الموضوع: أعمل آشعة رنين مغناطيسي

الاسعار متغيره على حسب المكان
الاجهزه بيبقى ليها رقم بالتسلا بيدل على حداثة الموديل
بتبقى كل ركبه لوحدها

المشاركة الأصلية كتبت بواسطة aif

سبب تفاوت الاسعار هو تفاوت العمولات التي يدفعها المركز للطبيب اللي طالب الشعة
عندك مثلا جلال مراد في روكسي هو اكتر مركز شغال وسعره غالي لأنه بيدي عمولة كبيرة للاطباء
وفيه مراكز مش بتدي
ومراكز بتدي اقل
انا اعرف ان مركز مسجد مصطفي محمود ومركز مسجد المصطفي في صلاح سالم بيعملوها باسعار قليلة ولو حد غير مستطيع ماليا بيعملها مجانا لكن بيكون معاه تحويل من مستشفي او جمعية طبية خيرية تقريبا او بيقررهاله دكتور في عيادة المسجد
ولو معاهوش تحويل او المريض مش محتاج ماليا بيبقي بالسعر العادي بتاعهم وهو اقل كتير من السعر اللي في المراكز الخاصة
بالشفاء ان شاء الله

انا عملت رنين على ايدى كان ب350 بتحويل من دكتور
جيت اعمل على ظهرى نفس المركز قالى 750

عمولات الاطباء المحولين بتكون من ربح المركز ومبتزودش حاجة على طالب الاشعة يعنى مثلا لو سعر الاشعة ٤٠٠ جنية سواء رايح محول من طبيب معين او من نفسك هتدفع نفس المبلغ - لو من الطبيب اللى بينهم اتفاق بيدفع ١٠٠ جنيه من مكسبة للطبيب انا متاكد من الكلام ده لانى اعمل فى مجال قريب عموما مسجد مصطفى محمود عنده اجهزة حديثة وبيتم تطويرها باستمرار واسعاره اقتصادية