استلمت الماروتى ,,,

**m7nsh** · 19-10-2008 07:53 PM

السلام عليكم ورحمه الله وبركاته يا شياب

الحمد لله خلاص السنيوره جت :k9:

العربيه الأنطباع الأول ناعمه و سحبها حلو جدا و صالونها يعتبر نضيف و كويس جدا و ابعادها من جوه غير بره خالص ,, بتخترق الزحمه اختراااااااقااا بجد مش ممكن بتعدى فى حتت غريبه انا ببقى مستغرب و اقتصاديه جدا انا كنت مفول اول ما جبتها (29 لتر =51 جنيه البنزين 90 ) عملت دلوقتى حوالى 210 كيلو مع اللف فى البلد و انى لسه جديد برده فى السواقه ومش كفاءه اوى يعنى مش واخد بالى من حوارات التوفير بتاعت البنزين و كده ,, بس واخد بالى من حوارات التليين وانى محرقش و الكلام ده ,,عموما 210 كيلودول عداد البنزين عدى شرطه النص خلاص بحاجه بسيطه يعنى كده تقريبا التفويله تعملك 400 كيلوولا حاجه جوه البلد ,, حاجه عظمه يعنى

بالنسبه للماديات :

دفعت 15 ونص مثدم +1000 تأمين + 300 مصاريف اداريه ( من فرع المصريه اللى فى المنصوره) والقسط هيبقى 560 على 5 سنين ,, هى موديل 2009

بالنسبه للترخيص :

النهرده رحت رخصت و بعتومندوب من عندهم للحوار ده و فعلا رخصنا و كله تمام الحمد لله و حوار الترخيص (سنه واحده عشان القسط) اتكلف بالطفايه بالمثلث بالحوارات و التظابيط حوالى 570 جنيه

ادعولى بقى ياشباب ربنا يباركلى فيها و بجد متشكر جداا لكل اللى نصحونى بيها و كل اللى قال معلومه استفدت بيها هنا

واى استفسارات انا فى الخدمه ,,

اخوكم محمد بدر

**a77med** · 20-10-2008 09:22 AM

الف مبروك يا اخ محمد وربنا يباركلك فيها ويبعد عنك شرها
وبالنسبة يا اخ محمد للضمانات ياريت تقولنا بياخدوا ضمانات ايه بالظبط وشكرا ليك .

**waled369** · 20-10-2008 09:38 AM

ألف مبروك ع العربية يا أستاذ محمد ربنا يبارك لك فيها و يعطيك خيرها و يكفيك شرها

**mohamed_kta** · 20-10-2008 01:01 PM

مليون مبروك و ربنا يجعلها خير دائم ليك

لكن هل المصرية جيده فى سهولة طلب الضمانات و الأوراق و هل العربية بتكون ملك المصرية ولا بتبعتك لى بنك ؟

**محمد يوسف** · 20-10-2008 01:10 PM

أولا ألف مبروك عليك وربنا يديك خيرها ويكفيك شرها

ثانيا فيه نقطة مش فاهمها..لما حضرتك لسه مرخص النهارده...عملت بيها 210 كيلو جوه البلد ازاى؟ لو سافرت بيها أقول ماشى لكن 210 ك فى يوم جوه المنصورة؟

ولو قبل الترخيص يبقى مافيش مرور عندكم ولا ايه؟

**y_omran** · 20-10-2008 07:12 PM

الف الف مبروك و ربنا يعطيك خيرها و يكفيك شرها

**احمد عز** · 20-10-2008 07:18 PM

الف مبروك وربنا يباركلك فيها

**elassar2010** · 20-10-2008 07:20 PM

الف مبروك على العربية وربنا يديك خيرها ويكفيك شرها

لو ممكن استفسار صغير انت حضرتك بتتدفع قسط 560 لية ؟؟؟؟
اعلانات المصرية الى بتنزل فى الجرايد مكتوب فى الاعلان ان القسط 260 جنية!!!
شكرا لحضرتك

**OZYDREAMS** · 20-10-2008 07:39 PM

ألف مبروك على العربية يا أستاذ محمد ربنا يبارك لك فيها و يعطيك خيرها و يكفيك شرها :k4:

وبخصوص :

المشاركة الأصلية كتبت بواسطة elassar2010

لو ممكن استفسار صغير انت حضرتك بتتدفع قسط 560 لية ؟؟؟؟
اعلانات المصرية الى بتنزل فى الجرايد مكتوب فى الاعلان ان القسط 260 جنية!!!

:k26: ده اقل قسط عند المصريه و كاتبين فوق اقل قسط يعنى بيكون المقدم كبير....:k41: طبعا علشان تاخد على دماغك منهم ..... على فكره اسعارهم غاليه اوى ........!

**elassar2010** · 20-10-2008 07:46 PM

شكرا للتوضيح

الموضوع: استلمت الماروتى ,,,

LinkBack

أدوات الموضوع

عرض

-

-

-

المواضيع المتشابهه

تقرير تنظيف الماروتى من الداخل بالتفصيل + بعض خبايا دهاليز الماروتى :)

عزل الماروتى

حد ركب rpm فى الماروتى؟

زيت الماروتى

زيت الماروتى

الكلمات الدلالية لهذا الموضوع

المفضلات

المفضلات

ضوابط المشاركة