتقول مثلا المقدم 4000 والقسط 260 والحقيقة ان المقدم مالوش علاقة بالقسط ده نظام وده نظام تانى خالص الحقيقة ان المقدم بيبقى اقل مقدم والقسط اقل قسط وانت تختار اى واحد فيهم اما اقل مقدم بس حاتتلسع فى القسط او انك تختار اقل قسط بس تتدفع تقريبا 90% من تمن العربية وماتستغربش ده شغل التلات ورقات بتوع معارض العربيات ربنا يكفيك شرهم بجد والله