الموضوع: انطباعى عن مرسى مطروح

معلش نقطة خارج الموضوع
انت فرحان بالعشوائية اللى عندكم واللى تلاقى شارع عرضه ميكملش 10 متر وطالع فية برج 25 دور دة انى معلش فى اللفظ جاموسة اداله تراخيص بكدة واية المنظر الجمالى فى كدة لما يبقى الشباك فى الشباك ومفيش اى منفذ هواء ولا حتى مكان تركن فية عربيتك ويكفى ل 25 دور
كل الحاجات اللى فرحان بيها دى بدون اى تراخيص ومبوظة شكل البلد وقالبت اسكندرية لمدنية عشوائية

أنا لسه راجع من مصيف ، وكان فى شقتى الخاصة فى شاطئ النخيل ، وقعدت 4 أيام
وتصادف أن صديقى راح يصيف فى فندق اسمه سلطان فى خليج القرش فى شرم الشيخ لأربع ايام فى نفس الأسبوع تقريباً.

أنا صرفت 1700 جنيه فى الأيام الأربعة دول ما بين رسوم دخول البسينات وأكل بره وملاهى للعيال إلخ إلخ إلخ ..
وضع عليهم بهدلتى فى السواقة ما بين هنا وهنا .. وودينا يا بابا وجبنا يا بابا
وبهدلة المدام فى ترويق الشقة واعداد الطعام إلخ إلخ ..
والخلاصة ان اللى اسمتمع بالمصيف هم الأطفال فقط.

بينما صديقى اللى راح سلطان ..
كان قاعد فى غرفة مكيفة مع مراته وعياله
وكان قاعد All inclusive
والبيسينات مجانية طبعاً بالإضافة لأكوا بارك محترمة
بالإضافة لأنه خرج نفسياً من جو مصر وشوارع مصر لجو أوربا وناس أوربا.
ودفع فى المشوار ه 1500 جنيه للفندق + بنزين عربيته ، مافيش مليم أكتر من كده.

فأخذت قرار نهائى ، هاقفل شقتى بالضبة والمفتاح
وكل مصايفى بعد كده هتبقى فى فنادق
وهتبقى راحة اكتر واستمتاع اكتر بنفس التكلفة.

المشاركة الأصلية كتبت بواسطة egyzizo

أنا لسه راجع من مصيف ، وكان فى شقتى الخاصة فى شاطئ النخيل .

اولا اسف لصاحب الموضوع للخروج عن اصل الموضوع

ثانيا لصاحب الرد حضرتك لو تقصد شاطىء النحيل اللى جمب العجمى فى اسكندرية ، ايه رأيك فى شاطىء النخيل دلوقتى و ايه اخبار الزحمة و كل حاجة هناك .. انا بصراحة فاكره من حوالى 7 سنين كده كان حلو اوى بس اكيد الدنيا اتغيرت بس يا رب متبقاش باظت خالص